تعقيب ع موضوعي ( اكرهههههه ابا اذبحه )

[أم حمد..]

السلام عليكم


حبيت افتح موضوع يديد وارد عالخوات واوضح الي اغلبيتهم مافهموه بدال ما اكتب ورى


خواتي يؤم قلت يضارب ما اقصد يضربني او يمد ايده علي لا طبعا ماتوصل ف ريلي انه يضربني او يمد ايده
انا اقصد ب يضارب انه كله معصب وكله يعلي صوته وكله مب عايبنه وكله يسؤي مشاكل
هذا كان قصدي

ثاني شي صدقؤني خواتي مافيع اي شي مبهم او مب واضح مثل ما انتوا اتقولون
او الاخت مثل ماذكرت انه الحرمه بتحب ريلها بكل عيوبه وانا كرهته لانه فيه سبب مش مذكور

لا خواتي ابدل مافيه شي مش مذكور القصد هو اني كرهته من تصرفاتع وافعاله وياي واسلوبه الهمجي

اذا انتي بتنشين يؤميا ع ضرابه ( اقصد باسلوب منفر ومشكلجي ) اهني صدق بتكرهيت الساعه الي فكرتي فيها تعرسين
والمشكله ع اتفه الاسباب
اذل انتي كل يؤن عايشه فجو مافيه الفه ولا احترام ولا هدوء ولا راحه ولا سكينه صدقيني بتكرهين ريلج والي خلفوه لانه مب عاطنح ابسط حقوقج من الراحه وطمأنينة النفس

ريلي مشكلته ؤايد عصبي ووايد يعق كلام مايثمنه وعقب يندم بس عقب شو عقب مايسببلي جروح فقلبي

ومشكلته ماعنده اسلوب فالنقاش واساسا باب النقاش عنده مسكر
يسؤي مشكله حتئ لو مافيه مشكله !

صبرت عليه وايد وتخملته وهو يدري ويقولي احبج وادري محد متحملني كثرج لاحظوا انه عارف نفسه ومع هذا صبرت وتحملت لكن خلاص احس ماعندي القدره الي تخليني اتحمله اكثر من جي

غير انه اعصابي تلفت منه وعكثر ماتتحملين وتكتمين خلاص تنفجرين وماتتحملين ازيد
اتم اعصابج مشدوده وفتوتر


ويقولي ابا ياهل من فتره قلتله اي ياهل هذا الي بتربيه مستحيل ايبلك ياهل وانته بهالطريقه تباني اتخبل ويطلع الياهل مثلك ؤطول مانا حامل اكوت متوتره ومضغوطه ومعصبه ومقهوره
الحامل لازم نفسيتها تكون زينه
وعصب عليه واتتي وانتي وانتي وسالفه وقصه لين طلع من البيت
تصدقؤن استويت احس بالراحه يؤم يطلغ لانه خلاص اتم عايشه فهدوء وامارس الي ابغيه ع راحتي بعيد عن مشاكله وضرايبه واسلوبه الهمجي وازعاجه ؤنفسيتي ترتاح

ومن يرد يبدا عاد لدرجة انه انا ما ابالغ لو اقول عادي نكون يؤم زينين و 10 لاء

اناصارحته بموضوع الطلاق وعصب عليه جنه ثور هايج ووييهه احمر وقالي تخسين اطلقج لو ع قص رقبتي وكلام ماله اول وتالي !
لكن افكز فنفسي اني اخلعه لاني صدق مب قادره اتقبل همجيته واسلوبه مستحيل لانه الزواج استقرار مب ضغط وعصبيه وهمجيه

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[يا معرفني]

الله يفرج عنج اختي بقولج شي سويه وله مفعول عن تجرية صدقيني بتحسين بالهدوووووء والانفعالات والمشاكل تقل !! اقري كل يوم سورة البقرة مو شرط كاملة بس اقلها خلصيها ب3 ايام . سحرها قوي جربي وبتدعين لي.

[مالتيزرس]

عليج بها الدعاء تمي ادعي ليل ونهار .عسى الله يهديه ويصلحه :
http://forum.uaewomen.net/showthread...AC%D9%87%D8%A7

وخلج ع يقين انه ماشي بعيد ع رب العباد توكلي وخله ثقتج بربج قوية ..
وتمي استغفري واقري البقرة ..

[ام نهيان ع]

السلام عليكم ورحمة الله وبركاته ...


حبيبتي الله يعينج و يسعدج ف الدنيا و الاخره بقولج دعاء قوليه يوم تشوفيه او يكون عندج و شوفي كيف حياتج بتتغير بأذن الله

دايما قولي " اللهم ألجم فاه بكلمة لا إله إلا الله و أسكن غضبه ب لا حول ولا قوة الا بالله العلي العظيم "
و رددي ** حسبي الله لا إله إلا هو عليه توكلت و هو رب العرش العظيم


م انصحججج بالخلع حبيبي و عقب تندمين

و ليش م تروحون العمره و ادعي هناك ان ربج يسخر لج ريلج و يسعدج وياه
لا تتسرعين كللل شي بيدين ربج و ربج كريم رحيم

[الطواشة]

اها .. قاللج ابي ياهل و انتي كيف رديتي عليه ..

لو غيرتي أسلوبج اشوية لو قلتي حبيبي من عيوني و الخ

لو قلتي ان شاء الله ..

..


اذا صبحتي في ويهة و عطيتيه عسل بيكون يومج كله عسل ..

اتمنى فهمتي كلامي . . حبيبتي وراء كل رجل عظييم امرأة
. .


الريال ما بيكون عصبي الا اذا عايش معاج ملل ف ملل ..

تعالي هذا ريلي يعصب و يرفس و يضرب ..
بس اذا صبحته ب عسل يصير يومي كله عسل ..

[ورقة ناعمة]

انتي شو تبين بالضبط افهمي نفسج قبل ,,,,

مافي شخص كامل ولا في زوج او رجل كامل يعني لو تطلقتي وبتعرسين الرجل الثاني شو راح يكون الرجل المسالم الطيب اللي يقولج سمعا وطاعة

او ساكت صامت مايتحرك انتي ترومين تخففين من عصبيته وتغيرين من أسلوبه حاولي حريم مغيرين ريايلهم متعاطين مخدرات وشربين خمر الله يعافينا يارب ومتحملين

وانتي ماعندج استطاعة تغيرينه حاولي مجرد محاولة الا اذا انتي حابه الانفصال لاسباب خاصة الله اعلم بنيتج ,,,

[Cobon]

جوفي لو عن العصبية
بتلقين كل الحريم مطلقات و خالعات رياييلهم بعد


لو رديتي عليه تزيد العصبية ؟؟
انتي اعتبرينه نونو بيبي يوم يعصب لا تردين عليه
اعتبريه مينون لا تردين عليه

و الحرمة عندها مكر الدنيا
يوم يعصب عليج قولي ان شاء الله او بوزي شوي ازعلي
قولي الله يسامحك بعيون كوريه ههههههههههههه تجوفين كيف عيونهم تتلألىء
ما تعرفون تمثلون
انا لازم اعطيكم كورس في التمثيل

بس لا تعليييييين صوتج و تراديينه انتي خسارة
بتخسرين صحتج و نفسيتج
ولا هو جي طبعه متعود عل العصبية ما تفرق معاه

[الوردة الجورية]

وعليكم السلام والرحمة


حبيبتي كل مرة تحسين ريلج بيعصب اقري آية الكرسي وتمي كرريها حتى لو في نفسج
وشغلي سورة البقرة في البيت يوميا ولو قريتيها بنفسج أكيد أفضل

وانا ماشفت ولا سمعت حد بعصبية زوجي توصل اعصابه وانا امشي معاه في السوق عادي يمد يديه يكفخ اي واحد يشك انه يطالعني ومرات في الشارع اذا عصب من سواقة حد خاصة الشاحنات يوقفهم و طراقات

ما اعتقد ان ريلج اعصابه وصلت مثل اعصاب زوجي

وبعد يعترف لي ماحد تحمله من زوجاته السابقات مثل ما انا تحملته

وبالنسبة لمد اليد من أول مرة و قفته عند حده لأني ارد بالمثل وبقوة فخلاص منتهي هذا الموضوع

وهو اكيد مابيعصب الا لأسباب ثارت اعصابه وحتى لو أشياء تااااااااافهة بس في شي " مثير " لأعصابه

انتي ادرى بالأشياء اللي تثير أعصاب زوجج

تقومين من النوم بعده؟؟!
ماتجهزين له ريوقه؟؟!
تصبحينه بويه مكشر "لأنج كارهاتنه"؟؟؟!
تعاملينه كأنج تعاملين أخوج مب ريلج؟؟!!

في مثيرات كثيييييييرة لأعصاب الرياييل

بس تأكدي ان أعصابه بتهدى مع مرور الوقت

طيعي زوجج له حقوق عليج وهذا مب "عدوج" هذا زوجج على سنة الله و رسوله

زوجج وااااايد يحبج فقدريه، زوجج واااااايد متمسك فيج فحافظي عليه
اعترف انج متحملة اعصابه، اعترافه بداية لإمكانية تغيير اسلوبه معاج

كوني له "عروس" في زينتها
كوني له "عشيقة" في الفراش
كوني له "خادمة" في بيته
كوني له "صديقة" اذا تكلم

كل ماتعصبين على زوجج او تعاندينه تذكري العوانس اللي ماحصلن ريل
وتذكري المطلقات اللي جربن الحياة الزوجية وعقب عاشن الحرمان العاطفي
وتذكري الأرامل اللي يتحسّرن على كل لحظة غلطن فيها في حق أزواجهن

انتي في نعمة غيرج مب محصلنها.. لاتتبطرين على الريال اللي يحبج ومتمسك فيج ومقدر صبرج على اعصابه


لو كان نصيبج واحد سكير ولا صاحب شقق وطلعات سافلة شو بيكون وضعج؟؟!!!
او واحد فيه كل المواصفات الزينة بس عااااااادي عنده يطلقج بكل سهولة!!! ترى بعض الرياييل مايحب عوار الراس اللي ماتمشي على هواه وتصدع براسه على طول باي باي حتى لو عنده عيال منها

حافظي على اللي يحبج ومتمسك فيج

[future dreams]

ريلج يدوخ زقاير او مدواخ او شيشه ؟!

دامنه طلب ياهل معناته يباج ويبغي عيال منج معناته متمسك فيج ،،،

عصبيته لها اسباب نفسيه محتاج ريلج ياخذ بيده مثل دكتور نفسي مب شرط ياخذ دواء بس ع الاقل يسوي نصايح الدكتور ...

وانتي لج دور ....

تبغين تخلينه يتغير لازم اول شي تتقبلينه هو بكل صفاته بكل عصبيته ...

تقبلج انه هو عصبي يحل نص المشكله ...لانه يوم بتتقبلين انه هو جي عصبي بعدها تقدرين تدورين حل ...

لكن تقررين الانفصال ...يعني انتي ما ذكرتي اذا حاولتي وياه تغيرين اسلوبه وياج ....لازم لج دور ...

الا اذا انتي خلاص مقتنعه انه هو مستحيل يتغير وفي اسباب كبيره هذا الشي راجع لج ...

[Fa.R]

وعليكم السلام والرحمة


حبيبتي كل مرة تحسين ريلج بيعصب اقري آية الكرسي وتمي كرريها حتى لو في نفسج
وشغلي سورة البقرة في البيت يوميا ولو قريتيها بنفسج أكيد أفضل

وانا ماشفت ولا سمعت حد بعصبية زوجي توصل اعصابه وانا امشي معاه في السوق عادي يمد يديه يكفخ اي واحد يشك انه يطالعني ومرات في الشارع اذا عصب من سواقة حد خاصة الشاحنات يوقفهم و طراقات

ما اعتقد ان ريلج اعصابه وصلت مثل اعصاب زوجي

وبعد يعترف لي ماحد تحمله من زوجاته السابقات مثل ما انا تحملته

وبالنسبة لمد اليد من أول مرة و قفته عند حده لأني ارد بالمثل وبقوة فخلاص منتهي هذا الموضوع

وهو اكيد مابيعصب الا لأسباب ثارت اعصابه وحتى لو أشياء تااااااااافهة بس في شي " مثير " لأعصابه

انتي ادرى بالأشياء اللي تثير أعصاب زوجج

تقومين من النوم بعده؟؟!
ماتجهزين له ريوقه؟؟!
تصبحينه بويه مكشر "لأنج كارهاتنه"؟؟؟!
تعاملينه كأنج تعاملين أخوج مب ريلج؟؟!!

في مثيرات كثيييييييرة لأعصاب الرياييل

بس تأكدي ان أعصابه بتهدى مع مرور الوقت

طيعي زوجج له حقوق عليج وهذا مب "عدوج" هذا زوجج على سنة الله و رسوله

زوجج وااااايد يحبج فقدريه، زوجج واااااايد متمسك فيج فحافظي عليه
اعترف انج متحملة اعصابه، اعترافه بداية لإمكانية تغيير اسلوبه معاج

كوني له "عروس" في زينتها
كوني له "عشيقة" في الفراش
كوني له "خادمة" في بيته
كوني له "صديقة" اذا تكلم

كل ماتعصبين على زوجج او تعاندينه تذكري العوانس اللي ماحصلن ريل
وتذكري المطلقات اللي جربن الحياة الزوجية وعقب عاشن الحرمان العاطفي
وتذكري الأرامل اللي يتحسّرن على كل لحظة غلطن فيها في حق أزواجهن

انتي في نعمة غيرج مب محصلنها.. لاتتبطرين على الريال اللي يحبج ومتمسك فيج ومقدر صبرج على اعصابه


لو كان نصيبج واحد سكير ولا صاحب شقق وطلعات سافلة شو بيكون وضعج؟؟!!!
او واحد فيه كل المواصفات الزينة بس عااااااادي عنده يطلقج بكل سهولة!!! ترى بعض الرياييل مايحب عوار الراس اللي ماتمشي على هواه وتصدع براسه على طول باي باي حتى لو عنده عيال منها

حافظي على اللي يحبج ومتمسك فيج

- - - Updated - - -

جربي تخلين ريلج يلعب رياضة
يمكن نفسيته تتغير!

[احتاجك..]

الله يفرج عنج اختي بقولج شي سويه وله مفعول عن تجرية صدقيني بتحسين بالهدوووووء والانفعالات والمشاكل تقل !! اقري كل يوم سورة البقرة مو شرط كاملة بس اقلها خلصيها ب3 ايام . سحرها قوي جربي وبتدعين لي.

[um fay]

محد يلومج اختي على الكلام اللي كتبتيه..
لان الزواج راحة و استقرار و طمأنينة..

على العمووم .. الاخوات ما قصروااا.. ما شاء الله .. و ردود زي الفل..
جربي البرمجة العصبية اذا بيرضى يدش دورات.. فيه اشياء مناسبة لحالته..

[jumana]

محد بحس غير اللي مجربه وعايشه هالوضع اللي انتي فيه

عصبيه عن عصبيه تفرق ... بنات افهموا هي تقول دوم عصبي وعلى أتفه الأسباب ما قالت عصبي وتبا تطلق

في رياييل عصبيين بس عاد مب 24 ساعه وعلى أتفه الأسباب بعد إذا زاد الشي عن حده خلاص اتيي فتره الواحد ينهار ومايتحمل

حاولي تيلسين وياه على رواء يوم بكون هادي وتفاهمي وياه وقولي له هالشي مب عايبنج ولازم يتغير ...وان شاء الله يتفهم عاد

الله يهديه ويفرج همهم يارب

[الوردة الجورية]

محد بحس غير اللي مجربه وعايشه هالوضع اللي انتي فيه

عصبيه عن عصبيه تفرق ... بنات افهموا هي تقول دوم عصبي وعلى أتفه الأسباب ما قالت عصبي وتبا تطلق

في رياييل عصبيين بس عاد مب 24 ساعه وعلى أتفه الأسباب بعد إذا زاد الشي عن حده خلاص اتيي فتره الواحد ينهار ومايتحمل

حاولي تيلسين وياه على رواء يوم بكون هادي وتفاهمي وياه وقولي له هالشي مب عايبنج ولازم يتغير ...وان شاء الله يتفهم عاد

الله يهديه ويفرج همهم يارب

والله انا مجربة وحاسة هههههه
ذبابة لو تمر جدام ويهه فوّل هههههه

24 ساعة هيه 24 ساعة

بس الشطارة في دهان السير واللين في الكلام وهو الصح
بس اذا تعدى على حدّه بيظلم في الكلام او التصرف لا.. هني ستوب كوني حازمة و رسمية

والصريخ عمره مايثمر الا يزيد الهوّة بين الزوجين وحتى ينفر من الزوجة اللي تطلع من انوثتها بصريخها بعصبية

[um.khulood]

الله يهديج يااختي
فاهمه عليج وحاسه بلي تمرين فيه بس ني تخلعينه أو تطلبي الطلاق ..

اقري سورة البقرة وشغلي رقيه شرعيه ف البيت ..
لاتراددين يوم يعصب سكتي عنه .
والله الريال طفل كبير ..
سبحان مسخرة القلوب ومهدء النفوس.
ادعيه قومي قيام الليل .والله بيتغير بس مب فيوم وليله. يبالها ممارسه كل يوم والاستغفار معجزة وعن تجربه .

أول شي اخلصي النيه لرب العالمين

اقري وادعي بنية الفرج
صلي استخارة
وبس

وفكري عدل ترى الشيطان شاطر . لاتحسبي لو تطلقتي بترتاحين