مليت من بنتي

[روح بودي]

السلام عليكم ورحمة الله وبركاته

بنات عندي بنتي عمرها شهر وشوي
اول بنت لي

ما ابالغ اذا اقول 24 ساعه فوقي
يوم احطها فالسرير او الارض تصيح
ما اقدر حتى اشرب ماي مااقدر اسير الحمام مااقدر انظف وارتب البيت مااقدر اسوي شي ..

واضايج يوم ريلي يلمح لي ان الغرفه مب مرتبه

ماعندي وقت لنفسي بيكون لي وقت للغرفه يعني ؟
ودي ارتب بس ماشي وقققققققت

و24 ساعه تبغي ترضع
كل ساعه رضاعه
تعبت والله

اللي عندهم خبره يفيدوني رجاء

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Um Rasho0ody]

السلام عليكم ورحمة الله وبركاته

بنات عندي بنتي عمرها شهر وشوي
اول بنت لي

ما ابالغ اذا اقول 24 ساعه فوقي
يوم احطها فالسرير او الارض تصيح
ما اقدر حتى اشرب ماي مااقدر اسير الحمام مااقدر انظف وارتب البيت مااقدر اسوي شي ..

واضايج يوم ريلي يلمح لي ان الغرفه مب مرتبه

ماعندي وقت لنفسي بيكون لي وقت للغرفه يعني ؟
ودي ارتب بس ماشي وقققققققت

و24 ساعه تبغي ترضع
كل ساعه رضاعه
تعبت والله

اللي عندهم خبره يفيدوني رجاء

مبروك البنوته حبيبتي والحمدلله على سلامتج.. هاي الفتره اصعب فتره فترة الاربعين يوم.. اليهال شي يديد عليه جو يديد محتاج يسمع دقات قلبج ويشم ريحة الام وثاني شي هاي الفتره الياهل يعاني من الغازات روحي عند العطار وقوليله ابا طبيخه مالت اليهال سويلها ياها مع شوي سكر نبات بترتاح من الغازات وبترقد وحطيها على بطنها وتم امسحي على ظهرها.. فتره وبتعدي حبيبتي والله يعنيج عليها وكله اجر الامومه صعبه وربي يأجرنا ويبلغنا فيهم ويجعلهم من الذريه الصالحه الباره يا رب ...

[Um Mahra24]

اولا مبروك ما ياج أتمنى منج تغيرين العنوان حرام جي كاتبه مليت من بنتي بقولج عن عمري انا ساكنه روحي وَيَا ريلي وأهلي بعيدين عني محد ساعدني شوي عانيت بس قمت ارتب أموري شوي اروح عند الدكتوره تعطيني نصائح شيء وانا بنتي احين عمرها 10 شهور الله يحفظها ماشاء الله مول ما تيلس وكله تباني ما تتعود بسرعه ع حد بس الحمدالله مشيت أموري لاني اتكلت ع ربي الله يخليج غيري العنوان مب زين جي تقولين مليت واعرف والله انها فتره صعبه والله يسهل عليج وعادي اتفاهمي وَيَا ريلج خله يساعدج انا عن نفسي لله الحمدالله ريلي مول مول ماقصر وياي مع انه اول بيبي نتعلم كنّا

[مس.مريوم]

البيبي هالفتره لازم تعودينه يرقد ف سريره بس وقت التغير و الرضعات لاتعودينها عالشل خليها تصيح بعدها ماتفهم فتره وبتتعود على سريرها انا بنتي اللهم لك الحمد عمرها ١٠ شهور من ربيتها على سريرها والصراحه حتى وقت الرضعات ف سريرها ولين كملت ٧ شهور بديت اطلعها من السرير والحمدالله ماحسيت انه عندي نونو ومتعبني وصارت ترقد ف سريرها و ف غرفتها بروحها وانا مرتاحه ف غرفتي لاهم وصياح يهال

[لحنْ #]

امم يمكن يوم يبتيها كنتي تشلينها وايد
نحن جي بعد ، يوم حرمه تولد يديد نخبرها لا تشل الياهل وايد
لان جي يتعود ف يصير يبا دايم تشلينه عشان جي ابدي عوديها عالعكس
خليها دايم بالسرير ولا بأي مكان وحطي لها اي شي تلتهي بيه ، او عطيها الرضاعه الاصطناعيه ^^
ويوم تبكي خليها لا تعبرينها الا لو تحسين خلاص واييييد تبكي وحالتها صعبه عقب شليها
وان شاءالله بتتعود مع الايام

[غلآ نفسي]

مبروك ما ياج

وعقبالنا

[~شوق~]

مبروك ع البنوته وحمدلله ع سلامتج

عادي هالشيء خاصه يوم يكون اول بيبي

هههههه تحملي وصبري كلها كم كم من شهر وبتكبر بنوته وعقب وبتفهم وبتتغيرر..

هي تحتاجك هالفتره عالم غريب عليها..

وتفاهمي مع زوجج خليه يساعدج..

وترى نحن مرينا بهالشئ وحمدلله الامور طيبة

ربي يسهل عليج اختي

سبحان الله وبحمده سبحان الله العظيم

[ام قلبين انا]

الطفل يصيح لاسباب
اولهم احتمال جائع
او يعاني من غازات
او مضايق يبا يرقد

الظاهر دام تقولين تبا ترضع ع طول فهي يوعانه وحليب صدرج مايكفيها
عطيها صناعي بترتاحين

[فديتني والله7]

مبرووووووووووك ع البنووته

وهالشي طبيعي باول بيبي اما يبا حليب او تغيير بامبرز او مغص (( اذا مغص عطيها ماي غريب بكميه بسيطه موجود بالصيدليات / اوماي وسكر نبات ))

وسبحيها كل يوم ما بين الساعه7 الى 9 .....وحطيلها زين جونسون للاطفال يريح الطفل

غالبا اليهال بعد السبوح يبون يرقدون .....

اذا ما شي تحسن وديها لدكتور افضل .........

[ليندااااا]

مبروك البنوتة والحمد لله على السلامة
نفس حالتي ببنتي الاولى
بس ما اتصور انها تعودت على الشيل ممكن تكون ما تشبع من الرضاعة الطبيعية ومحتاجة صناعي
شوفي شو راي الدكتور وابدا بالصناعي معاها لو نصحج فيه الدكتور

[Yazi.90]

اولا مبروك ما ياج أتمنى منج تغيرين العنوان حرام جي كاتبه مليت من بنتي بقولج عن عمري انا ساكنه روحي وَيَا ريلي وأهلي بعيدين عني محد ساعدني شوي عانيت بس قمت ارتب أموري شوي اروح عند الدكتوره تعطيني نصائح شيء وانا بنتي احين عمرها 10 شهور الله يحفظها ماشاء الله مول ما تيلس وكله تباني ما تتعود بسرعه ع حد بس الحمدالله مشيت أموري لاني اتكلت ع ربي الله يخليج غيري العنوان مب زين جي تقولين مليت واعرف والله انها فتره صعبه والله يسهل عليج وعادي اتفاهمي وَيَا ريلج خله يساعدج انا عن نفسي لله الحمدالله ريلي مول مول ماقصر وياي مع انه اول بيبي نتعلم كنّا

[الجنة طموحي]

مبرووووك و الله يحفظها لكم و يجعلها من الصالحات
هده الفترة صعبة اختي بس اصبري و الله يجازيك خير ان شاء الله

[Ward-uae]

انتي ترضعين بنتج غلط احسبي بين رضعه والثانية ساعتين مب كل ما بطلت حلقها رضعتيها
وعن الصياح يمكن من الغازات لاتاكلين سوالف تسوي غازات شرات الزهرة والملفوف والباميا واتجنبي المشروبات الغازية او المنبهات شرات الشاي والقهوة يأثر فيها وبتم واعية حتى الارشوفه او الحريروة اذا كان فيها بزار وفلفل يأثر
البامبرز اشتري هاجيز وانتي اشربي شاي نعناع

[مالتيزرس]

خخخخ ذكرتيني فبنتي البجر الله يحفظها والله العظيم من كثر ماتصيح وصياح متواصل طول الليل والله جفن مايغفى ع جفن طول اليل تبجي وانا تغصصت معاها وقمت اصيح ع صياحها كرهت عمري قسم بالله ..

ترا البجر هم جذا يتعبون شوي واصعب فترة هيه فترة الاربعين واول الشهور ..

واذا تحسي تعبتي من الرضاعة وهيه تيوع دخلي صناعي ع حليبج ع الاقل مرضعتين فاليوم ..

وحاولي تكرعينها عقب الرضاعة .

فوري عليها شويونة نعناع وسقيها منه كل يوم ..ييريح المعدة

حاولي ترقدينها شوي ع بطنها عسب تظهر الغازات بس انتبهي لاتختنق ..

وارفعي ريلها الثنتين ع بطنها بحيث تظهر الغازات

مسحيها وامسحي بطنها بزيت زيتون دافي وشوفي صوب السرة امسحيها عكس عقارب الساعة ..


وعندج قطرة بعد تريح اسمها انفاكول وايد روعة


شغلي البقرة واذكري الاذكار الصبح والمسا عليها ولاتقعدي تقولي جدام الناس بنتي تبا ترضع كل وقت ترا ماحد يقول كلمة خير وانتي ذكري الله عليها ماتعرفين العين حق ..

واهم شي الصبر صبري عمرج ولاتحكرين عمرج اطلعي وتكشتي ولاضايجي بعمرج نفس ماسويت انا ههه

ربي يحفظها ويبارك فيها

[روح بودي]

فديتكم بنات

مشكورين على ردودكم اللي تفرح

رفعتوا من معنوياتي

صدق نعم العون انتوا

يزاكم الله خير

عسى ربي يوفقكم يارب وييسر لكم ويبارك فيكم ❤️