فترة النفاس و البعد الزوجي ؟؟؟؟

[المغتربة]

الحرمة ليش تندر بيتها !! خلاااص موضة الاربعين جديييمة خخخخخ انا عن نفسي اول ياهل بس ف بيت الأهل وعقب خلاص مافي اربعين الا هم يومين عقب الطلعه من المستشفى ترتاح ف بيت اهلها وعقب ترد بيتها

او تخلي امها تي تتم عندها لو سمحتلها الظروف

صدقيني بعدهم حريم ع ها الموال
و اغلب المشاكل من ها الامور
انا خذت دورة في الاستشارات الاسرية و اغلبهم من نسألهم فترة الاربعين و الوحام وينكم يقولون بيت اهالينا
صح النفاس مش عذر لكن مب ع كل دقة و وحام بسير بيت اهلي بدونه
نفس القصة اللي كتبتها يعني النفاس كله بيت اهلها مع فترة شهر قبل الولادة و غير فترة الوحام كله روحها

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورد جوري M]

كلامج واضح يالمغتربه انتي ما طريتي بس فترة الاربعين طريتي وايد اشياء اكبر حتى من فترة الاربعين واوافقج الراي بكل شي وهالاسباب صدق تخلي الريال يطالع برع حتى لو حرمته ملكه جمال ..
بس انه الريال يبات عند اهل حرمته خاصه لو عندها خوات وخاصه بعد لو عنده بييت مب حلوه اوكي ايي كل يوم مب مشكله يقعد ساعه ساعتين يشوف الياهل بس عقب ترد هي بعد عنده , مب تقعد 40 يوم بيت اهلهااا !! .. انا اشوف الحرمه تبات عند اهلها اسبوع او اسبوعين بالكثييير وبعدين ترد بيت اهل ريلها وتقعد معاه واكيد عمتها ما بتقصر ولو ما عندها عمه واول ياهل مب مشكله تقعد اسبوعين تتعلم كيف تتعامل مع الياهل وبعدين ترد عند ريلها .. مب حلوه تبتعد عنه 40 يوم حتى لو ما بيمارس حقه الشرعي بس يشوف الياهل وحرمته يحس بالابوه يتعود يشل مسووليه واكيد يشتاقلهم

[jameela200]

موضوعج جميل صراحة
انا سحبت ريلي وياي بس لبسي كان كله جلابيات
وخاصة للرضاعة
حسيت عمري حرمة مالخمسين سنة ..
الحين يوم كملت بنتي خمس شهور بديت اسوي جيم
بس الصراحة ريلي واااايد مبتعد عني
موجود في البيت ... بس انا مب تارسة عينه لو شو ما اسوي

[ليندااااا]

عين العقل كلامج

[love rak]

يفضل الحرمة ما أطول بيت أهلها عن الأسبوعين
والريال يرقد بيت أهل الحرمة مب من عاداتنا ك عرب

[غلآ نفسي]

اسفة بس فترة النفاس مش عذر للخيانهة
كلها 40 يوم ..
في حريم رياييلهم برع للدراسة او العمل لسنوات وما خانوا
بس اللي عنده قابلية للخيانة يتعذر باي شي.

صح

انا مجابله ريلي وبيتي وعيالي 24 ساعه

سواء وحام او نفاس او مرض او أي شي

بس تعالي شوفي اللي شفته من بلاوي

الريال اذا يبا يخون بيخون لو شو ما سويتي

بس انا بعد ضد الحرمه تبات بيت أهلها بشكل عام

لان نحن مجابلينهم 24 ساعه وعينهم زايغه

كيف لو حرمه 40 يوم بعيده عن ريلها

ريلها اكيد بيشوف له شوفه

الا من رحم ربي

بالتوفيق

[المغتربة]

صح

انا مجابله ريلي وبيتي وعيالي 24 ساعه

سواء وحام او نفاس او مرض او أي شي

بس تعالي شوفي اللي شفته من بلاوي

الريال اذا يبا يخون بيخون لو شو ما سويتي

بس انا بعد ضد الحرمه تبات بيت أهلها بشكل عام

لان نحن مجابلينهم 24 ساعه وعينهم زايغه

كيف لو حرمه 40 يوم بعيده عن ريلها

ريلها اكيد بيشوف له شوفه

الا من رحم ربي

بالتوفيق

تراج قلتيها بنفسج اختي

النفاس مو عذر للخيانة
عيل نحن الحريم اسبوع ف الشهر عندنا دورة شهرية بس نكون عند رياييلنا ؟ صح
بس اللي 24 ساعه تترك زوجها و كله ف بيت اهلها هذا غلط

و ع الاقل انا بحافظ ع بيتي وما بسمح لحد يخربه
ولا بعطي حد مجال
حتى لو صار شي بعيد الشر ع الاقل انا موجودة انا سويت كل شي ، انا كنت معاه ، انا حاولت و بتم احاول مليون مرة ما بتعب


مب راقدة 9 شهور ف بيت اهلها وعقب تقول لي يخوني او يبغي يتزوج علي