مليت من بنتي

[بثـينه]

عادي حبيبتي لا تضايجين عمرج ترى كل اليهال جي و توها صغيره لا تتذمرين منها لانه نفسيتي تأثر على مزاج البيبي وكل ما كنتي مبتسمه و هاديه هي بتهدا صدقيني
واذا ع ترتيب البيت ترى مستحيل تدشين بيت فيه بيبي و تشوفينه مرتب الا بوجود خدامه
والمفروض ريلج يقدر هالشي وانتي توج مربيه و تعبانه
اطلبي منه انه يساعدج لا تتريين انها تيي منه خلج صريحه يعني قوليله باسلوب حلو ممكن تساعدني وتشل هالملابس تحطهم فالغساله ترى عادي ما فيها شي الحياه مشاركه

و بخصوص الحليب الصناعي انا اقولج حرام لا تعطينها من احين ترى بعدها صغيره خلي مناعتها تقوى بالحليب الطبيعي و اصلا الدمج بين الاثنين يخلي الياهل والام بعد يستسهلون المرضعه والحليب الصناعي و جي بتحرمينها من فوايد الحليب الطبيعي طوول عمرها و اقري فهالموضوع علشان تتشجعين انج تستمرين ع الطبيعي كثر ما تقدرين

و اذا تبين شي يساعدج بوقت انتي ما تقدرين ترضعينها فيه عطيها مصاصه او اللهايه بتسكت لج فتره خاصه اذا كانت اصلا مب يوعانه بس تتدلع


وربي يبارك لج فيها و دوم اقري عليها و غني لها و احضنيها و همزيها وسويلها مساح بزيت جي بترتاح اكثر ان شاء الله

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[BENT LEMRAR]

الله يباركلج فيها والحمدلله عالسلامه

طبيعي هاي مشاعرج مع اول بيبي لكن اصبري وتساعدي ويا ريلج عليها وبتتعودين

حاولي تكونين هاديه وشغلي القران والرقيه الشرعيه انتي بتهدين بعد

المشكله مافي توعيه للحامل ومن تربي تنصدم بالوضع اليديد

[ميميه88]

حيااااااتي فديتها
تبين الصدق عيال الحين اغلبهن جيه الا يبون الثبان ويرضعون طول الوقت
بتكبر وبتتغير بس انتي شبعيها وقمطيها وخليها ترقد وحاولي تخلصين اللي تبينه
وترا ريلج يشوف الوضع المفروض يتفهم فريها مرات عليه وقوليله طفرت
بنظف وبيييك
عشان يحس

[~شوق~]

ححبيت اضيف شي بخصوص حليب الحين يبدا عندج يزيد بتلاحظين انتي هالشي
سبحان الله كل شيء خلقه بحسبان...
ترى معدتهم صغيره اقري عن مواضيع رضاعه طبيعيه..بتساعدج.. وايد..
يوم توصل ستة شهور دخلي لها اصناعي..
كثري مااي ع قد ماتقدرين شربي. وعندج طحينيه بالفستق تزيد الحليب .. والتمر ...

...وجربي ترضعينها وانتي مسدحه تكون اقرب ع صدرج....وتعلمي طرق رضاعه وايده فالانترنت...

صح القماط وايد يساعدهم لانها تشوف يدينها وتتروع ومن زود حركه يتعبون..


اول بيبي تجارب هههه ربي يحفظها لج .. هههه كنت من احصل فرصه ادش مواقع كله عن رضاعه اليبي وغازات وبكاءهم ههههههه والحياه تجارب
ترى كل ياهل يختلف عن الثاني حتى لو هم من بطن واحد..

ربي يحفظهم يارب ويسهل علينا تربيتتهم ورعايتهم


سبحان الله وبحمده سبحان الله العظيم

[احلى بعفويتي]

جوفي في ولدي انا كنت ارضعه و بعد كنت اعطيه حق خواتي و حق ماما و احيانا الصبح الساعه 6 كنت ازقر الخدامه تيلس في الحجره وتعطيه حليب وتغيرله وانا ارقد لين ساعه 10 الصبح جي ارتاح
وكان بليل يرقد عدالي لين 8 شهور خخخخ طاح من الشبريه وانخش تحت المنز و انا خبر خييير ريلي دش الحجره يدور عليه اخر شي تحت المنز وانا راقده ولا حسيت فيه عقب حطيته فالمنز ولا سويتله سالفه رقد وتعود احينا عمره سنه وثمان شهور وبعد يسوي حراكات عشان ما ارقده في المنزل وحياتج طاف لين باجر يتشقلب لين ما ينهار وينام

راي خليها تصيح مادام شبعانه و مغسوله ومقمطه خليها تصيح .. ما عليج منها ..
شكلج يالسه بيت اهل ريلج
طلعيها عندهم خليها في المنز المتحرك عندهم خليها تشم ريحه ثانيه عشان تتعود على الاوادم

انا حق هالكائنات الصغيره استوي احيانا قاسيه بس والله ينفع وياهم
فريها عند عمتج و لا خوات ريلج ولا عطيها في ايد ابوها وروحي تسبحي سبوحا طويل لين باجر ان شالله خله حد ثاني تتعود عليه

[Only Rose]

لا تحاتين حبيبتي, مريت بهالتجربة والله يحفظة ويخليه لعوزني في الاربعين ومن كمل شهرين الحمدلله تغير
وانتظم ف رقادة وصياحة وايد قل , ف هاي فترة وبتعدي لا تحاتين بس يباله شوية صبر
وفهمي ريلج بهدوء ولمحي له انه يساعدج شوي ويمسك عنج النونو شوي وانتي سوي شغلج
حلوه المشاركة بين الازواج, وربي يحفظج ويبارك لج

[نعيم الجنة]

الف مبروك البنوته الكتكوته الي ضافت لحياتكم شي يديد وبركه والله يطرح فيها البركه،،،

كلنا عانينا من ها الموضوع فالبدايه بس بتتعودين ،،، مثل مانصحوج خواتنا دخلي ضناعي وقمطيها وعطيه شوي خل يحس بالابوه ،،، والله انا دقيقه وتنش بالضبط ما كنت اقدر اغفل ابدا ،،،، لين دخلت صناعي ومساج وقماط وسرير بروحها،،،، ربي يوفقج