سؤال

[سحر الغموض]

السلام عليكم ورحمة الله وبركاته..

عندي سؤال للمتزوجات هل كنتوا مقتنعين بازواجكم 100% قبل لا توافقون وتقررون الزواج ؟؟ وبالنسبه للناس الي عاداتهم مافي نظره شرعيه الى بعد الملجة كيف تعتبرون زواجكم ناجح او لا ؟؟

صرااحه واايد واايد محتاره ،،واايد خايفة آخذ القرار الغلط وتدمر باقي حياتي انا مب مقتنعه وايد فيه بس اهلي يقولون انه شخص زين..كل يوم اصلي استخارة وادعي بس بعدني محتارة ومب قادرة اقرر حاسة بغموض

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

عن نفسي بعدني ، بس كيف غموض ؟ بشخصيته يعني ولا بالمعلومات ؟
طيب قولي لاهلج اسالوه عن وعن عن عن " اللي ببالج " ، وقولي لاخوانج او ابوج يسأل عنه
وبخصوص النظره الشرعيه من اسمها واضح " شرعيه " يعني ها حق
محد يقدر يلغيه لا عادات ولا تقاليد ولا اهل حتى ، اذا وايد مصره عالشوفه قولي مابقبل الا لما بشوفه وها حق بالشرع الله ورسوله محلله ، هل بتكون العادات والتقاليد فوق شرع الله ؟
ترا اعرف وحده بعد عندهم ماشي شوفه وبعد الملجه بيوم اكتشفت ان اهلها مخبين عنها عمر الريال الحقيقي ، طلع ريال كبير
انا ماحاول احط فيج الشكوك ، لكن الشوفه تغنيج عن وايد مشاكل ، وبيكون لها تاثير كبير بقرارج ..
ربي يوفقج اختي ويسعدج

[Yazi.90]

عن نفسي بعدني ، بس كيف غموض ؟ بشخصيته يعني ولا بالمعلومات ؟
طيب قولي لاهلج اسالوه عن وعن عن عن " اللي ببالج " ، وقولي لاخوانج او ابوج يسأل عنه
وبخصوص النظره الشرعيه من اسمها واضح " شرعيه " يعني ها حق
محد يقدر يلغيه لا عادات ولا تقاليد ولا اهل حتى ، اذا وايد مصره عالشوفه قولي مابقبل الا لما بشوفه وها حق بالشرع الله ورسوله محلله ، هل بتكون العادات والتقاليد فوق شرع الله ؟
ترا اعرف وحده بعد عندهم ماشي شوفه وبعد الملجه بيوم اكتشفت ان اهلها مخبين عنها عمر الريال الحقيقي ، طلع ريال كبير
انا ماحاول احط فيج الشكوك ، لكن الشوفه تغنيج عن وايد مشاكل ، وبيكون لها تاثير كبير بقرارج ..
ربي يوفقج اختي ويسعدج

رد كافي ووافي ما شاءالله ،،

بالنسبه لسؤالج هيه الحمدلله خذت ريلي عن قناعه تامه
بس حبيبتي حاولي تكون في نظره شرعيه قبل الزواج ،،
يمكن سر هالغموض كله لانج ماشفتيه وقعدتي معاه !

[سحر الغموض]

بيئتي متخلفه للاسف ..ما اعرف حد سوا نظرة شرعيه كلهم يشوفون بعض عقب كتب الكتاب >< وهيه الغموض فالريال نفسه ،،لانه اهلي يوم سالتهم تموا يخبروني عن عائلته واخوانه وامه (شي يحير والله ) بس انا الحمدلله مطلعة وواااايد قرييت وشفت مقاطع فيديو للشيوخ ودكاترة النفس واعرف النظرة الشرعية مهمة بس شوية اهلي احبطوني


يارب اقدر اكسر القاعدة ويوافقون اني اشوفه.

[دلوعه حمودي]

لازم النظره الشرعيه قولي لهم مابتزوج قبل مااشوفه انا تزوجت انا ماشوفت الريال وطلع مريض نفسي اصري علي مواقفج

[جدران ملتهبة]

لازم النظره الشرعيه قولي لهم مابتزوج قبل مااشوفه انا تزوجت انا ماشوفت الريال وطلع مريض نفسي اصري علي مواقفج

حتى لو شفتيه وقت النظرة ما بتعرفين انه مريض نفسي في 5 دقائق الا اذا كنت مختصه في علم النفس

[Ward-uae]

انزين شوفيه من الدريشة او من بعيد لبعيد
نحن عندنا عادي النظرة الشرعية لكن من المستحى ما قدرت ارفع عيني وعن القناعة وكلت امري لرب العالمين اذا ريال زين الله بيسره لي وبيوفقني معاه والحمدالله صار كل شي بسرعه بسرعه وعلى العشرة تقوى العلاقة

[Cobon]

انا عن نفسي
النظرة الشرعية يمكن كررتها 5 مرات ... مصختها وايد
و بعد جي كنت مترددة

اكيد اي بنت لازم تتردد !!!
شخص ما تعرفه ابدا
ما تعرف كيف حياتها وياه
الا لو كانت حليلها مستانسة و ميته ع الزواج و توافق و هي مغمضة


انتي جوفي شو الايجابيات الظاهرية اللي فيه
في فرق مو مقتنعة فيه بتاتاً او مترددة و خايفة من الزواج و تبعاته
و اطلبي نظرة شرعية من حد يحن عليج مثل امج قولي امي انا مترددة و ابغي اجوف الريال عشان اقتنع

[ام الغزلان]

بالنسبه لي ماكنت مقتنعه بريلي وكانت في نظره شرعيه بس ماشفته عدل كنت مستحيه وملجنا وانا احس اني مب مقتنعه او متخوفه بس الكل يمدحه من صلاه لاخلاق لبر والدين وعقب في فتره الملجه تعرفت عليه اكثر وارتحت وراحت كل المخاوف لله الحمد الله يكتب لج الخير

[Miss PiXy]

كيف ماشي نظره شرعيه بعد معقوله عندنا هالعادات فالامارات؟

[yummy mommy]

النظرة من حقج ومن حق الريال ..

الله يعينكم

[امراه]

خذت ريلي عن قناعه تامه ورغبه تامه الحمدلله بس زين شوفيه من بعيد او شوفي له صور مب لازم تكبر السالفة واتششكين وايد واتضيعين يمكن تكون فرصتج ولد الحلال ماينعاب ربي يوفقج

[sa7el]

لازم نظرة
حاولي تقنعين اهلج او امج وهي ان شاء الله بتقوم بالباجي

ها ريلج اللي بتجابلينه طووول حياتج باذن الله
لازم تشوفينه يمكن من شكله تشوفينه ابد ما عيبج
قصير مكرش فالتوه يعري اقرع اشلق ما تعيرفين

يمكم شكله عادي او نسبة من الجمال المهم دتم ما عندج شروط بالشكل يعني ما بتحتارين وايد
بس عالاقل شكل تعرفينه انج عقب بتحبينه وبتجابلينه

وهو له بالمثل،،،

الله يوفقج

[مريم الفهد]

حياتي النظرة الشرعية وايد مهمة بس ماراح تكشفلج حقيقة الريال هي بس بساعدج تشوفين شكلة وتختبرين مشاعرج اذا اتقبلتية او لا
وابغي اقولج ترة كل البنات الي اتزوجوا من غير سابق معرفة مروا بنفس الوضع الي انتي تمرين فية تردد خوف تسائلات كيف الحياة بتكون الف سوال والاجوبة مب موجودة

اهلج قالوا زين ومافي اهل بيرمون بنتهم لحد اخلاقة مو زينة ثقي فيهم والريال مب بشكلة الريال باخلاقه مع انة هذي حقج الشرعي حاولي معاهم واذا رفضوا طلبي صورة او فيديوا تشوفين شكلة فية

[Yazi.90]

- أنَّ المغيرةَ بنَ شُعبةَ خطَب امرأةً فقال له النَّبيُّ صلَّى اللهُ عليه وسلَّم: ( اذهَبْ فانظُرْإليها فإنَّه أجدَرُ أنْ يُؤدَمَ بينَكما )
الراوي: أنس بن مالك المحدث: ابن حبان - المصدر:صحيح ابن حبان - الصفحة أو الرقم: 4043
خلاصة حكم المحدث: أخرجه في صحيحه