تقعد معاه ولا ترد البلاد

[بســـــكوته]

السلام عليكن خواتي بسالكن فديتكن
اذا كانت ام ريلج مريضه وسافرت العلاج ورحتي معاها انتي وريلج وطولتو يعني اكثر عن 3 شهور وتحسين بالملل والطفش احيانا وف نفس الوقت مستانسه وتغيير جو لانه اصلا ام الريل عندها خدامتها بس انتو تونسونها
واذا مددو لها العلاج اكثر وريلج بيتم وخواته بين يزورن امهن ويمكن يطولن ،،وانتي ماعندج شي ف البلاد يعني مب مرتبطه لابدوام ولا دراسه بس بعد ماتبين تحسين انج عااقه عمرج وايد عليهم وتفكرين تسافرين بس بيت اهلج ملل وهك وغم تقريبا وفنفس الوقت ماتبين تخلين ريلج روحه وهو عاطنج حرية الاختيار يعني مب جابرج تمين ولاتروحين شو تسوين ؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ام قلبين انا]

والله يعني انتي عطيتنا كل ايجابيات اهل ريلج والسلبيات بيت اهلج
انتي ادرى وين انسب لج

[M-Alshehhi]

عن نفسي بقعد عند ريلي

[غلآ نفسي]

اككيد بتم ويا ريلي

ما يباله تفكير

[لحنْ #]

انا بعد بلصق بريلي ^^

[Ward-uae]

الحين هالشي يباله تفكير
امه مريضه وتتعالج وفيه الخير يقعد عندها ويطمن عليها ومب مقصر عليج بطلعه وتمشية
ملانه ولا مشتاقه لاهلج نزلي برنامج سكاي بي ورمسيهم اون لاين جنهم جدامج
اذا ساندتي ريلج ووقفتي معاه عمره ما بينسى هالشي وبتكبرين في عينه وحاولي تونسين امه الغربه والعلاج تعب نفسي وجسدي والله يردكم بالسلامه

[الوردة الجورية]

وعليكم السلام والرحمة

قعدي مع ريلج

انتي مب عاقة عمرج على حد

انتي مع ريلج

بالعكس انتي اصلاً بتحافظين على زوجج أولاً

و ثانياً هو مابينسى وقفتج مع امه (و زين عندها بعد خدامة ههههه) يعني مب متعبتنج في شي!!!

الله يشفيها و تردون البلاد سالمين غانمين

[ميثه زايد]

أكيد بيلس ويا ريلي بدون تفكير يوم مب مرتبطة بشيء حتى لو مشتاقة لأهلي
أنتي مب فاره عمرج انتي بالسه ويا ريلج حبيبتي

[قلب بنتها]

قعدي عند ريلج احسن

[غزالة AD]

الصقي فيه

[mrs.abk]

مع ريلي ولا بهددددده أبد .. وبعدين ياي البراد والثلج والكشتات .. شو عايلني أرجع

[احلى بعفويتي]

جوفي برجع اسبوعين بيت ماما
وبهيت هياته الدنيا وبطلع ايام العزوبيه مره ثانيه
وبرجع بشحنه ايجابيه ان شالله
اشعليج ترى يمكن كم سنه بعدين ما تسافرين
خزنني ذكريات حلوه و اسدحيها في الانستقرام خخخخخ غايضيهم كمن يوم
وجي يعني قزري وقتج باشيا حلوه صح الغربه ملل
بس ممكن تجديد في الاماكن ما دام في طرف ثالث مع الام وفي بناتها بعد

[ليندااااا]

خلج مع ريلج وخلاص
الله لا يفرقكم يارب

[yummy mommy]

بالعكس هاي وقفة تسجلينها بتاريخ احسانج لأهل ريلج وتكسبين اجر في ريلج ترافقينه وتونسين أمه ..

[بســـــكوته]

الف شكر يعني فداكن ماقصرتن ف الرد ،،هاذا اللي بيصير ان شاء الله 😘😘😘