سؤال

[سحر الغموض]

مافي نظرة شرعية بس شفت له صورة فالانستغرام


بلييز دعواتكم انه الله يكتب لي اللي فيه الخير وما اندم..

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Lady Reem]

بعتمد ع سبب حيرتج
اذا اشيا سطحية بسيطة مع العشرة بتروح
بس اذا اشيا كبيرة يفضل ما تتسرعين

[غلآ نفسي]

مافي نظرة شرعية بس شفت له صورة فالانستغرام


بلييز دعواتكم انه الله يكتب لي اللي فيه الخير وما اندم..

انا بعد ما كان بينا نظره شرعيه

شفته وشافني بعد الملجه بعد ما صار ريلي

كان يسال خواته عن ملامحي

والحمدلله تزوجنا وحبينا بعض

الحب والقناعه ايييون بعد العشره مب بعد النظره الشرعيه

بس بعد النظره الشرعيه لها دوور

اذا تفكرين عن زواج ناجح وقناعه ف هذا بتحسينه بعد العشره

اما اذا تفكرين عن جماله وشكله ومظهره ف سوي نظره شرعيه

بالتوفيق

[الوردة الجورية]

وعليكم السلام والرحمة اختي


اختي خذي وقتج و راحتج قبل اتخاذ القرار بالموافقة، ولاتسمحين لا لأم ولا لأب بالضغط عليج في موضوع الزواج

على أهلج توفير كل المعلومات الصحيحة عنه ونقلها لج بدون اخفاء اي حقيقة يعتقدون انها ممكن تتصلح بعد الزواج

مرات يعرفون انه لعّاب بس يقولون عنده فلوس وباجر يستقيم او متعصب وعنده غلو ويقولون عنه ملتزم......الخ

قعدي مع ابوج و اخوانج وخليهم يتخبرون عنه عدل عدل وقولي لهم تنقلون لي كل اللي تعرفون عنه بصراحة ولاتخبون شي عني.. ما سامحكم يوم الدين اذا تعرفون عنه شي وتخبونه علي

وانتي بعد حاسبي نفسج وشوفي اذا مقصرة في شي مثل صلاة الفجر وباقي الصلوات في اوقاتها التزامج بحجابج و ماتنمصين حواجبج او تسوين اي شي يغضب رب العالمين

عشان الله يوفقج بزوج صالح مناسب يستاهلج

وثقي بالله دام انج استخرتي اذا الزواج فيه خيرة لج بتتيسر الأمور ويتم الزواج
واذا شر بتتعسر ومايتم والله بيبدلج بالأفضل

استخرتي.. ثقي بالله

[future dreams]

هي في ناس ما عندهم نظره شرعيه نحن جي ،،،

بس انا مستحيل اخذ واحد عمياااااااني لازم يشوفني واشوفه لانه هذا زواج و عمر ،،،، وخواتي عرسن بدون نظره شرعيه ،،، بس هذا من زمان ،،،

اذا السياره قبل لا يشترونها يشوفونها صح ....وهذا زواج ....

عني شخصيا ما بوافق بدون ما يشوفني واشوفه صح ما بقدر احكم من اول نظره بس ع الاقل تحسين بالقبول اهم شي القبول ...

وشو يخص امه وخواته ،،،انتو شكلكم بدو صح ،،، مادري ليش يوم الناس تسأل ،،، يشوفون امه وخواته واخوانه ،،، مب شرط ،،، في واحد خذ اخت حرمة اخوه ،،،قبلو فيه لانه اخوه زين ،،، بس الثاني طلع مب زين ،،، يعني مب شرط اذا اخو واحد زين ،،، كل الاخوان يطلعون شراته صح ؟!

اسالي عنه اكثر ،،،، واللحين مافي شي يتخبى دامنه عنده حساب انستقرام بتعرفين من الصور ،،، بس الصور ما تعطيج كل المعلومات الصحيحه ...

الله يعينج ،،، صدق شي مب هين لو انا مكانج بسوي بحث شااامل هههههههه ...

[غرورعبدالله]

لا ماكنت مقتنعه لاني كنت ياهل ام 15 وعندنا عادي نظرة شرعيه لكن ما طلب ولا اهلي طلبو لانه كان ربيع اخوي واهلي يعرفونه بشش عطوني صورته عقب خخخخ

بشش الحين احمد ربي انه رزقني اياه

[احتاجك..]

عن نفسي بعدني ، بس كيف غموض ؟ بشخصيته يعني ولا بالمعلومات ؟
طيب قولي لاهلج اسالوه عن وعن عن عن " اللي ببالج " ، وقولي لاخوانج او ابوج يسأل عنه
وبخصوص النظره الشرعيه من اسمها واضح " شرعيه " يعني ها حق
محد يقدر يلغيه لا عادات ولا تقاليد ولا اهل حتى ، اذا وايد مصره عالشوفه قولي مابقبل الا لما بشوفه وها حق بالشرع الله ورسوله محلله ، هل بتكون العادات والتقاليد فوق شرع الله ؟
ترا اعرف وحده بعد عندهم ماشي شوفه وبعد الملجه بيوم اكتشفت ان اهلها مخبين عنها عمر الريال الحقيقي ، طلع ريال كبير
انا ماحاول احط فيج الشكوك ، لكن الشوفه تغنيج عن وايد مشاكل ، وبيكون لها تاثير كبير بقرارج ..
ربي يوفقج اختي ويسعدج

[مراسيل الوفاآ]

دام شفتي صورته وبعدج متردده ف الموضوع مب موضوع نظره شرعيه
السالفه نفسيه اكثر من ما هي قيود عادات اهلج لانه النظره الشرعيه ان طولت
ف هي اقل شي بتكون ٥ دقايق وهالمده مب كافيه ف انج ترتاحين للريال وتعرفين
شخصيته واسلوبه وعقليته، يمكن موضوعج نفسي بحيث انج مب مقتنعه ومتوتره
من موضوع الزواج لا اكثر، خليهم يعطونج وقت واستخيري مره ثانيه وكلمي امج
شوفي رايها فيج هل بتقدرين تتحملين مسؤوليه الزواج وخذي من خبرتها واذا عندج
خوات معرسات حاولي تحتكين فيهم اكثر ويكلمونج عن استعدادات الزواج و و و، وعقبها
شوفي نفسج اذا ارتحتي وتيسرت امورج ف وافقي ، اغلب البنات قبل الزواج يتوترن لكن
عقب تمشي امورهم وويا العشره بتعرفين الريال اكثر


اما عن النظره الشرعيه، ف مهما نقول صعبه نغير تفكير اهلج اللي تعودوا ع انه ماشي
نظره شرعيه، ودامهم مصرين ع هالشي ما نقدر نحرضج ونقولج خالفيهم دامهم متمسكين
بعاداتهم اكثر عن الدين ، اما اذا لج راي وتقدرين تطلبين منهم انج تشوفينه وتعرفين انهم
بيوافقون اذا اصريتي ف لج الحق اختي وحاولي وياهم لكن مثل ما قلتلج النظره الشرعيه
مالها خص ف ترددج دامج شفتي صورته

[غزالة AD]

لازم النظره الشرعية اصري عليها عزيزتي.. مش عشان تعرفين شخصيته اكيد ما بيكون شي وقت..بس عشان تشوفين شكله..هذا شي موصي عليه الرسول عليه الصلاة والسلام..كيف بتتزوجين واحد ماجفتيه؟ كيف يملجون عليكم عقب تشوفون ازواجكم؟ اصري اصري اصري عليها. الله يكتبلج اللي فيه الخير.

[ورقة ناعمة]

الاستخارة

حتى لو سالتو عن فلان وعلان صدقيني في اهل مايعرفون اطباع عيالهم وفي أهالي حتى سلوكيات عيالهم مب عارفين عنها

فما بالج تسالين الغريب شو راح يقولج ومنو بتسالين

[Aspire]

لازم تشوفينه أختي بحضور محرم طبعاً ، شلون تقضي معه سنوات عمرج كلّه من دون ما تشوفينه ؟؟ و لا زم تتكلمين معاه بعد و تسألينه الأسئلة يلي في خاطرج . الرسول كان يعرف خديجة وايد قبللا يتزوج بها .