عروس ذكية

[ملكة جمال]

هيه نعم انا
عروس ذكية
في موضوعي لي طاف وايد علقن ان اسعاري والاشياء اللي دفعتها غالية
http://forum.uaewomen.net/showthread...B1%D9%88%D8%B3
لا ياحبيباتي انا كل التكاليف اللي دفعتها لعرسي ولتجهيزاتي ما تجاوزت ال 60 الف وانا اعرف كيف البعض يصرف صرف ولا يبين شي انا عرفت وين اصرف وشو الاساسيات ما ضيعت فلوسي عرسي كان راقي وطلتي راقية وكل درهم دفعته ماتحسفت وين سار الحمدالله لاصرفت على ملابس امزر الكبتات فيهم ولا البسهم وموضتهم تنتهي ولا على ماسكات وخربطان مايفيد ليلة
اتمنى لكم الفايدة من تجربتي لاني اعرف بنات يدفعون الاف على مكياج هب حلو و ماكييرة مستعيلة تسوي لهم بسرعة بسرعة لان عندها عرايس غير ولا لبست فستان ملبوس ب 15 , 20 الف مابالغت في صرفي ابدا لان معدل الصرف هذا هو ولو زيدت شويه انا وفرت في اشياء غيري ماعرف يوفر فيها
كنت ناوية احط تقرير عرسي بالصور بس بصراحة بعد ردودكم لو شفتو الصور شو بتقولون
في النهاية نصيحة لكل عروس ابد لا تبخلين على عمرج في ليلة عمرج اما السوق والذهب والاشياء الثانية عندج العمر كله تتسوقين لكن ليلة العمر ليلة وحدة في العمر والافضل انج تكونين فيها ملكة وازني مصاريفج ورتبي اولوياتج وخلج شراتي عروس ذكية طلعت بذكرى حلوة و ببياض الويه جدام زوجها واهله والمعازيم لدرجة ان وحدة من اهل خبرتني يوم رجعت من شهر العسل ان ترتيب عرسي ورطهم وحير العرايس اللي عرسهم بعدي واستوى عرسي مقياس محد يبى اقل عنه والله يسعد كل من دعى لي بدعوة طيبة والله يسعد كل العرايس

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جنان الفجيره]

ربي يهنيج ويوفقج و الحين الوحده لو توفر لها البيزات بدل ما تصرفها واخر شيئ شيئ تندم وتقول يا ليتني ما شريت
نحن عندنا ناخذ سبعين الف الف عشرين المهر وخمسين عسب العروس تزدهب ولا بعد يبقى منها سبحان الله يعني الوحده ما تشتري دفعه وحده و الذهب ترا ما بيطير اشتري جمن طقم و الباجي بعد العرس

اهنيج يا اختي واتمنى البنات شراتج ويوفرون بعد

[ملكة جمال]

تسلمين غناتي وربي يرزقج الزوج الصالح عاجلا غير اجل

[far7t3umr]

الله يسعدج ويلي سويتيه شطارة منج انا قريت الموضوع ماشفتج مبالغة مولية في اسعارج هذا الدراج عنا في البلاد الف مبروك ولا تتضايقين من رمسة البعض

[غزالة AD]

الله يسعدج ويهنيج.

[قيثارة]

أولا الف مبروك والله يهنيج ويسعدج ويبعد عنج العين

هنيه هو الذكاء هو كيف توزعين المهر والمصاريف بحيث تصرفينه عالشي المهم للاقل اهميه مثل ماقلتي هي ليلة وحدة ماتتكرر فالعمر

فلازم الوحدة تدرس الموضوع بما يناسبها ويهمها في بنات تهمها هالليله وترتيبات القاعه وغيره وفي بنات ايهمها بعد العرس كلن حسب تفكيره

فعسب جيه راح تحصلين المؤيد والناقد فلاتتضايقين ولاتزعلين لانه صعب ترضين او تجارين كل الناس اهم شي انج انتي تكونين مقتنعه وراضيه عن

نتائج تخطيطج

وانا بصراحة وازنت بين الاثنين بس التركيز الاكبر على ليله العرس وترتيبات القاعة

وتمنيتج لو حطيتي التقرير عسب يستفيد منه اللي يريد يستفيد بس هالشي راجعلج واهم شي ماتضايقين فعمرج

والله يباركلج في زوجج وبيتج يارب

[غلآ نفسي]

اهم شي شعور الريال

لان هو اللي دفع خخخخخخخخخخ

ومبرووووكين

[ناروتا]

الف مبروك اختي
الموضوع ما اعتبره ذكاء او غباء
كل عروس تصرف حسب ميزانيتها وظروفها وعادات وتقاليد اهلها واهل ريلها

[ميميه88]

فعلا يعتمد على وضعج وكيف انتو العرس عندكم مثل ماقالت ناروتا
انتي ف موضوعج بالعكس اسعارج مب مبالغ فيها اوك
لكن مثلا خليني اتكلم عنا نحن هنيه
يعني قولي عالاقل اول شهر لازم تكونين حاسبه حسابج بالاشيا اللي رح تلبسينها سواء ذهب او ملابس لانه حفلات عزايم طلعات ف العيون عليج وتركز وتشوف شو لابسه وشو مسويه ف هالجانب مابقول لاحقه عليه وبعدين
ولابروح اربع بعد العرس اسوي واخذ عالاقل مرتبه وضعي لها الامور
عادي حفلة فجاه للحريم بعد العرس او عزيمه فبيت فلان عشانج
وبعد مش ان اسوي هالكثر وخلاف يطيحن ع قلبي ولا البسن لا شي حلو وراقي اهم شي
وبعض العوايل ماعندهم هالشي وهالشي احسن مابيكلف العروس ميزانيه ومارح تخسر على هالامور وايد

[سامية22]

الف مبروك

[بحرينيه افتخر]

ماشاء الله عليج انه عجبني ترتيبج حق عرسج وحتى الاسعار وايد عادية ماعليج من بعض البنات واضح انه مايعرفون عن الاسعار مال الحين

[بنت زاايد]

وين تقرير العرس جي ما استفدنا من شي

[احتاجك..]

المهم انج مقتنعه و خلاص ها اهم شي
عسب عقب ما تتندمين و تقولين ياريت سويت و سويت