مكياج الاسواق ،، لوين تبون يا بنات؟

[mouzan7mod]

السلام عليكم و رحمة الله

لكل مكان مكياج و انا اشهد يعني للعرس مكياج خاص و للعروس مكياج خاص و للعزيمة مكياج و للسهرة مكياج و للطلعة الخفيفة مكياج ... الخ

لكن للسوق احط مكياج اعراس في هذه مية ستووووووب ، ليش احط فاونديشن و كونسيلر و كونتور و ايشادوا و برايمر و و و و و ..... و بالاخير لطلعة سوق !!!

جد جد منو متفيجة تحط كل ها علشان لفة ولا لفتين في المول ولا بالسوق الشعبي ؟؟ احس المفروض ينحط مرطب و كحل و قلوس خفيف و انتهى الموضوع ، انا عن نفسي احب تحط بيبي كريم و قلوس و لبست عبايتي و طلعت ، و اقول بخاطري يا حظها المنقبة و ان شاء الله أكون منهم قريباً

الي تحط كل مكونات الميكب في ويهها تعرض نفسها للمضايقات و التحرش و عقب يلسن صيحن و إشتكن على عيال الناس ، و رب العالمين يقول ولا تبرجن تبرج الجاهلية ، أختي بالله لا تخلين نفسج عرضة للمواقف التافهة

و انتوا يوم تطلعون شو تحطون؟

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صفوويه]

كيف تبينهم يردون عليج وانتي داشه ومعصبه هههههههههههههههههههههه

وياختي الدين نصيحه .. انصحي وعطي رايج فالموضوع

انا عن نفسي احط شي خفيف دايما سواء فالدوام او السوق او البيت
لكن فالاعراس اغير شوي وبعد يكون عادي وبسيط

وشكراً

[طيبة*قلب]

الله يهديهم مو غيره

بس فعلا تخلف ومقززه

عندي الوحده تكشف ولا انه تلبس نقاب وترسمك هذيك العيون اللي طيح الطير من السماء

ولو كشفت عنها النقاب تطلع اللهم سكنهم مساكنهم

[احلى بعفويتي]

ماعرف يقلدون الانستقرام و السناب

احينا اغلب البنات يطلعون عشان تصوير السناب
ما يستحون جدام الناس يمسكون الفون و يعطون حركات بويهم وبوز وماعرف شو وسناب
احس شو ها موب مصدقات انهم طالعين

انا ضد هالشي .. طلعت عن محور الحديث سوري

[غزالة AD]

انا ما احط شي الحمدلله لا في الدوام ولا يوم اطلع.
فالبيت احط لانه ريلي يحب الميكاب.
اعراس ومناسبات طبعا احط.

[sa7el]

الله يهديهم

[عساك تبقى لي]

انا عن نفسي ربي لك الحمد مااحط أبد أي شي واطلع غشوتي على ويهي ربي يهدي الجميع
وغير ها مااطلع من البيت إلا لضروره ماراح بدون سبب والأشياء اللي ريلي يقدر اييبها أتكل عليه بدون الحايه للخروج دوم
الله يهدي الجميع. .

[چـۈھړﮧ آلْـچـﮢـﮧ‎]

هيه والله خصوصا بالمولات والله احسها طالعه عرس مب مول
وحاطه عشرين نوع عطر و مكياج ورموش و شعر مستعار بعد و عدسات
الله يهديهم بس

انا عن نفسي الحمد لله مريحه عمري بالنقاب ما احط ولاشي الشي الوحيد الي احط كلوس مرطب لشفايف عشان شفافي ما تنشف
غير جيه مافي ومريحه بشرتي من المكياج اليومي
احط بس بالعزايم ويا ربيعاتي طبعا

[M!SS UAE]

كلها فتن اعوذ بالله منها

[الوردة الجورية]

وعليكم السلام و رحمة الله و بركاته


ما ألومج محترقة من الموضوع

المصيبة ان وايدين خلاص صار الموضوع عنده عادي!!!!!!


الفئة اللي تحط مكياج حق الأسواق:

يا إنها متعمدة عشان تتصيّد الرياييل ويشوفونها الرياييل انها حلوة

او وحدة ماعندها احساس (بروووووود) ما تقصد تتصيد الرياييل بس قصدها الموضة والجمال لنفسها " بس عاد استحي على ويهج ياللي تتجملين حق السوق وماتقصدين شي خبيث في نفسج.. اذا انتي ماتحسين ترى الرياييل من عامل لبيّاع لمتسوق لفرّاش يحسون، وعندهم غريزة جنسية و يتخيلون على البنات اللي تلفت انتباههم.. لأي مستوى نزلتي له بدون ماتقصدين؟؟!!!!!!


عن نفسي مع المكياج:
لبس ومكياج يومياً لريلي مرتين في اليوم اغير المكياج واللبس ثلاث مرات اقل شي وممكن ابدل ست مرات في اليوم.. مرات ادخل المطبخ بفستان او ثوب لأن ريلي معاي في البيت وبعد ما اخلص ابدل

عند اهلي ابد ما احط الا اذا في ضيوف

لأني اسوق البس نقاب لكن بدون كحل ولا مكياج
بس اذا طالعة مع ريلي اغلب الاوقات احط مكياج و اغطي ويهي كامل بالغشوة ام طبقات

الا اذا طالعة وقاصدة تسوّق فعشان اشوف لازم نقاب فما احط كحل بس ممكن روج اذا طالعة مع ريلي

والحمدلله والشكر لله وهذا من فضل ربي العطور ابد ابد ما استخدمهم لبرع البيت
نظيفة وملابسي نظيفة وديودورانت.. ليش العطور؟؟!!!
عشان تلعني الملائكة ولا عشان يزنون الرياييل فيّ بشمتهم لعطري و ماتقبل صلاتي الا اذا اغتسلت!!!


حتى ثيابي ما اعطرهم ولا ادخنهن في الكبت عشان مايلصق في العبي والشيل والنقابات

في البيت بعد ما البس ملابسي وهم علي اعطر


الله يهدي و يصلح شباب و شابات المسلمين والمسلمات ويردهم إليه رداً جميلاً و يكرّههم في الفسق والفسقة والكفر والكفرة والفجور والفجرة ولا حول و لا قوة الا بالله العلي العظيم

[yummy mommy]

المفارقة في لبس الزي الشرعي ..
عباة واسعة ساترة وتغطية الوجه لان الوجه فيه خلاف بين العلماء والاغلب ذهب لتغطيته خاصه للبنت الجميلة ..

لو كل وحدة نفذت احكام الشرع في اللباس الشرعي مابيكون في متبرجات في الاسواق ولا بيكون في رياييل ينفتنون .. الشريعة خط أحمر وكل نفس بما كسبت رهينة ..

الله يستر علينا جميعا ويوفقنا ..

[چـۈھړﮧ آلْـچـﮢـﮧ‎]

الموضوع يستحق النقاش لانه حقيقه مره مع الاسف
الورده الجوريه ما اقول غير ما شاء الله عليج والله يثبتج علي دينج
ويهدي الجميع
ترا المشكله ما عرف منو ضاحك عليهم ادا كشختي و تمكيجتي معناه بتحصلين لج عريس
اصلا هدا الي بيرقمج مب ريال متل ما كلمج كلم غيرج وكل ما تمر وحده احلي منج بيكلمها
والزواج بيد رب العالمين

[يارب الجنة]

المفارقة في لبس الزي الشرعي ..
عباة واسعة ساترة وتغطية الوجه لان الوجه فيه خلاف بين العلماء والاغلب ذهب لتغطيته خاصه للبنت الجميلة ..

لو كل وحدة نفذت احكام الشرع في اللباس الشرعي مابيكون في متبرجات في الاسواق ولا بيكون في رياييل ينفتنون .. الشريعة خط أحمر وكل نفس بما كسبت رهينة ..

الله يستر علينا جميعا ويوفقنا ..

[يارب الجنة]

الله يثبتنا على الحق
لا مكياج ينفعنا ولا gloss ولا كحلة ولا عطر يوم لا ينفع لا مال ولا بنون
ومادام الأجانب والكفار ماخذين راحتهم وأكثر في بلاد المسلمين النتايج تكون بتقليد اعمى من المسلمين صدق حبيبي رسول الله صلى الله عليه وسلم لما امر بإخراج الكفار من جزيرة العرب
لكن اليوم صار المسلمين يتباهون بإعداد السياح الأجانب واللي لا يحترمون نفسهم في لَبْس ولا في تقاليد ، كل شيء وله نتيجة والله يستر


يارب ارنا الحق حقا وارزقنا اتباعه وارنا الباطل باطلا وارزقنا اجتنابه

[Yazi.90]

اي والله شو نسوي خلاص لاحياة لمن تنادي ،،
اصلا احينه البنات اللي اصغر عني وعنج
تحصلينهم فمحلات سيفورا وماك راحت الطفوله والبراءه
تيين تنصدمين من وحده حاطه ميكب فل وتقولج عمري 14
هالجييل اليديد ماقول الا الله يستر عليه ،،
الحين تحصلين وحده متستره تقولين خير وبركه
صارت عيونا متعوده تشوف التبرج والسفور اكثر من الستر !
اوكي وبعد كم سنه جدام شو بيكون الوضع ؟؟

ولا اللي طالعه ريلها وهي حاطه ميكب و كاشفه
وتقولج طالعه مع ريلي كيف تبيني اطلع جلحا ملحا ؟
لا حبيبتي حطي مكياج بس تغشي مب لازم الكل يشوف

اخخخ وربي تكلمتي فموضوع يضرب عالوتر الحساس ><
لو اتحرطم من اليوم لباجر ماخلصت وادري ماشي فايده
مانقول غير الله يهدي بنات وشباب المسلمين لما يحبه ويرضاه ،