فشلت في مشاريعي .. شو الحل

[ريووونة]

السلام عليكم اخواتي الفاضلات ... كيف الحال...

جربت عدة مشاريع ... بس ما فلحت فيها هل لاني بديت غلط .. هل لانه مندفعة في مشاريعي مع العلم انها كانت من البيت كلها لكن الحمدلله والشكر والحمدلله على كل حال فشلت في بعضها و في اخر مشروع صارت لي مشاكل كثيرة ...

اتمنى تفيدوني ... حاطة في بالي مشروع تخليص معاملات وطباعة و هالسوالف من البيت بعد ... افيدوني ما عليكم امر

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دمـوع تبتسـمـ]

ربي يوفقج ويعوضج خير يارب

اتوقع المشروع الاخير الي قررتيه يحتاج الى ترخيص والله اعلم

ان شاء الله البنات يفيدونج من ذوي الخبرة

[رسايل غلا]

اختي المشاريع تحتاج لدراسة وتخطيط
وتحديد ربح وخسارة وكيف بتمشين امورج وهل تحتاجين وسيط مثلا او لا
قبل ما تبدين اي مشروع فكري صح واكتبي شو اللي تحتاجينه عشان تبدين
وفكري هل فعلا عندج خبرة فيه وتفهمينه ولا بتخلينها سهالات وحسب ما يطلع وياج

الله يوفقج ان شاء الله

[قمر الحاره]

انا دخلت ف مشروع من البيت اطلب والحمدلله توفقت

[احتاجك..]

ابببببببببببببببب
سبحان الله و بحمده

[ريووونة]

انا دخلت ف مشروع من البيت اطلب والحمدلله توفقت

خبريني من خلال خبرتج يعني كيف بديتي وشو هو المشروع

[ريووونة]

اختي المشاريع تحتاج لدراسة وتخطيط
وتحديد ربح وخسارة وكيف بتمشين امورج وهل تحتاجين وسيط مثلا او لا
قبل ما تبدين اي مشروع فكري صح واكتبي شو اللي تحتاجينه عشان تبدين
وفكري هل فعلا عندج خبرة فيه وتفهمينه ولا بتخلينها سهالات وحسب ما يطلع وياج

الله يوفقج ان شاء الله

مشكورة فديتج بس فعلا في اشياء غلطت فيها وانقرصت وايد بسببها ... الحمد لله على كل حال .. يمكن مثل ما قلتي ماخذه كل شي سهالات ... بس كيف ابدا واعوض خسارتي لاني جد تعبت

[ملاآك قلبكـ،،]

جوفي الناس شو تحتاج
حاليا البنات هابين بالميكب اللي مش موجود فالبلاد
ففي ناس تطلبه من برع وتبيعه بضعف السعر
جربي هالمشروع وبيعيه بسعر ارخص من الكل
بحيث تضمنين فايدتج وفايدة الزباين
وكل وحده بتخبر رفيجاتها بتنشهرين
نفس قوم ليلام واستيلو وغيرهم
كنت بسويه بس مشغوله بالدراسه مابقدر اوفق بينهم

[ريووونة]

للاسف ما اعرف للمكياج حليلي ههههههههه

[اشراقة أمل]

هههههههههه اختي عادي التجاره ربح وخساره على الأقل عندك تجارب تتعلمين منها ...وعايشتيها

في مشروع الطباعه على التيشرتات والمخدات والاكواب او المغ ... معروف المشروع بس ظريف .. يحتاجونه الناس كثير

محتاج تعرفين في الفوتوشوب شوي .. واله طابعه مخصصه ... وسلام عليكم !

[.Dream]

انا بعد اقولج سوي نفس البنات الي ايبون مكياج من ورا وهالسوالف الي طايحين فيها واعرضي بالانستقرام وسوي اعلانات لاكاونتج

مبدئيا ييبي كميات قليله اذا توفقتي خذي ع الطلب

[الوردة الجورية]

وعليكم السلام والرحمة اختي


اكيد تعلمتي دروس من هذي التجارب؟؟!!!

حاولي تتفادين اخطائج

لو ذكرتي لنا المشاريع اللي سويتيها و مانجحت مع الاسباب ممكن نفيدج بشكل أفضل كيف تعدلين او تتفادين او نعطيج حلول


بالنسبة لتجارة الميك اب مادري والله

لأن ماشاء الله طلعن وااااايد تاجرات في الامارات تخصص ميك اب وبعضهن تخصصن بس روجات!!!!

فأحس المنافسة صعبة جداً

وفي مثل يقول " لو كل من جا و نجر، ما برح بالوادي شجر"
يعني لو كل واحد صار نجار ماظل شجر في الوادي

فضروري التنوع

شوفي شو الناس محتاجينه من خدمات او سلع وقدميه

ويفضل في المجالات اللي عندج فيها خبرة او هواية

يعني اللي تحب الطبخ ونفسها حلو تتاجر بالاكل

اللي تحب التصميم والازياء تتاجر بالفساتين والدريسات والجلابيات

اللي تحب سوالف الأمومة تتاجر بأغراض الاطفال من المرضعة للعربانة للمدسات


وبعد شغلة ثانية جدا ضرورية
(التسويق)

بالمختصر المفيد

حددي الشريحة اللي بتقدمين لها الخدمة او السلعة
واذا بتستخدمين الانستجرام حطي نوع واحد ولاتسوين مثل بعض التاجرات مسوية حسابها هايبرماركت!!!

التخصص حلو حتى لو فتحتي اكثر من حساب بس يكون لكل حساب نوع

مثل حساب للأكسسوارات و حساب ثاني للملابس و حساب ثالث للمكياج

وحطي مع كل صورة او تحتها السعر والقياس او الحجم وخلي الحساب مفتوح وخصصي رقم تستخدمينه بس للتجارة عن طريق الواتس اب ولاتردين على المكالمات الا من المندوبين اللي بتتعاملين معاهم

وحطي لج اعلان في الحسابات الاعلانية و تبادل اعلاني مع باقي التاجرات

واقري سورة البقرة و كثري من الاستغفار واوقني ان الرزق من رب العباد

[دنيا!!]

اختي انا بديت مشروع بيع ساري هندي من البيت ومن خلال صفحه فيس بوك عملتها
وكنت اشتري الساري الهندي من مواقع اجنبيه
والحمد لله اموري ساري على احسن ما يكون
واللي بتحب تعمل زيي تجربتي وتتاجر بالهندي انا رح اساعدها

[دانه الكون]

و ليش ما تكتبين تجربتج و منها الناس تتعلم و تستفيد ؟


قولي شو هي المشاريع
من وين
شو اللي خسرتج
و و وو الخ

[رسايل غلا]

مشكورة فديتج بس فعلا في اشياء غلطت فيها وانقرصت وايد بسببها ... الحمد لله على كل حال .. يمكن مثل ما قلتي ماخذه كل شي سهالات ... بس كيف ابدا واعوض خسارتي لاني جد تعبت

اختي الموضوع يحتاج منج بس تيلسين ويا نفسج وتكون وياج ورقة وقلم او اي شي
واكتبي شو الاخطاء اللي استوت وياج في المشاريع اللي قبل ورتبي كل أمورج لأي مشروع يديد
عشان ما تستوي اخطاء ثانية وتنجحين ان شاء الله