يتحسب جي بيحبوني اكثر .. اذا خدمتهم

[طموح دبا]

فديتج شكلج صغيرة ومو متعودة عالاوامر..
وشكله اهل ريلج عفويين ومتعودين عالتعاون والسنع,,
بس في عوايل جيه تعتبرون زوجة الولد مطراش,, لكن بعد كل شي له حدود

لو مضايقه تكلمي مع زوجج ,, والشي اللي ما يعجبج ارفضيه باسلوب حلو ومن دون عصبية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم مغاوي]

عاد قالج نظفي المكيف قويه جي عامل هههههههههههههههههههههه

ضحكت ضحك ها شغل رياييل شعرفنا بس اشوف العضوات ماشاءالله كذا وحده تعرف تنظف

ممكن من باب الذوق اساعد اخته اذا كانت تغسل ثياب امه وابوه او جزء منه هاييله ناس كبار بالعمر احسني لهم
ربي بيوفقج ولا اطرش الخدامه تغسلهن غير جي مب ملزومه

بس موضوع انج تظهرين مع عمتج مافيها شي شوفيها لوظهرتي احسن من مجابل البيت

تكون لج حياه اجتماعيه اذا كانت تزور الحريم وفي لمت حريم من عمرج تتعرفين ع العربان

ومنها تفتكين من اليلسه والشغل في البيت هههههههههههه وتتعلمين ع السوق

وتتقربين من عمتج تستون ربع وحبايب وبجي تضمنينها بصفج باذن الله

عن نفسي اظهر مع عمتي وايد واستفدت منها مع انها قبل مب لين هناك وياي الحين سمن على عسل الحمدلله

ولا اذا بتتريين الريل يظهرج بيبيض الديج عيشي حياتج

[مراسيل الوفاآ]

الموقف الاول :
حميتي قاعدة تغسل الثياب لان خدامتها مسافرة و كانت تغسل كمية لان مب لاحقه تغسل كل يوم .. يجوفها ريلي و يقولي يا فلانه سيري ساعدي اختي ...

المفروض انتي اللي تبادرين وتسيرين تسألين حميتج من باب الذوق يعني لو شفتي اختج تغسل بروحها
بتسيرين تساعدينها وريلج اكيد شافج فاضيه وقالج هالكلام لانه لو كنتي مشغوله ما بيقولج جي او تقدرين
تردين ف لحظتها وتقولين ان شاء الله بس اخلص اللي ف ايدي اول

الموقف الثاني :
رادين من عزيمة و حميتي بتيي ويانا هي و عيالها .. اركب جدام يقولي خله فطوم تركب جدام ... نعععععععععم .. انا سكت وسويت روحي ما سمعت ..

الله يهديج اختي، يعني الحينه بتحددين مكانج ف قلب ريلج من موقعج ف السياره؟ خلج عاقله اختي تراها اخته
ويوصلكم انتوا الثنتين سواء يلستي جدام ولا ورا

الموقف اللي بعده :
قاعدين في غرفة عمتي اقوله اوووف استغفر الله مكيف عمتي شكله بعد اخترب يقولي نظفي شو تترين .. نعععععم يا بابا قلتله مكيفهم وانا شلي

ماله داعي هالاسلوب اختي انج توصلين له كلام بمعنى "ما يخصني ف اهلك" اكيد ريلج يسوي جي عشان اهله يحبونج
او يباج تاخذين وتعطين وياهم كأنهم اهلج بس اذا انتي ما تبين هالشي تقدرين تقولين ماعرف او علمني او تخلينه ينش
ويساعدج ترا هالاشيا انتي تشوفينها سالفه ويبالها وقت لكن بتترك اثر طيب اذا عندج عيال لانهم بيشوفون ابوهم يساعد
ف امور البيت او اذا هو مب من طبعه يساعد وانتي شجعتيه ع هالشي ترا بيبين ف عيون اهله وبيشوفون الزوجه اللي
علمت ولدهم اشيا حلوه

اتصير عزايم انا اجابل فالمطبخ اشرف ع الخدم .. اتعودوووااا ان الطواشة تحب اتجابل ..

هالاشيا حلوه لكن ماعرف شخصيتج انتي كيف ، اذا ما تبين هالشي ف لا تجابلينهم طول
الوقت وبنفس الوقت لا تخلين اهل ريلج يغسلون ايدهم منج يعني سيري المطبخ وخبريهم
شو يسوون وقبل التقديم سيري مره ثانيه وجيكي ع كل شي تراج بتبيضين ويوههم جدام
المعازيم واي وحده بتستانس اذا حد مدحها

اللي منقهرة منه بعد ان اليوم عمي يقولي اطلعي ويا عمتج يوم هي بتطلع لا تقعدين كله فالبيت ..
و حميتي قبلها بعد قالت هاالكلام ..

يعني ملاحظين ان 24ساعه قاعدة في هالبيت و اذا طلعت لازم حد من ربعه يتصل تعال ابيك ضروري ويردني البيت ..

ماعرف شو اللي يقهر ف الموضوع ! اشوف هالشي عادي قوليله ان شاء الله عمي واذا يت حزه الطلعه وما تبين تطلعين
قوليلهم مابا اطلع محد بيغصبج وبيجبرج على انج تطلعين

ابا اقعد وافهمه ان غلط اساعد اخته ف غسل الملابس او اقعد ورا او انظف المكيف و لا اجابل العزايم و خواته ريل ع ريل .. حتى حريم اخوانه يييووووون ريل ع ريل .. ليش لاني بس ساكنه ف بيتهم ..

شورن علي افاتحه بهالشي اني مضايقة من هالمواقف وان غلط

لا تكلمينه عن هالموضوع لانه بيشوفج وحده حساسه وما تبين تجابلين اهله ولا تساعدينهم ف شي
اكتفي بأنج تسكتين وتقولين ان شاء الله تسايرينه وعقب سوي اللي انتي تبينه لكن الصح انه هالمواقف
جدا عاديه واذا فكرتي فيهن عدل بتشوفين انج مكبره الموضوع وهو ما يستاهل هاييل اهله وانتي ان
ساعدتي سواء ب كلمه ولا بفعل ف هذا من طيبج واذا ما سويتي وانشغلتي بأمورج بس ع راحتج
لانج مب مجبوره انج تسوين ها كله بس تذكري انه من باب الذوق انه الوحده تساعد وتهتم ف اهل ريلها
شرات اهلها خاصه اذا هم ما ضروج ب شي

[ورقة ناعمة]

انتي ماعندج شي تحتفظين فيه بحياتج الزوجية ,,, أصبحت حياتج مفتوحة للكل وانا اظن ان حتى اللي يعرفونج يعروفن شو طبيعة حياتج الزوجية لانها كتاب مفتوح وانتي تشرحينها


هذي مواقف تمر عادية والحياه الزوجية تمر عالكل من سلبيات وايجابيات ,,, وانتي مسوية نقاط ومواضيع وبالنهاية فهرس والموضوع هو انتي وحياتج الزوجية


نصيحة حاولي تستمتعين بكتاب تتعلمين منه وتستفيدين ...


رغم ردود البعض العلاجية والمفيدة لكن انتي بطبيعتج ما تسمعين نصيحة حد فقط عندج حب

[قصايد الهاملي]

احس مافيها شي ان هي تقعد يدام انا بدون ما ريلي يطلب هالشي روحي اقولها قعديي يدام

[احلى بعفويتي]

عن تجربه انج طنشين كلامه وتجاملين شويه وتسوين الواجب شي حلو وحياتج بتكون مستقره بس لو رفضتي رفض صريح بيزعل وبينقلب عليج

انا من راي تعودينه انج لج وقت للطلعه و الشوبنج و للراحه
مثلا بيت اهل ريلي انا مووووليه ما يخصني في المطبخ ولا اعرف شو الغدا الا يوم يحطون السفر هاي اول سنه كان ينتقد
عقب يبت عيالي وعرفت سستم البيت من روحي اروح واسال و اسوي سويت بس مووب دووم ترى sometimes
و انا روحتي لاهل ريلي يكون ويك اند وريلي فكرته يتم وما يطلعنا يتم ويا اخوانه ميلس
بس يوم السبت ها انا اروووح من الصبح صالون ولا مسبح و لا خياط ولا اطلع اتمزمز شي محد يخصه وتعود ..

[LadyinSilk]

تخيلي للحظه انه عمتج هي امج وحميتج هي اختج وان انت حرمة اخوكم
تخيلي حرمة اخوج تعامل امج مثل ما انت تعاملين عمتج ... اذا عيبج كملي

انا اشوف مواقفج مع ريلج مافيها شي وجدا عاديه وماتحتاج عصبيه ونرفزه
غيرج وايدات يتمنن زوج وحياة زوجيه واهل ونسايب .. فحافظي على النعمه اللي الله انعمها عليج ولاتفتحين ابواب للشيطان بينكم ولاتكتبين تفاصل حياتج ومواقفها في المنتدى عشان ماتخربين بيتج

نسب الطلاق عندنا استوت مخيفه واسبابها للاسف خلافات ماتستاهل

حرمة اخوي ماتطيع تيلس جدام اذا انا وياهم
وانا ما اطيع ايلس جدام اذا اخت ريلي ويانا


لما اكون بيت اهل ريلي ماشوف مانع اني اطبخ ولا اغسل الثياب ولا الوعيان

الزواج شي اكبر من الكلام اللي تكتبونه هني في المنتدى

الزواج .. سكينه وموده ورحمه

انتم لباس لهن وهن لباس لكن

سيروا اقروا ايات الزواج واقروا تفاسيرها .. وتعوذوا من ابليس

الله يصلحكم

[المغتربة]

ليش ادخلين ريلج في الموضوع !!!!!!!!
يوم ما تبغين تسوين قولي مشغولة او اسكتي
انا ما اجوف انج ملزومة تسوين شي
و لو انتي بتسوين سوي عن طيب خاطرج
و قولي ان شاء الله و لا تمنين عليهم ؟؟

يمكن لانج الخدومة دايما و المميزة فيهم و بالعكس هذا شي ايجابي مب سلبي


يعني خلي اسلوبج لبق شوي ومب عيب و هاييل شرات اهلج
اللي بتسوينه لاهلج بتسوينه لهم ان شاء الله

و دايما مرت الولد هي اللي تحط حد فاصل في المعاملة
فيعتمد ع اسلوبج و ردة فعلج
قولي ان شاء الله او قولي ما اقدر او اسكتي و طنشي

[D!or AD]

أختي الطواشه فااااهمه احساسج وشعورج مريت فيه قبل
كلمي ريل بهدااوه وفهميه

[~شوق~]

يمكن من البدايه عودتيهم وكنتي عادي ماتضايقك هالامور..لكن بعد فتره انتي تغيرتي يمكن لاسباب معينه ..وصارت الاشياء لي هم تعودوا علييها تضايقك...

المشاعر تتغير وفقا للظروف الشخص و حسب قدرته في السيطره وتحكم فيه...
..
انتي ماعليج غير تتفاهمين من زوجك... 123
والامور طيبه إن شاء الله

سبحان الله وبحمده سبحان الله العظيم

[غزالة AD]

كل المواقف اللي قلتيهم غلط ويقهرون لسبب واحد بس تدرين شو هو؟؟
لانه ريلج عنده خوات وهم المفروض يسوون كل هذا. وذا اصلا مب بيتج عشان جي انتي مب ملزومة تسوين كل هذا.
لو كنتي ماخذه راحتج فبيتهم اول شي بيقولولج اياه هذا مب بيتج..فليش اذا يينا عالمسؤوليات يباج تتصرفين جنه البيت بيتج؟
نعم يعني نعم اشمعنا انتي بالذات هااا؟
وشو موضوع عمج وليش يباج تكونين مرافق مع عمتج اذا طلعت؟ ادزين عنها قاري الجمعية ولا تشلين عنها الاغراض؟
بليز يعني بليز صدق موضوع ينرفز ويرفع الضغط افففففففففف.

[ليندااااا]

الله يعينج
ومثل ما قالتج وحده من الخوات عاملي اهل ريلج مثل ما تعاملي اهلج بترتاحين
او بتكونين رسمية معاهم وتسوين طناش وحده من الثنتين عسب ترتاحين معاهم

[(جواهر)]

اعتبريهم اهلج واللي تسوينه لاهلج مو لأهل زوجج صدقيني بترتاحين

[cute uae]

يمكن من البدايه عودتيهم وكنتي عادي ماتضايقك هالامور..لكن بعد فتره انتي تغيرتي يمكن لاسباب معينه ..وصارت الاشياء لي هم تعودوا علييها تضايقك...

المشاعر تتغير وفقا للظروف الشخص و حسب قدرته في السيطره وتحكم فيه...
..
انتي ماعليج غير تتفاهمين من زوجك... 123
والامور طيبه إن شاء الله

سبحان الله وبحمده سبحان الله العظيم

[مس ميم]

امممممم حلو إنج تساعدين بس مب كل شي عليج مثلا ف العزايم لا تروحين و يلسي و لو حد كلمج قوليله ليش ما تروح انت و ضحكي جي اونه مصخره بس انت قصدج ما تروحين و على ملابس اخته لا طبعا ليش يتامر عليج كل حد و له شغله

و السياره سيارتج الكيف كيفج واااااالله