هل ستطبق قوانين الضرايب على السكان في الامارات

[[..دانــة..]]

وأنا مع الأخت احلى بعفويتي ترا نفسهم هالوافدين سواء أجانب ولا عرب من الشرق ولا من الغرب
نفسهم يعيشون في دول أجنبية تطبق ضرايب على الدخل مب بس على الخدمات والبضايع
ومع ذلك عايشين على تفاوت مستويات الدخل
.
.
مهم جداً الدول المدخول اللي يحصله الوافد يترحل جزء كبير منه خارج الدولة
وهالشي يمثل حسارة للقطاعات الداخلية ف لازم من وسيلة تساهم ف أن جزء من هالعائد
يكون مردود دائم للدولة تراه بيخدم قطاع التعليم والصحة والبنية التحتية اللي يستفيد منها الوافد واللي يمثل الأكثرية
مقارنة بالمواطنيين اللي هم الأقلية!

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اشراقة أمل]

هو اختي احلى بعفويتي الضرايب موضوع يحتاج دراسه .. واتصور الناس على المعاشات والمتقاعدين ماعليهم ضرايب .. عشان مايخدمون بالاصل

هم بالاصل بيستفيدون من الضرايب عشان رواتب المعاشات من ضمن تحسين الخدمه ...

عشان الضرايب الدوله تاخذها تمويل ....

والرواتب الموظفين تختلف بس كل ماكبر الراتب بيكون احسن .. يعني الضرايب تطبق على ذوي الدخل الجيد ...

وخمس الالف اختي دخل جيد يعتبر !!!! يعني الوافد لو راتبه خمس الالف عادي بيدرس عياله مدرسه خاصه وبياجر بيت وبيدور عمل اضافي ...!!!!


خمسة الالف تعتبر غني ..... مااعرف ليش مستقلينها!!!

حتى الاربعه!

الضريبه مااعرف شو قانونها بس تطبق على مواطن البلد في امور .. والوافد في امور

مايساوون ... بس هي تعبر خدمه وطنيه للمواطن ..

عندهم الشخص الذي يتهرب من دفع الضريبه كانه يتهرب من خدمة الوطن ..!!! لان نظام قديم من العصور الوسطى !!!!


الامارات ثانيه مثل عجمان والفجيره وام القوين وغيره ... مااعرف عنهم بس احسهم خارج الحسبه احس دوم القوانين الجديده تطبق في ابوظبي ودبي والشارقه يمكن

يعني عشان هذه الامارات فيها انفتاحيه اكثر ...

[المعآني]

كيف الغلا 5 آلاف وايد
حسبي الإيجار والكهرباء والماي والأكل والشرب والمدرسة والأمور الصحية وبطاقة العمل و .. و .. و..


كم تمت من ال 5 آلاف حسبيها ؟

[اشراقة أمل]

كيف الغلا 5 آلاف وايد
حسبي الإيجار والكهرباء والماي والأكل والشرب والمدرسة والأمور الصحية وبطاقة العمل و .. و .. و..


كم تمت من ال 5 آلاف حسبيها ؟

صدقيني اختي .. عادي .. اعرف وافدين راتبهم خمسه .. ومسوين تامين ومدرسين عيالهم في مدارس خاص ويدفعون ماي وكهربا واجار بيوت عاديه فلل

لانهم يجمعون ... ويدفعون بالاقساط ... ويكتبون شيكات بس يدورون اكثر من شغله ... غير الاساسية ... والحرمه مرات تشتغل ..!!!

اعرف واحد راتبه اربعه .. وماجر شقه ب 30 الف ويدرس عياله في المدرسه بالاقساط .. وعادي الامور طيبه

بس طبعا هم يفكرون بالاشياء الاساسيه .. مشتريات كثيره وطلعات لا .. اهم شي العيال يدرسون والبيت والاكل ...

واقتصاد....يعني على قدهم بس بنظافه ...مرات يتازم الوضع بس تفرج ...

احب الحوارات يوم تكون عن الاقتصاد تحسيها راقيه وكلها افكار

[المعآني]

أنا عايشة بشقة وشايفة وضع الوافدين حولي والأغلب حالتهم تعيسة يروحون لج الجمعية مشي ورادين بالاغراض مشي لأن ماعندهم قيمة التكسي
منهم ردوا عيالهم بلادهم فلسطين ولا سوريا تحت القصف لأن الأب مب قادر على إقامة عياله ومصاريفهم
منهم اللى مادخلوا عيالهم المدارس
منهم اللى زوجوا بناتهم بدون تكاليف ويتمنن عليهم الزوج انا بكفلها شو تبون بعد
ربيعتي ردت سوريا وحامل مجبورة لأن أهلها مايقدرون على مصاريف ولادتها وتصبح من القصف تخيلوا نفسيتها وهي حامل .. وبتقولين هالناس كم رواتبهم بقولج فوق ال 5 !! شرايج
أما اللى رواتبهم عالية هابيل الدولة يأمرهم لخبرتهم وتدفع عنهم كل شي السكن والتذاكر و و و
محد بياكلها غير الفئة الضعيفة .. وكون أن هم دبرها عمارهم وعاشوا رغم ظروفهم مب شي مضحك .. هم مجبورين والله لايحط أحد بمكانهم
الخير خير الله لاتكونون كأصحاب الجنة اللى أرادوا أن يمنعووا الخير عن الناس فأخذ الله منهم جنتهم بين ليلة وضحاها ..
لا فرق بينا وبينهم إلا بالتقوى عودوا قلوبكم على حب الخير وحطوا نفسكم مكان هالشخص .. مكان عامل البناء اللى حط صحته وقوته عسب يبني هاللىبيوت وشل الطابوق طابوقة طابوقة في هالبلد لأجل 800 درهم في الشهر !! لين ما ارتفع بنيان هالبلد ونقوم نحن نكافأه بالضرائب . .
الله يرحمك يابوي الشيخ زايد رحمة واسعة ياليته بينا

[اشراقة أمل]

هو اخي المعاني .. وافد عن وافد يفرق .... وكله نصيب .. انا اعطيك مثال .. عندنا وحده راتبها 1500 درهم درست بنتها مدرسه خاصه ودخلتها جامعه

واقول لك الف وخمسمائه!!!! وزوجها كان مطلقها وماله خص بهم!!!! ب 1500 ولو زادوها بالصيف بتصير 2000 درهم

الحين الحياه تغيرت .. والمصاريف زادت ...

بس مب الكل ... يعني عندي ربيعة تشتغل مدرسه يمكن راتبها 7000 الف واخوها مهندس يمكن 6000 الف .. وابوها مايشتغل كبير وامها صيدلانيه تشتغل بس مب دوم تشتغل بعد ... بس امورهم طيبه ! عشان الوافد بشكل عام يساعدون بعض .. ويسوون جمعيات


وفي منهم تعيسين .. على سيرة الشركات واحد وافد راتبه 32 الف بس اتعس وضعه من ابو الخمسه الف .. عشان ماعنده لا اقتصاد ولا سياسه!!! وشاهد انا على هذا الى يوم الدين خخخخخ


اختي هذه اسمها البركه .. في ناس الله مبارك لهم في معاشاتهم وامواله .. لو خمس دراهم في ناس لا !!!


وانا اختي ماضحك عليهم ..! انا قصدي ان الوافد مهما حصل بيتحمل الظروف ... يعني كل السياسات تبي تخفف منهم .. بس ياجبل مايهزك ريح .. هذا قصدي ...

وبخصوص عمال النظافه وعمال البناء ... صراحه رواتبهم من زمان يجب اعادة النظر بها قبل موضوع ضرائب او تامين صحي

لانها من اكثر الفئات ظلم !!! وقانون العمل والعمال غير منصف لها للاسف!

[ام قلبين انا]

مادرى ع شو محرجين وبتاكلون بعضكم. ترا كلا ف الهوا. اللي يبونه الشيوخ بيسوونه انتهى الموضوع رمسنا زعلنا شو ما سوينا مابيغير شي. استريحو

[يارب الجنة]

الوافد هذا مسكين والله
ناس بلدو فاكرينا عايش احسن عيشة ومتمرمغ في الخيرات
والاكارم اللي ساكن في بلادهم ويشتغل ويكد كد حتى يعيش عيشة الادميين فقط فاكرينو محوش ومدكن
لا حول ولا قوة الابالله

[المعآني]

مادرى ع شو محرجين وبتاكلون بعضكم. ترا كلا ف الهوا. اللي يبونه الشيوخ بيسوونه انتهى الموضوع رمسنا زعلنا شو ما سوينا مابيغير شي. استريحو

فديتج لا محتجين ولا محرجين هو الموضوع طرح للنقاش
واشكر عزيزتي حياة بائسة ع النقاش هو تبادل رأي لا أكثر
ونحترم جميع الآراء

[Jawharah]

ليش حبيبتي تطبق على الوافدين ونحن لا
جوفوا رواتبهم وشوفوا ظروفهم وظروف بلادهم الأغلب حالتهم صعبة
والمصاريف اللى عندهم من إقامة وهوية وتجديد ورخص و بطاقة صحية ومدارس خاصة مغرقتنهم لو تعرفون حالهم بترحمونهم حاسدين الوافدين لأنهم يأكلون في أرض الخير .. نحن أهل الكرم والله تعالى خصكم بهالارض الطيبة و المكانة فكيف كل مانزل قرار ولا زيادة قلتوا بس خلوه للوافدين وين الايثار وين الاخوة الاسلامية .. فكروا قبل ما تقولون طبقوه ع الوافدين والله ان منهم اللى رواتبهم على 1000 درهم خافوا الله فيهم ما أرضى ولا أؤيد هالقرار لا علينا ولا على الوافدين

يسلم فم
هذا مب أول موضوع لنفس العضوة ترمس عن الوافدين
ضحكتني اللي تقول راتب 4000 يكفي معيشة وافد عنده عيال
لاتنسوا ياحبوبات ترى الوافد قاعد فلبلاد بفلوسه ومنهم استثمار هم يفيدوا ويستفيدوا
وأكيد لو ظروف بلادهم أفضل ماوصلوا هني
وشرات رد بعض الأخوات لما يصدر قرار ماحد ياخذ رأيكم

[همي اخرتي]

أنا عايشة بشقة وشايفة وضع الوافدين حولي والأغلب حالتهم تعيسة يروحون لج الجمعية مشي ورادين بالاغراض مشي لأن ماعندهم قيمة التكسي
منهم ردوا عيالهم بلادهم فلسطين ولا سوريا تحت القصف لأن الأب مب قادر على إقامة عياله ومصاريفهم
منهم اللى مادخلوا عيالهم المدارس
منهم اللى زوجوا بناتهم بدون تكاليف ويتمنن عليهم الزوج انا بكفلها شو تبون بعد
ربيعتي ردت سوريا وحامل مجبورة لأن أهلها مايقدرون على مصاريف ولادتها وتصبح من القصف تخيلوا نفسيتها وهي حامل .. وبتقولين هالناس كم رواتبهم بقولج فوق ال 5 !! شرايج
أما اللى رواتبهم عالية هابيل الدولة يأمرهم لخبرتهم وتدفع عنهم كل شي السكن والتذاكر و و و
محد بياكلها غير الفئة الضعيفة .. وكون أن هم دبرها عمارهم وعاشوا رغم ظروفهم مب شي مضحك .. هم مجبورين والله لايحط أحد بمكانهم
الخير خير الله لاتكونون كأصحاب الجنة اللى أرادوا أن يمنعووا الخير عن الناس فأخذ الله منهم جنتهم بين ليلة وضحاها ..
لا فرق بينا وبينهم إلا بالتقوى عودوا قلوبكم على حب الخير وحطوا نفسكم مكان هالشخص .. مكان عامل البناء اللى حط صحته وقوته عسب يبني هاللىبيوت وشل الطابوق طابوقة طابوقة في هالبلد لأجل 800 درهم في الشهر !! لين ما ارتفع بنيان هالبلد ونقوم نحن نكافأه بالضرائب . .
الله يرحمك يابوي الشيخ زايد رحمة واسعة ياليته بينا

كلام جميل بارك الله فيج
الله يعيننا نحن المواطنين الصراحة
والله يعينهم الوافدية وخصوصا الفئة الضعيفة الي يعانون وبيعانون صدق

[Diana Sy]

يمنع مناقشة القوانين قبل صدورها بشكل رسمي
يغلق