ريحة عرق الزوج

[ريم 8777]

بنات انا جدا مضايقه من ريحت عرق زوجي وما اعرف كيف اوصله هالشي من غير ما اجرحه
كل ما قتله شي يقولي ما ادري انتي وايد نظيفه ولا انا وصخ

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غزالة AD]

خذيله انتي طقم عطورات ومزيل عرق.. وحطيه فالحمام وبيستخدمه..وبشكل مب مباشر قوليله حبيبي جرب هذا المزيل او هذا الشاور جل وايد حلوة ريحته.

[ريم 8777]

اشتريت مزيل عرق وكله شي وكل ما يتسبح اقوله حط بس احس انه يتضايق مني وانا ما احب هالشي

[غزالة AD]

قوليله مثل ما اتعطرلك واتعدلك انت بعد تعطرلي

[الوردة الجورية]

بدون ماتقولين له

خليه من ضمن اهتمامج به

يعني دخل البيت معرق، ابتسمي له مع كلام حلو هلا بالغالي، الحمدلله على السلامة... سحبيه من يده دخليه الحمام سبحيه و قولي له عشان يغسل عنك جهد الشغل


المرة الثانية سحبيه يدخل الحمام وشغلي الماي وقولي بروح اييب لك الفوطة وتأخري شوي عشان يتسبح بروحه و دخلي عليه بدلع خليه يحب يتسبح

بس اكيد مب كل مرة بتسبحينه و تدلعينه

هو كمن مرة لين تكون عنده عادة يتسبح من يرد البيت

وبعد خلي في الحمام شاور جل رجالي حقه و ديودورانت نفس عطره

وبعد اذا مافاد السبوح انه يخوز الريحة

قولي له قريت ان افضل شي لتنظيف وتطهير الجلد بشكل طبيعي خل التفاح

يمسح بقطنة فيها خل تفاح وعقب يدخل يتسبح

وضيفي النعناع في الشاي او كل عصر سوي شاي مع المريمية او شاي اخضر بالنعناع


وبعد كل مانكونين معاه و ريحته نظيفه مدحي ريحته
ولاتملين كل ما يكون نظيف مدحي ريحته

هو بيفهم ان الريحة مهمة عندج

[% الكاذي %]

ترى الموضوع مرات يعتمد على طبيعة أكله وشغله
ومرات حلاقة شعر الابط والمعطرات ما تنفع اذا كانت هذي حاله مرضيه

[ام مارية1]

عزيزتي مزيل العرق بيزيد المشكله ومش حل ابداا انتي سوي له منظف بروحك بالبيت واهديه له وقدميه يطريقة رومنسية بدون مايشعر انك مضايقة منه وخبريه انه طبيعي وبيفدك وحتى الواحد لو خلا العرق عليه بدون تنظيف بيضره لانه عباره عن سموم تطلع من الجسم ولازم التخلص منها فوراا والخلطه بتحصليها بهدا الرابط

http://varietysciences.blogspot.ae/2...deodorant.html

وربي يسعدكم

[المووووج]

نفس فكرة الاخت الوردة الجورية
اول ياييج البيت جهزيله الحمام وخليه يتسبح ادخلي وياه فركيه في ناس ما تركز في التنظيف ع الاماكن اللي ممكن تصدر منها الروايح مثل الثنيات في الجسم مب بس الابط
ومن يطلع انت حطيله الديودرن وعطريه
يمكن يحط ديودرن لكن بعد فترة من السبوح
وتكون طبيعة جسمه تصدر الريحة ع طول عشان جذه ما يفيد
وعقب بتستوي عنده عادة السبوح

[مريم الفهد]

الموضوع حساس اذا اتكلمتي لمحتي او بان علي ملامحج اي شي بيتحسس وبيضايج وبيعاند
استخدمي انوثتج ودلعج علشان تغيرينة من غير لايحس لاتبينيلة انة الموضوع مهم وانا ضد الاخوات دخلي وسبحية لانج ماتبعتي هذي الاسلوب من الاول لو اتبعتية الحين بيضيج وبيتحسس اهملي الموضوع فترة وزيدي جرعات الدلع والحنان والاهتمام وبعدها ابدي اسحبية شوي شوي علشان يسوي الي تبغينة اشتريلة كولكشن كامل وبدلع اطلبي منهة تيستعملة وتشمين العطر ولكريم علية اشتريلة جل استحمام وسوالف للباميو وبدلع استعميلها معاه بس بعد مدة وعقب مايحس انج اتقبلتية مثل ماهو

[Ward-uae]

يا سبحان الله من فترة وحده متوحمه بعرق ريلها
هذي السوالف يباله صبر واعرفي شو الروايح اللي تجذبه فيه رياييل تعيبهم عطور السبايسي وتبغ وبزار وفيه منهم يحبون روايح المسك والعود
اما اذا هو يسبح كل ما يرجع من برع فيمكن تكون المشكلة في هرمونات الجسم بس غيري نوعيه الاكل وخليه صحي وابتعدي عن البصل والحلبه والثوم هذي السوالف من يبدي الجسم يعرق تطلع روايح قوية
لا صابون ولا عطر يخوزها
انتي بعد بخري ملابسه وعطريه وحطي روايح وزيوت في البيت وعن ملابسه جربي سائل برسيل الأبيض للملابس البيضه والازرق للملونه يعطي ريحه حلوه
رقي نفسج وبيتج وريلج احيانا اذا الأشخاص يشمون الريحه وهو يحس انه نظيف فما يحتاي اكمل

[Yazi.90]

وييه صراحه سالفه كل مره تدخله الحمام يتسبح
يعني يالله تعابل نفسها وعيالها مب ناقصه ريلها !
اخذي له كولكشن من فيكتوريا سيكريت روايحهم ولا اروع
فيه ديودرنت و لوشن و شاور جل و مست للجسم ،،

ضروري الريال يسبح كل يوم ولو كان يطلع ويدخل وايد مرتين
و عادي قولي له حبيبي مثل ما انا اييك وريحتي حلوه ،،
انا بعد ابا اشم فيك ريحة عود مثلا ولا مسك حمسيه للموضوع

[غلآ نفسي]

اذا مب حاله مرضيه

انتي بادري سبحيه وعطريه وحطي مزيل العرق بنفسج

هاا من باب انج تدلعينه

بالتوفيق

[غلآ نفسي]

وييه صراحه سالفه كل مره تدخله الحمام يتسبح
يعني يالله تعابل نفسها وعيالها مب ناقصه ريلها !
اخذي له كولكشن من فيكتوريا سيكريت روايحهم ولا اروع
فيه ديودرنت و لوشن و شاور جل و مست للجسم ،،

ضروري الريال يسبح كل يوم ولو كان يطلع ويدخل وايد مرتين
و عادي قولي له حبيبي مثل ما انا اييك وريحتي حلوه ،،
انا بعد ابا اشم فيك ريحة عود مثلا ولا مسك حمسيه للموضوع

حبي وايد رياييل معتمدين ع حريمهم

يعني كل يوم تاكله

شي حريم هي اللي تلبسه وتحط له عطور

شي حريم وظيفتها تحط له مزيل عرق خخخخ


وايد حريم يعتبرون رياييلهم واحد من عيالهم

ف دامج اعتبرتيه الطفل مالج لازم تعتنين فيه

هذي يسمونها رومانسيات وحب بعيده كل البعد عن روتين الحياه

[ثريا 2014]

حبي وايد رياييل معتمدين ع حريمهم

يعني كل يوم تاكله

شي حريم هي اللي تلبسه وتحط له عطور

شي حريم وظيفتها تحط له مزيل عرق خخخخ


وايد حريم يعتبرون رياييلهم واحد من عيالهم

ف دامج اعتبرتيه الطفل مالج لازم تعتنين فيه

هذي يسمونها رومانسيات وحب بعيده كل البعد عن روتين الحياه

صح كلامج غاليتي
انا ما اشتغل وشغلي الشاغل بيتي وريلي
ومن اولوياتي اني اعتني فيه البسه واعطره وامشط شعره
وحتى ادا شفت لحيته مو اوكي اعدلها ههههه هيه والله نفس ماقلتي
رومانسيات وحب
،،،،،
اختي صاحبة الموضوع عوديه عالنظافة عشان يتعود
اهتمي فيه وبتلاحظي انه خلاص بيصير عنده روتين يومي يتسبح ويتعطر
ربي يوفقكم ويسعدكم

[love rak]

اختي يمكن انتي حامل واتشمين ه الروايح
فديتج يمكن وحام