الآيباد

[mouzan7mod]

السلام عليكم و رحمة الله


اليوم بتكلم عن الآيباد و عيالنا ،، لاحظت كم مرة بالمول عربانة ياهل و الياهل يالس ساكت لكن لما ركزت لقيت ان الياهل مندمج بالآيباد و تركيزه مب طبيعي و طبعا الام و الاب مشغولين بالتسوق و لافتات المحلات لان اغلب المحلات مسوين تنزيلات ..

عزيزتي الام ، مسؤولية عيالنا امااااانة في الاعناق ، نحن نحب نشتري لعيالنا كل الي يبونه لكن للاسف نشتري بدون وعي مننا بمخاطر هالشي ، الايباد و بعد ابحااااث كثييييرة عليه إتضح ان الاشعاع الي يرسله الايباد للعين و من العين للشبكية و من الشبكية للاعصاب و من للاعصاب للمخ و بالتالي تدخل الاشعة للمخ و تسبب تشنجات و احيانا ضعف بالنظر او قلة الابصار

ليش نعرض عيالنا لمثل هالاشياء و بالتالي يعيشون بتعب على أخطاء اولياء الامور الي تهاونوا بموضوع الهدايا و الالعاب و ضروا عيالهم

عن نفسي كنت شارية لولدي ايباد و تعلق فيه لدرجة انه ما ياكل ولا يشرب الا بالايباد يوم يكون شغال ، تعقدت منه و شليت الايباد و شريت ألعاب عادية له و ألعاب تعليمية و الحمدلله بدا ولدي يتعلم و يفهم ، حتى قبل كان ما يرمس و لا يتفاعل مع اي شي بس اللهم الايباد مع ان كنت حاطة له ألعاب تعليمية و موسيقى الاطفال و طيور الجنة بس للاسف ما مان يتفاعل مع العالم الي حواليه ، لما شلت الايباد بدأ يتكلم و يرمس و يضحك و يسأل اذا ماعرف للشي ، عن نفسي احمد الله اني شلت الايباد و انتوا ما ناوين تشيلونه عن عيالكم ؟

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيبة*قلب]

ماشاءالله تبارك الله الله يحفظه ويحميه

يسعدلي صباحك بمواضيعك المفيده

انا ولدي جالسه الحين عليه الحمدلله نسيته اليوتيوب بس باقي يلعب باالعاب الايباد

وجالسه بالتدريج احذف الالعاب الين ماانشاءالله يكره الايباد لانه فاضي

فعلا الايباد ياخر الطفل بالكلام جربت

[غلآ نفسي]

مستحيييل اعطيهم الايباد أخاف ع عيونهم

الله يحفظهم لي

[الوردة الجورية]

وعليكم السلام و رحمة الله و بركاته

انا بس منزلة الالعاب التعليمية (تعليم الحساب الارقام الحروف والكلمات عربي وانجليزي المتشابهات والظل والعاب التفكير...الخ) فوق 100 تطبيق، وقافلة عن تنزيل البرامج و حاذفة الانترنت واليوتيوب

وما اعطيهم الا اذا طالعة السوق او عيادة بس عشان ينشغلون وقت الانتظار ومايسوون مشاكل وازعاج.. وفي البيت بس وقت ادخل الحمام اتسبح

ولاحظتهم مايبون الالعاب التعليمية، و ملوا من باقي الالعاب والحين مب سائلين عنه

[زهره الصيف]

صح كلامج ، صراحة الايباد اصبح خطر على اطفالنا
لازم ناخذه عنه ، وهم مع الايام الاطفال يتعودون 

[ورقة ناعمة]

الايباد مب خطر لها الدرجة والصغارية مب لها الدرجة يومهم كله عالايباد استحالة مايتحركون وفرونه باي بقعة

ومافيها شي لو أعطت عيالها بالسوق الايباد عسب يركزون عالالعاب مب يشردون او يضيعون بالمولات ,,,


وبالعكس يملون الصغارية من الايباد نحن ليش نكبر الموضوع اكبر عن حجمه

انا ما انصح بالدراسة عالايباد لكن اذا للعب لوقت محدد عادي مافيها شي

[ماحد شراتي]

فيه اطفال من كثر ماهم مدمنين ايباد تاخر عندهم النطق وولد ربيعتي واحد منهم وقال لها الدكتور لو تم على هالحال ممكن يكون عنده توحد

كلشي له سلبيات وايجابيات

[uae girl22]

كل شي له ايجابيات وسلبيات فليش نحنا بس نشوف الشي من الجانب السلبي

انا عيالي كلهم عندهم ايبادات لكن اعرف متى اعطيهم واعرف متى اخذه عنهم واعرف شو اللي فيه حتى اليوتيوب انا اللي احطلهم شو يشوفونه
وبصراحه يوم اطلع اذا ابا اتشرا وولدي وياي اعطيه الايباد عشان يتم يالس فالعربانه وما يشرد عني...

اتمنى انكم ما تحكمون عالناس بس عشان شي شفتوه وما عيبكم مب معناته ان الام عطت ولدها فهالساعه اللي طلعت فيها هي ام مب زينه وماتخاف على عيالها ممكن تكون احسن عني وعنج فتربية عيالها

[M-Alshehhi]

اتفق ويا الخوات الأيباد مب لكل وقت وقت السوق او وقت الام تكون مشغوله شوي مب لوقت طويل طبعاً

[المغتربة]

انا ولدي وايد متعلق فيه
احاول اخشه عنه بس الله يهديهم اللي ف البيت كلما يبغون يسكتونه و يفتكون منه يعطونه الايباد يوم اكون مب موجودة
بس ايجابياته انه تعلم بعض الحروف و الكلمات و اغاني الاطفال من الايباد و هذا الشي الايجابي بصراحة

الحين دخلته الحضانة و شوي شوي نسى الايباد
ترى يلست البيت للطفل يخليه يتعلق باشيائ ثانية شرات التلفزيون و الايباد

[زهره الصيف]

الايباد مب خطر لها الدرجة والصغارية مب لها الدرجة يومهم كله عالايباد استحالة مايتحركون وفرونه باي بقعة

ومافيها شي لو أعطت عيالها بالسوق الايباد عسب يركزون عالالعاب مب يشردون او يضيعون بالمولات ,,,


وبالعكس يملون الصغارية من الايباد نحن ليش نكبر الموضوع اكبر عن حجمه

انا ما انصح بالدراسة عالايباد لكن اذا للعب لوقت محدد عادي مافيها شي

خطر على الاطفال المدمنين عليه لدرجة يتمون يصيحون اذا حد خذه عنهم

[لحنْ #]

الايباد مب خطر لها الدرجة والصغارية مب لها الدرجة يومهم كله عالايباد استحالة مايتحركون وفرونه باي بقعة

ومافيها شي لو أعطت عيالها بالسوق الايباد عسب يركزون عالالعاب مب يشردون او يضيعون بالمولات ,,,


وبالعكس يملون الصغارية من الايباد نحن ليش نكبر الموضوع اكبر عن حجمه

انا ما انصح بالدراسة عالايباد لكن اذا للعب لوقت محدد عادي مافيها شي

[اشراقة أمل]

i pad و في tablet التابليوت ارخص اتصور من الاي باد عشان شركة الايباد هي شركة ابل !

الايباد مب للاطفال! وان درج فيه بعض الالعاب .. عشان نحن كل شي نستخدمه يوم ينزل لسوق!!!

في العاب بديله عنهم ! شبيه بهم تعليميه للاحرف والارقام ورسوم .....


الطفل مخلوق لطبيعه .. وفي هذا السن لازم يشكل علاقات مع اقرانه .. في الحضانه في الروضه ... ومن ضمنه اللعب بالايباد معهم !

بس ان يمضي وقته في .. الشخصيه بتصير مهزوزه وحساس من الناس ! عشان الحياه الاجتماعيه هي يبنى عليها مستقبل الانسان

وفي حال .. دخل مدرس صار عمره ست سنين سبعه بيعلم على الايباد بصوره صحيحه ويعتبره عملية تعلم!


حرام ذكريات الطفل تكون من خلال شاشه!