حقد البنات ع الجميلة لماذا ؟!!

[قلبي صامت]

السلام عليكم و رحمة الله و بركاته. اشتقتلكم يا خواتي العزيزات مرت سنين و انا ما دخلت هالموقع أتمنى أنكم بصحه و سلامه. موضوعي يمكن يكون سخيف عند البعض لكن انا اشوفه كارثه فمجتمعنا و خاصه الحريم. بس استغرب من بعض البنات يوم يشوفون وحده جميله الا يطلعون عنها جانب سيّء مثلا هاي مغروره او مثل اغلب البنات الي يقولون جميله بس مغروره أوكي انتي كلمتيها صادقتيها عشان تحكمين عليها، لا انا ما أشوفها جميله هاي خسفه. اذا قلتو ليش تتكلمين عن هالموضوع موب مهم انا اعرف وحده جميله و جمالها رباني الموظفات الي وياها كارهينها و حاقدين عليها مره بس سالت سوْال ضحكوا عليها لين ما عصبت و اهجموا عليها فالكلام و كله يعاملونها معامله خايسه و هيه الفقيره صابره عليهم ، مره ثانيه ضروها لين ما قدمت استقالتها. هاي الرساله بس حق كل البنات انه اذا شافوو وحده جميله و أخلاقها جميله خلاص صادقوها او حتى لو ما تبون اتصادقونها اوكي بس لا اتضرونها او إتسبونها خاصه هايل الي يحقدون ع جمالها أوكي شو تبين منها اتشوه عمرها مثلا ؟! يعني انا عن نفسي اذا شفت وحده جي عادي ارابعها. أتمنى استفتو من موضوعي و اعرف انه سخيف بس البنت هاي الي ذكرته وحده اعرفها و تعقدت خلاص ماتبا تشتغل من هالمواقف الي صارلها.😰

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

نحن صراحه بطبعنا غيورات ، عادي يعني هاي الجميله لو تشوف وحده ثانيه وحست انها احلى منها تقوم تغار منها بعد ..
وبعضهن الغيره بقلبهن حتى لو البنت مب حلوه .. لكن المشكله باللي تكون استغفرالله لا اخلاق ولا شكل ومغروره بعد خخ هني عاد الواحد يرتفع ضغظه
عن نفسي الحمدلله الله اعطاني ملامح حلوه ، ف ايام المدرسه نفس جي كان محد يكلمني يقول مغروره ، لكني بطبعي غير اجتماعيه وفيني هدوء واستحي .
بس يصنفوها تحت بند " مغروره " .. بس الحين الحمدلله احاول اطلع من قوقعتي خخ
وبصراحه الجمال جمال الروح والقلب ، ممكن اكون جميله لكني ماعرف اكسب الناس ولا احببهن فيني
وممكن اكون مب حلوه لكن قلبي طيب واسلوبي يحبب الكل فيني ..
مشكله عاد بالناس اللي يربطون كل شي بالجمال ويركزون عليه بس .

[قلبي صامت]

نحن صراحه بطبعنا غيورات ، عادي يعني هاي الجميله لو تشوف وحده ثانيه وحست انها احلى منها تقوم تغار منها بعد ..
وبعضهن الغيره بقلبهن حتى لو البنت مب حلوه .. لكن المشكله باللي تكون استغفرالله لا اخلاق ولا شكل ومغروره بعد خخ هني عاد الواحد يرتفع ضغظه
عن نفسي الحمدلله الله اعطاني ملامح حلوه ، ف ايام المدرسه نفس جي كان محد يكلمني يقول مغروره ، لكني بطبعي غير اجتماعيه وفيني هدوء واستحي .
بس يصنفوها تحت بند " مغروره " .. بس الحين الحمدلله احاول اطلع من قوقعتي خخ
وبصراحه الجمال جمال الروح والقلب ، ممكن اكون جميله لكني ماعرف اكسب الناس ولا احببهن فيني
وممكن اكون مب حلوه لكن قلبي طيب واسلوبي يحبب الكل فيني ..
مشكله عاد بالناس اللي يربطون كل شي بالجمال ويركزون عليه بس .

تسلمين الغاليه ع المرور صح كلامج الغرور فطره عند الحرمه. فيه ناس ماشاء الله شخصيتهم حلوه لكنها عاديه و فيه ناس سبحان الله ما تعرف تكسب الناس ما فيه إنسان كامل و الكامل الله سبحانه. باين عليج انسانه حبوبه و طيوبه و تشرفت فمرورج الغاليه 💗

[Fa.R]

أنا أشوفه مرض نفسي لا أقل ولا أكثر

على شو تغار؟ مش لـ هالدرجة توصل أنها تضرها وتتكلم في عرضها
، وللأسف هالشيء أجوفه يزيد في مجتمعنا ولو كانت جميلة بيطلعون فيها
كل العيووووب ويدقققن بشكل ما تتخيلين كأنهن ملائكة ونادر وحدة تذكر ربيعتها
بأنه غلط . .

الله يهدي الجميع يارب

[M-Alshehhi]

كلامج صحيح وواقع وأنا مااحب اختلط بنفس هالنوعية من البنات ونسيتي بعد اللي يشوفون وحدة جميلة ومستحيل يقولون طبيعي لازم يا مسويه خشمها او نافخه او فيلر او أي شي ماعندهم ثقه بأن الله قادر يخلق بأحسن خلق .

[مونتاج]

لا فضل لعربي على عجمي ، ولا لعجمي على عربي ، ولا لأبيض على أسود ، ولا لأسود على أبيض إلا بالتقوى

بس ها طبع البشر

لو هي حاسه انهم يسوون جي عشان جمالها
اكيد المشكله عندها مو عندهم

وهي تقدر تغير نظرتهم لها
اذا هي عندها ثقه في قدراتها اكيد بيغيرون موقفهم منها
و مو لازم تشغل تفكيرها غير بالهدف اللي حاطه لمستقبلها

الله المستعاان

[ام قلبين انا]

حليلها والله
مع اني ما صدق احينا ف خسافه اللي تبي تصير هيفا او ناسي او حتى كيم
استوى الموضوع وايد سهل فلوس واتصير احلا واشيك من الجميله ف ليش تحرق دم البنت الطبيعيه
الله يهديهم

[Yazi.90]

كلامج صحيح وواقع وأنا مااحب اختلط بنفس هالنوعية من البنات ونسيتي بعد اللي يشوفون وحدة جميلة ومستحيل يقولون طبيعي لازم يا مسويه خشمها او نافخه او فيلر او أي شي ماعندهم ثقه بأن الله قادر يخلق بأحسن خلق .

[طيبة*قلب]

من راقب الناس مات هما

[مراسيل الوفاآ]

هالمشكله بس ف مجتمعاتنا العربيه لو لاحظتي الاجنبيات ولا الآسيويات ما تلقين فيهن هالخصله الشينه
بالعكس يعبرن لو شافن وحده حلوه يمدحونها اما اللي عندنا عفانا الله من تشوف وحده حلوه حتى لو
من بعيد تطالعها وتفصلها تفصيل وعقب تقولج عاديه مب حلوه ف ما بالج لو يلست عدالها

مب بس من ناحيه الجمال لو لاحظتي كل شي يغارن منه، وحده تطلع وايد قالوا هاي ما تقر ، وحده سافرت قالوا
هاي كل سنه تسافر، وحده تييب عيال قالوا هاي كل ما نشوفها حامل، وحده تكشخ قالوا هاي دوم كاشخه ومزاجها
رايق ، مرض الغيره والحسد فيهن الله لا يبلينا

نادر الحينه تحصلين وحده نيتها زينه وما تشوف غيرها شو سوت وشو قالت صح انه الحريم يحبن يطالعن لكن مب لدرجه
انه نحش ف الناس وناخذ ذنوب ع شي ما يسوى



الله يهديهن

[عساك تبقى لي]

من راقب الناس مات هما..
الناس صارت تشتغل بالخلق ونست الخالق..البنت أحلى مافيها سعيها أنها تنال الجنه. .هناك الجمال الحقيقي..
ربي يهدي الجميع. .
وشكرا أختي على الموضوع فعلا ظاهره منتشره وبكثره. .الله يهدي النفوس..

[اشراقة أمل]

اختي هذا حسب محبة الشخص

في ناس تحبك .. في ناس لا

في ناس ملكات جمال .. بس ناس تشوفهن عاديات .. اذا وحده شافتك حلوه بيكون ذوقها

بس يمكن عندها حاله نفسيه تبي نفسها احلى او تحسسينها بالنقص .. عرفتي


او تخاف الكل يمدحك وهي لا .. وناس تحبك وهي لا !!!

الحريم حتى الاسيويات والاجانب يغارن ... مره ربيعه لي علقن عليها ممرضات

اسيويات .... مب ضروري اذا واحد مدح جمالك يحبك ..!!! بس كلمه قالها


نساء يغارن بشكل عام بس في منهن عنده نقص او قلة رضا وتصير احقاد


الموظفات يوم حقدن عليها .. هي شخصيتها مش قويه في قصتك .. كانت قدرت تصرخ عليهن وتوقعهن في شر اعمالهن بس انسحبت ...

المثل جي اقضي عليه ...

وثاني شي الواحد ينتبه من يصاحب .. في ناس مهنتها الحسد !!

بمعنى في البعض عنده نقص ويريده .. تفهمنا

في ناس وضعهم لا باس .. ولكن عيونهم مفتوحه هالكبر!!!


على كل شي .. صغير وكبير .. فرضنا حريم والعقل صغير

بس في حدود ...

يعني من تجربتي يوم ترابعين صديق عنده هذه الاشياء تتنقل لك العدوه

دوم صاحب هادي النفس .. ترتاح واذا حسيت شخص يحاول يبث سمومه فيك فك عنه

[delights]

الغيرة موجودة في الانسان سبحان الله ولكن لا يعني ان الغيرة تتحول لحقد واذى اللي تغار تغار بينها وبين نفسها وعشان ترتاح تتذكر النعم اللي الله عطاها ياها وتحمد ربنا عليها وتتخيل ان لو الله عطاها الاسوأ عشان تشعر بالرضا والقناعة ولكن اسوأ شي الانسان يفقد سيطرته على نفسه ويسبب أذى للناس و يشوه بسمعتهم فقط بسبب الغيرة حرام اللهم قنا شر الحاسدين

[ليندااااا]

الله يهدي الجميع يارب
احيانا قلة الثقة بالنفس تخلي البنات يتكلمون
واحيانا دافع الغيرة يكون السبب

[cute uae]

الله يهدي الجميع يارب
احيانا قلة الثقة بالنفس تخلي البنات يتكلمون
واحيانا دافع الغيرة يكون السبب