حد مثلي؟؟؟؟

**أم برهووم** · 2007-09-25, 15:15

اشحالكن يالحريم والبنات ف رمضاان؟؟

اذا في وحده مرت بحالتي ياريت تفيدني شو يكون نظامها...
انا عندي ولد عمره سنه واربع شهور والحين انا حامل في الثاني...

ياريت كان في اي شهر..بس هذا رمضان..والمشكله انا ارضع ولدي طبيعي وكان ف خاطري اكمل معاه سنتين بس اظن ف هالحاله مااقدر اكمل...والمشكله الاكبر انه حاليا من فتره اسبوعين يرفض نهائيا اي نووع من الاكل مهما لوكان..

اللي عندها تجربه او فكره ياريت تخبرني كيف اهتم بالاثنين وانا الثالثه!!!!
ويزاكن الله خير..

المزيد من آخر المواضيع من نفس القسم:

**أمـ راشــد** · 2007-09-25, 15:18

الغاليه حاولي اتعطينه حليب ف مرضعه لانه حليبج ف هالفتره بيخترب بسبب الحمل...
و حطي على ثووومت المرضعه عسل يمكن يحبه ...

بس انه ما يتقبل اي اكل هذا شي غريب..؟؟؟
لانه المفروض ياكل اللحم و الديااااي و السمج بعد...

انتي حاولي و ياه ...

**سر من اسراري** · 2007-09-25, 15:20

انا حامل في بجري

بس الا اعرفه لازم تقطعين الرظاعة واسئلي دكتور بس سنة و4 شهور يروم ياكل وحطي انتي لزقة وقوليله فيه اوف وهو بتركه

الرظاعة تاثر على الجنين لازم تقطعين الرظاعة

وان شاء الله الباقيات بيفيدنج اكثر مني

**أم برهووم** · 2007-09-25, 15:23

يالغاليه كان يااكل كلللل شي..يته فتره كحه وزكام واحتقان..تدرين فهالفتره مايقدر الياهل ياكل...بس خازت عنه هالسوالف وهو للحين ما ياكل بالمرررره..

وبالنسبه للحليب انتي متأدكه انه بيخترب...والله حراام..فديته كنت ابغي اكمل معاه..لكن الريل مصيبه

يزاج الله الف خير ع الرد

**أم برهووم** · 2007-09-26, 22:22

وينكم؟؟!

محد عنده فكره؟؟محد يبغي يساعدني؟؟

**شمووخ** · 2007-09-26, 22:31

الله يعينج والله ما عرف شو اقولج بس حاولي ويا البيبي عشان ياكل ردي جربي لانج بالهطريقة وايد بتتعبين

**ام روضه2** · 2007-09-26, 22:32

المشاركة الأصلية كتبت بواسطة أم برهووم

وينكم؟؟!

محد عنده فكره؟؟محد يبغي يساعدني؟؟

انا بفيدج لاني مريت في هذي التجربه
اولا ولدج الغاليه يسنن وعشان جذي يته الحمى وما يقدر ياكل لان اللثه تحججه ويحس انه شبعان دوم ومرهق بسرعه خزيله مرهم من الصيدليه الي يسكن عليه اللثه انتي خبري الصيدلي انه يسنن وتبغين مرهم

وحاولي دايما تحطين صبعج على لثته وتحججينها له وابدي معاه بلسويت يعني مهلبيه البطيخ الجلي

**أم برهووم** · 2007-09-26, 22:37

مشكوره ام روضه ...وانتي بعد ياشموخ..
الله يجزيكم الف خير..

الموضوع: حد مثلي؟؟؟؟

أدوات الموضوع

عرض

حد مثلي؟؟؟؟

المزيد من آخر المواضيع من نفس القسم:

المواضيع المتشابهه

منو صار لها مثلي

حد مثلي ولا بس أنا !!

منو مثلي ...

في حد مثلي؟

في حد مثلي ولا؟؟