خايفه أخسر زوجي :(

[s_h_w_a_5_y]

السلام عليكم ورحمه ,,,

شخباركم ؟!


بغيت توجيهاتكم خبيراتنا فالزواج , انا مشكلتي بدت لما كنت حامل بالشهر الأخير بولدي أول بيبي عندي ، زوجي كانت تعرفه وحده من قبل زواجنا ورجعت علاقتهم بالشهر تاسع وانا حامل وطبعا ألي لاحظته زوجي بدا جلساتته وسوالفه كلها برى البيت ولما اسأله ليش ماتقعد معاي تطلع الصبح وترجع بالليل وتنام ولا يرد عليه او يسألني شو قاصركم يرد عليه انا عندي اشغال ومحد يقدر يردني عن أشغالي وأهيه فتره وبتعدي ، وطبعا كنت طول الوقت اتصل فيه مامخليته وألي عرفته كان اذا خلص من عزبته على طول يروح الكوفي مع الشباب ويش كان يسوي ماكنت اعرف بس بالعيد الفطر عرفت ، اخوه الكبير خبر عليه امه وأبوه أنه يكلم بنت وهذي البنت تقول له خلك يوم عند زوجتك ويوم عندي وتريده يملجون بعد العيد لاكن الله كشفهم على السر ألي كاتمين على بعضهم وأهله مارضوا هذا الشي يصير وكلموه أنا خلال فتره أنه كان يكلمها ريلي صار يقولي انا ابغيج انت وولدج تسدون عماركم وقالي يبي اوراقج علشان الوظيفه (وأهوه عنده واسطه بدايرت الكهربه علشان توظيف) ، بس انا سمعت سالفت هذي البنت ومشكله من وراهم مايدرون اني سمعتهم ولما أقوله انت تكلم بنات يقولي انا من عزابي ما اعرفهن تبيني ألحين اكلمهن وأنزل مستواي حق بنات شوارع ) ،،، المهم صارت خلافات بينا كثيره وتنازعنا مع بعض وأخذني عند أهلي وكلم الوالده قالها بنتج ماترد عليه سلام العيد وكان زعلان وشوي بيصيح قال لها بنتج تقول اني أكلم بنات وأنا مالي في هذي السوالف ولا أعرفها طبعا انا مارضيت اطلع سالفته عند أهلي لأنه ما ابغي المواضيع تكبر وتنفتح مواضيع أكبر عنها ،، قلت له أنا بس مضايقه شوي وطلبت منك تخليني جمن يوم ولا تكلمني وأهوه ما يبينا نتزاعل لو يومين بس بنات أنا منقهره بعد ما سمعت عنه أنه طلع معاها هذي الوسخه وتقوله خلنا نملك وراح كلم أخوه الكبير ويشاوره بالموضوع أملك عليها او لا ،، انا انصدمت بتصرفات ريلي بعد ما كان يقول لهم انا زوجتي تزوجت من غير حب بس حبيتها والكل يعرف انهه يعشقني ويموت فيني ، انا حاولت أنسى سالفت البنت وعلاقته معاها بس ريلي ماقدرت أخليه يرجع مثل قبل يقعد عندي اليوم بطوله كان ونطلع نجوف سينما وشوبينج ويوم أقوله يبلي شغله وانت ياي البيت ما ينساها وألحين كل شي صاار ينساه ماتخيلت ان هذي الحرمه تملك عقله وتفكيره لهذي الدرجه ،، صرت أبجي ويقولي بوجهي شو بتسوين أذا رحت وخطبت عند فلان ليش يسمعني هذا الكلام ألي يحقر ويجرح الواحد ، ولما جيته بالطيب ابغيه شوي شوي يقعد بالبيت يرد عليه وكأنه شي مهم عنده ونساه في الكوفي ولازم يروح عند شباب انا ألحين لما يقولي كوفي افكر ان اهوه شغال معاها بالمبايل يتكلمون نفس علاقته القديمه وهذي البنت من دبي )( وطبعا قاعده احاول معاه اقعد بالبيت مشتاقيلك يرد عليه يافلانه والله مشغول وصار يدس عليه انه اهوه قاعد بالكوفي وبعدها دقيتله قلتلت يلا وقت غدا قالي خلولي غداي بالبيت ساعه 12 ونص الناس كلها تصلي بالمسجد صلاه الظهر وتقعد في بيوتهم ويتغدون وجالسينمع أهلهم وانا ريلي بالمقاهي بعد ماكان احسن واحد وهذي سوالف مايعرفها قلت له هذا كلام قالي تعرفين ليش انا ما اجلس بالبيت لأنه محد يهتم فيني والبيت ملل مافي شي مهم اسويله بدل ما اقعد مع شباب مع اني مب مقصره معاه في شي ويكلمني واهوه واقف عند الباب ناس كلها تسمعنا مهم خليتله غداه رجع العصر تغداا وطلع مايجلس بالبيت بس اذا علشان أكل او النوم لا غيير ... الله يرحم حالنا وبعدين ويش الحل مع رجاجييل كذاا فهموني تخيلكم ألحين أنا متخذه أسلوب ما اكلمه ولا اتصل عليه وايد ولا اسأله مع منوه رايح ولا شو بتسوي ؟؟ لأنه لما كلمته ودقيت عليه وأساله بداا يضايق من كثر أصالاتي يقولي انا عند رجاجيل لا تتصلين وايد إذا عندج شي ضروري يقصد إلا اذا تبين تطلعين مكان استأذن منه ولا اي نقاشات ثانيه كلميني لما اكون فاليبت بس ياناس ريلي يرد تعبان فالليل وماعنده وقت نتكلم فيه ويقعد يقولي انتي بتخسريني اذا بتعاملين كل شي تبغين تعرفينه شو اسوي ووين اروح انتي تبغين تحاكميني كذا قالي إذا ابغي اسوي شي محد يقدر يمنعني منه ومحد يقدر يحاسبني كم اقعد برى البيت وقالي قعده فالبيت اكثر من شربت فنجان قهوه ماني بقاعدها ,,, ألي مرت مع مثل هالتصرفات مع زوجها بعد ماتعرف على بنت بليزز تساعدني شلوون أتعامل مع ريلي لأن صدق احيانا ألوم نفسي وأقول انا مقصره معاه ونفس الوقت أقول ليش اهوه صرنا انا وولده مش غاليين عنده ولا نهمه __

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اشراقة أمل]

والله يااختي انا ماعندي خبره بالمواضيع هذه .. يمكن البنات يفيدنك اكثر مني ..

بس هذا اختي يبي يتزوج ثانيه ... اهله يعرفون وانتي تعرفين ...

بس المشكله هو وين النقص ؟ ليش يبي ثانيه .. يمكن اختي انتي منشغله بالبيت والعيال ...

يمكن اسلوبك يحتاج تغير .. بمعنى طنشيه .. وعامليه معاملة عاديه وبنفس الوقت بهتمام .. يعني اهتمي بعمرك بكلامك

معاه وانسي الباقي ... كاني شي لم يحدث .... لان هذا شو بيغير تفكيره؟

وبخصوص العمل .. اذا هو عنده واسطه ... اشتغلي فتره واعتمدي على عمرك ... عشان تحصلين راتب وتحسين

باستقلاليه عنه ..يمكن يمكن لو ما عطيتيه سالفه .. يعيد التفكير .. حتى لو تشتغلين فتره ... لان بشكل عام الشغل للمراه الحين

مطلوب بغض النظر عن أي شي ثاني ....

هو المشكله شكله حابب فكرة الزواج والمغامره ... ومايريد مسؤوليه كثيره عشان يرتاح يوم يأخذ ثانيه ...

بس هو السؤال من الثانيه هذه .. لو تسالين اخوه اكثر عنها .... يمكن تعرفين شو وضعها وليش متعلق بها

أتصور في هذا الموضوع تحتاجين اكثر من راي وتسالين .....

او انك تخبرين الاهل .. وتروحين عندهم ... ساعتها بيكون تحت الامر الواقع ...

ويصير نقاش بين هله واهلك وانتي وهو وتبان الحقائق ....


بس موضوع ان يقول لك يبي يتزوج ثانيه .. اعرف واحد متزوج حرمه جديد ثاني يوم الصبح يقول حق هلها ان الزواج عجبه

ويبي ثانيه !!!! هم رياييل جي .. مخ مافي!

[عساك تبقى لي]

ربي يكون بعونج ويصلحه لج .. ويرده لج ردا جميل..

[meme123456789]

ادعيله باْذن الله نزوة وبتروح

[مبدعة الامارات]

اختي في دعاء لتسخير الزوج اتحري أوقات الاجابه وكثري من الدعاء لاقريب ولاغريب بيفيدج تقول وحده من تجربتها أن خلال شهر ابتعد عن الي كان يحبها والله يسخر لج ريلج يارب

- - - Updated - - -

سوي بحث فجوجل

[فجر المعاني]

انا دايما في بالي شي واحد ... لي يحب وحدة ليش ما ياخذها من البداية ؟ ليش يبلشون بنات الناس ويعورون قلبهم؟


يمكن هذي نزوة في فترة تعبج وقت الحمل وبتعدي ؟ أو يمكن الروتين في الحياة هو اللي دفعه يخوض تجربة الحديث مع عشيقة من جديد ؟ .. نصيحة لج اشتغلي و اشغلي وقتج الشغل يسلي الحرمة واااايد و بيعطيج استقلالية بسيطة من زوجج و بعدين بيتقرب منج لان بيطلب منج تساعدينه في بعض المصرف حاله حال باقي الازواج لي ما يصدقون الحرمة عندها راتب.

[[..دانــة..]]

زين اذا هو يحب يطلع من البيت والبيت بالنسبة له مملل
اطلعي وياه!

سويلج جدول فالأسبوع لج أيام وطلعة الشباب يوم مثلاً له
وقسمي الوقت ع زيارة الأهل، طلعات مطاعم سينما وفيها شوبينغ للبيت إلخ
وخليله يوم فالأسبوع مع ربعه يغير جو
ترا صدق الريال يمل ويكره الحكره، بس مب معناته ما يحبج أو ما يبا يقضي وقت معاج
هو ما يبا يقعد فالبيت يحس أنه ما ينتج ما يسوي شي ف يمل!

واذا ع خيانة ، ترا الريال فعلا ان بغى الشي سعى له، ف أنتي لا تحسسينه عسب لا يطفر ويتجه لها
وكلي أمرج لله ولكل حادث حديث
دامه ينكر وجودها وينكر هالي معناته بعده لج عنده مقام
فاستفيدي من هالشي

[مالتيزرس]

أذكر وحدة من ربيعاتي مرت بنفس تجربتج وريلها اهله ماخلوه ياخذ اللي يحبها لظروف وعقب الزواج اعترف لحرمته انه يحب غيرها قبل الزوااجوكسر قلبها ..مابقولج انه هالشي يجرح الا يكسر الحرمة ويجرح كرامتها وكانت تشتكي المسكينة وتصيح ليل نهار نصحتها عليج بقيام الليل صدقيني ماحد راح ينفعج قومي الليل ادعي كانج تكلمين شخص جدامج صيحي اتضرعي بالدعاء وتمي استغفري اكثر عن الف مرة باليوم عسى الله يصرف عنكم هالبنت ..ويشغلها بنفسها يارب ويرزقها سعادة تنسيها سعادتج ..
ولاتتركين هالدعاء حتى لو ربج مااستجاب لج تمي كرري هالدعاء صح اصبري احتسبي ..ولاتنسين انج اتمرين ببتلاء والله يجوف صبرج ها حال الدنيا ..
http://forum.uaewomen.net/showthread...AC%D9%87%D8%A7
وادعي بكل سجود فالصلاة انه يسخر زوجج ويحنن قلبه عليج ..لاتضعفين خلج قوية ..

واذا ريلج يصدج احرجيه بتصرفاتج خليها العكس قومي بواجباتج اطبخي له اتزيني لكشخي ..

[Ward-uae]

ما بتخسريه هو اللي بيخسر لكن من اسلوب كتابتج مبين انه اسلوبج جاف وحساسه يمكن من الحمل لكن حاولي انه تغيرين اسلوبج ويكون فرفوشه وتضحكين واذا ملانه اشغلي وقتج بشغل يدوي او زيارة احد او قراية او حتى اذا الحين قريب ولادة ترتبين تجهيزات المولود لا تقعدين تترييه خليه هو اللي يستغرب ومن نفسه ييج ويشوف شو تسوين
اما عن اللي يحبها صدقيني هو ما يحبها بس شكله يبا شي منها اللي يحبها انتي لو ما يباج جان ما خلاج تحملين وجان عطاج كاش وقالج هي وأبيها وعن تكون زوجه ثانية بيعرف بقيمته ولو خذها بيكون بالسر لانه يدري انه اهله ما بيتقبلونها فخلج جيه غافلة ولا تسوين لها سالفة واذا يات جدامج عطيها في الجبهة اعرف ريلي ما يشوف هالاشكال وحبه لي اشري على ولدج لا تخلين هالاشكال يكسرونج انتي خذاج معززه مكرمه لا حب ولا خرابيط لكن هالنوعيه الريال يتخبل لكن من ياخذها يعيش في هم لانه ما يكون واثق فيها
خلج واثقة من نفسج ما غلطتي في حقه لكن اكسبي قلبه لو تعتذرين مب على المشكله على شوقج له ما هنالج تنامين وهو بعيد عنج

[نعومة ملكة]

ماعرف بس احس في شي غلط فالموضوع

هو تصرفاته غلط و انتي ردة فعلج غلط

احس لازم تتفاهمون بالهداوه و تفهمين شو يبا بالضبط و ليش رجع يكلمها؟؟؟؟

التفاهم بالهدواة احسن شي

[راقية بطبعها]

انا اقولج بإختصار طنشيه وعيشي حياتج وبيركض وراج
انا مقتنعه أن الرياييل مثل العلج أو "اللبان"
الله يعزج يوم تتفلينها تلصق ع الأرض
مب كلهم طبعا الأغلبية العظمى إلا من رحم ربي
ف الزبدة انا اقولج لا تاكلين بعمرج ولا تحنين ولا تمرضين ولا تصيحين عليه ولا تراقبينه و تهمين عمرج و هو مستانس ويخربط ويلعب!
الوحده كم مره بتعيش؟ عيشي حياتج و احقريه و جابلي نفسج وعيالج و اعتبري ولا كأنه موجود و خلج رسميه وياه واكشخي و اطلعي واستانسي و اتعازمي ويا جاراتج و رباعتج و سوي الأشياء اللي تحبينها و خلي شخصيتج قويه و كوني واثقة من نفسج
و بييج لين عندج بيستغرب من سر هالتغيير

[اشراقة أمل]

مممممم ... هي القصه ان زواج الاهل يسبب مشاكل ... يعني لازم الزوج من البدايه يختار حرمته ... بنفسه بمعنى الاهل يدخلون بس بحدود معينه ...

هو من الاول يوم طلب يدك شافك اكيد ... يعني مقبوله بالنسبه له ... وهو ماشي على كلام هله ومحترمنهم ... بس لازم تشوفين وين الخلل منك

هو شكله الحين حتى هله مابيسوي لهم سالفه وبياخذها! لان اكيد يوم اخوه عرف خبر هله .. وهله واجهوه .. وهو واجهم بس ماقدر يقنعهم

تبينه يكون طيب معاك .؟ لا ! لازم اختي تشوفين شو القصه من البدايه وتراجعين نفسك هل المشكله منك او هو ؟ وان شاء الله تحصلين الحل

بس غلط في الموضوع ان الحرمه تنجب اطفال والوضع مب مستقر ... كان لازم هو من البدايه يكون صريح ... اذا كان في باله شي ثاني

في ناس بعد ماينجبون اطفال وحاله يتكلمون ... زين والعيال !!

[مالتيزرس]

استخدمي كل أسلحتج ..لاتقعدين دووم ع راسه تزنين انك راح تتزوجها ومادري شو..عيشي عفوتج اكشخي حق عمرج ..يوم بيدش ابتسمي ابتسامة خفيفة والبسي القصير والطويل وغيري تسريحة شعرج واخطفي عنه .لاتتلصقين فيه وااايد خلج شوي ثجيلة خليه يحس بالتغيير ..ولاتلاحقينه وايد باتصالاتج ..اشتري لج ملابس يديدة لانه نفسيتج محتاية تغيير شوي ..اهتمي به بس ع السايلانت ..عطيه حقه بالفراش مع شوية رومنسيات ..صدقيني انتي الاساس وام ولده ..لو مب مقتنع بج جان ماخذج بالاساس ..احترميه حطي له غداه وعشاه احرجيه بأسلوبج صدقيني بيحس شوي ع عمره ...خذي لج كمن كتاب ثقفي عمرج واشغلي عمرج شوي ..بين فترة وفترة اترسي لج البانيو وحطي روايح عطرية فيه وورود ودشي بروحج واسبحي هاي النقطة قريتها باحد المنتديات كانت دوم تسوي هالشي لريلها وعقب يوم جافته مب مهتم بها قامت بروحها ودلعت عمرها ودشت البانيو بروحها ويوم دخل عليها تفاجأ انها قبل تسوي هالشي له بس الحين تغيرت قامت تهتم بعمرها وطنشته ..صدقيني تطلع الطاقة السلبية اللي فجسمج ..

[Jawharah]

أختي حسيت من أسلوبج أنت تشغلين كل وقتج بريلج
أختي الزوج لما يبا يسوي شي يسويه نصيحتي خلي أعصابج كول وخاصة أنج حامل واقري على مويه الآية :
بسم الله الرحمن الرحيم
وألقينا بينهم العداوة والبغضاء إلى يوم القيامة .اذكري اسم ريلج واسم البنت إذا تعرفينه وخليه يشربها

هذه مجربة
الله يسخره لج

[Feminine Me]

ليش هذا كله معورة قلبج !! شؤو رايج ترفعين دعوة طلاق لضرر وتتزوجين واحد يحبج ! من أحسن ؟
زواجج منه من البداية غلط ما يحبج
ع العموم تعلمتي درس انج ما تزوجين واحد من اختيار أهله أو أهلج خله هو يختارج وافقي لأن الريال إذا تزوج وحدة يحبها يحظها بين عيونه حتى لو عندها عيال ؤمطلقة