بنت عمي وريلها

[(جواهر)]

السلام عليكم
بنت عمي ريلها يبغي يكمل ماجستير والمشكلة معظم الجامعات التخصص اللي يبغيه فيه اختلاط وهي خايفه من هالشي عشان خالها كان يكمل وراح تزوج ع مرته وخايفه يصير فيها نفس مرت خالها.
تجاربكم وخبراتكم خواتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رنج 2013]

انا ادرس في جامعة مكس , واحس الوضع عادي كأننا اخوان

وبعدين الواحد لو يبا يعرس بيعرس فالجامعة ولا بلياها

[بنت شمال الباطنه]

أختي جواهر
الحرمه اللي ما تقصر مع زوجها في كل شيء مستحيل يتزوج عليها .طبعا احنا حريم ونعرف كيف نملك قلب الزوج حتى ولو شاف الف بنت ما بفكر غير بزوجته .
والحرمه وشطارتها طبعا .

[مالتيزرس]

مب شرط حبيببتي هذاك عرس وهيه ريلها بيعرس عليها ..دوووم يوم بيظهر خلها تستوعه الله ..ولاتقعد تزن ع راسه هذاك عرس وهذاك مادري شو ..خلها تتوكل ع ربها..وكل اللي الله كاتبه رااح يصير ..

[لحنْ #]

مثل ماقالو الاخوات لو يبا يعرس بيعرس الحين قبل بكره ، مب صعبه
صح ان الجامعه بيكون ف تقارب اكثر وكل يوم يشوفون بعض وجي .. لكن لو عرفت تملك ريلها وماقصرت معاه بشي
مابيعرس لا الحين ولا بعده ^^
موفقه .

[(جواهر)]

الحين لا تحسسوني انه العيب في الحريم؛ وكل الحريم اللي رياييلهم تزوحوا عليهم مقصرات . ساعات الحرمه تكون زينه والريال يروح يزوج عليها .
بنت خالي دكتوره و جميله يوم سألوا ريلها عن سبب زواجه قال مافي سبب والشرع محلل أربع وعنده استطاعه يفتح بيت ثاني وفتح.
كل يوم نسمع نفس ها القصص سواء في الدوام أو غيره عاد لا تظلمون الحرمه مو دايما هي السبب .

[الأحلام الملونة]

بصراحة الأختلاط مصيبة العصر وأكيد يؤثر وبقوة

لكن لا نستطيع أن نوقف التغيرات ولا الضروريات بالحياة

والآمر الأخر والآهم هو القدر والمكتوب والزواج بحرمة وثنين وثلاث قدر مكتوب لا نستطيع تغيره لو أخذنا كل المحاذير

والآمر الآخير الرجل نفسه وقناعتة الشخصية واخلاقة ودينة

هي تستودعة رب العالمين وتعيش حياتها بتوازن وبدون وسوسة وشك

خاصة ان الأمر مستقبل لزوجها مش رحله مع الربع لها عدم الموافقة

[ام قلبين انا]

الله يعينها الصراحه
تتوكل ع الله.
الحريم والبنات ترس ف كل مكان
الريال يوم يعزم ع الزوااج بيتزوج حتى لو كانت حرمته ملكه جمال 2020

[(جواهر)]

الله يعينها الصراحه
تتوكل ع الله.
الحريم والبنات ترس ف كل مكان
الريال يوم يعزم ع الزوااج بيتزوج حتى لو كانت حرمته ملكه جمال 2020

كلامج صج بس لازم الوحده تاخذ بالاسباب بعد

[future dreams]

ما عندها سالفه !
الي يبا العرس بيعرس سواء جامعه مختلطه او غيرها !

[(جواهر)]

ما عندها سالفه !
الي يبا العرس بيعرس سواء جامعه مختلطه او غيرها !

ههههه انتي اللي ماعندج سالفه داشه الموضوع(اضحك وياج )

[(جواهر)]

بصراحة الأختلاط مصيبة العصر وأكيد يؤثر وبقوة

لكن لا نستطيع أن نوقف التغيرات ولا الضروريات بالحياة

والآمر الأخر والآهم هو القدر والمكتوب والزواج بحرمة وثنين وثلاث قدر مكتوب لا نستطيع تغيره لو أخذنا كل المحاذير

والآمر الآخير الرجل نفسه وقناعتة الشخصية واخلاقة ودينة

هي تستودعة رب العالمين وتعيش حياتها بتوازن وبدون وسوسة وشك

خاصة ان الأمر مستقبل لزوجها مش رحله مع الربع لها عدم الموافقة

مشكوره اخت احلام

[بنت شمال الباطنه]

ههههه انتي اللي ماعندج سالفه داشه الموضوع(اضحك وياج )

ضربه مرتده

[Yazi.90]

الحين لا تحسسوني انه العيب في الحريم؛ وكل الحريم اللي رياييلهم تزوحوا عليهم مقصرات . ساعات الحرمه تكون زينه والريال يروح يزوج عليها .
بنت خالي دكتوره و جميله يوم سألوا ريلها عن سبب زواجه قال مافي سبب والشرع محلل أربع وعنده استطاعه يفتح بيت ثاني وفتح.
كل يوم نسمع نفس ها القصص سواء في الدوام أو غيره عاد لا تظلمون الحرمه مو دايما هي السبب .

صحيح كلامج عزيزتي ،،

[Fa.R]

ما أنصحج

صارت عندنا هالحالة