مركز vlcc

[Rosylibya]

السلام عليكم

منو اشتركت في مركز vlcc وشو النتيجة
وكم يكلف ؟

ياريت تشاركوني

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[أجمل إحساس1]

اب اب اب

[المغتربة]

للرفع

[ام فارس123]

انا حابه اشترك بس متردده..لانه ما اعرف تجارب

[مون 55]

للرفع

[المغتربة]

ما جربت اشترك

[الروائع]

مانصحج ..يعتمدون ع نظام البكج ...ياخذون الفلوس وعقب يسوولج جلسات تخسيس تافهه وممله صراحه ...جهاز هزاز وجهاز حراره!!! واجهزه الشد قديمه وسعرهم غالي واسلوب الموظفين فيه مماطله يعني كأنج تشحتين

[(خيماويه)]

ما انصحج
بيزات عالفاضي ماشي نتيجه
جلسات وخرابيط عالفشوش مسوين جو من لاشي
اشتركت عندهم مرتين وماستفدت الا يوم روحي سويت دايت ورباضه نقص وزني

[السنقباســـية]

هلا اختي ما بجذب عليج الاشتراك جدا غالي ... يعني 6000 و 7000 وفوق لين 12 الف ...

عندهم اشياء أرخص بس مشكلتهم ( مرات يزنون عليج ) وانا طبعا اتمسك برايي لانهم يزنون شوي خصوصا لو انتي صدق دبدوبة ... انه الافضل خذي اكثر واكثر لا مايحتاي لا تاخذين وايد اذا انتي مب واثقة في نفسج وانج تعرفين يمكن تكنسلين ولا شيء ... جربي مثلا مال 2 كيلو وعقب فكري تبين تكملين ولالا ....

المهم (تقدرين تشتركين مثلا ب package __ اثنين كيلو او خمس او عشر على حسب وتشوف وين مشكلتج او تركز الدهون وتزيد الشغل على هالمنطقة ) فمثلا انا ماخذة قبل زماااااااااان ب 11 الف وماخلصتهم للحين الحلو انج لو ماخلصتي وبتسافرين ولا حملتي ولا اي شيء ... تقدرين توقفين وتاخذين اذن وتكملين ولو بعد سنة ... بس انا بقالي مال كمن جلسة وبما اني زدت واااااااااااايد ... قررت اشترك ... فكان عندي قبل 2 كيلو ... باقي من الجلسات واشتركت ب 5 كيلو زيادة مع جلسات لتخفيف الدهون في البطن تقريبا 8 جلسات كله ب 5550 شيء جيه .. )


المهم انا ما بديت ببدا قريبا باذن الله ... ( تروحين المكان تلبسين لبسهم الازرق روب خاص فيهم يقيسون وزنج ... عقب تبدين بالشغل ع الجهاز لمدة ساعة او ساعتين ع حسب الجهاز المستخدم ومن ثم تبدلين ويقيسون ويراوونج التغيير الي صار معاج من 1 سم ل 3 سم ف الجلسة عقب تلبسين لبس رياضة عقب تلعبين اقل شيئ 40 دقيقة ومن ثم تتسبحين او ع راحتج تردين البيت تتسبحين )


يوم هيه ويوم لا او يوم هيه ويومين لا ... مع نظام غذائي ... صارم ... ( ايام الدورة راحة طبعا وبدون رياضة بس مع نظام ) وترجعين تكملين وهكذا .......


( حلو لو استمريتي لكن اذا فكرتي تشتركين حاولي انج تبتعدين عنهم لو تموا يزنون عليج يعني طبعا بيزنون عليج حتى تاخذين منتجاتهم قولي مابا الا اذا تبين انتي ... انا ماستفدت من اي شيء من المنتجات الا منتج واحد الي هو للتنحيف كان للزنجبيل ريحته ماعيبتني بس كان جيد مع الرياضة )


.
.
والحين باذن الله ابدا مرة ثانية لانه يباله اراااااااااادة قوية ... بس ماشاءالله يسوي شغل لو ركزتي وتميتي عليه


وبالتوفيق ... سوري ع الاطالة

[khakhou68]

والله انا ما اقنعت وايد الاسعار مبالغ فيها