الحمدلله رزقت بولد،، ولكن ،،،،،،،

[Amaaaal]

السلام.عليكم

بنات أنا توني مربى الحمد لله يبت ولد،،

في فترة نفاس يعني،، المهم ريلي وياي بيت اهلي يبان عندي بس ويهه أربع وعشرين ساعه في التلفون وإذا طلع ما رجع إلا الضحى ويوم اساله يقول ليش ناشبة حيرني وياه ما يحشم اهلي يدخل الضحى البيت وأنا اخوي لو تأخر لين 2 ابوي جلب الدنيا عليه،، المهم ناوية احط أجهزة تنصت في سيارته أبا اعرف ليش ما يرد على يوم اتصل وإذا يا البيت كله مجابل تليفونه،،،

أنا صراحة شاكة فيه،، شو تنصحوني اسوي???

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أهلي عزوتي]

حطي الرحمن في صدرج و لا تسوين شي

يمكن كل ما في الموضوع انه مب متعود ينام في بيت غير بيتهم

[التورمالين]

الله يهديكم و يحفظكم

[Yazi.90]

حبيبتي اول شي الحمدلله على سلامتج ،،
ثاني شي يبات عندج ليش ؟ لانج نفاس و عشان كلام البعض
ان الوحده ماتخلي ريلها بروحه هالفتره كلها عشان مايحلاله الجو
و يسوي شي غلط !
اذا عشان جي فأنا اقولج لو ريلج يبا الغلط بيسويه حتى لو كان حذالج
كاج انتي الحين تقولين عيونه 24 ساعه عالتلفون ؟ قدرتي تمنعين هالشي ؟!
يعني فبعدج ولا فقربج الريال لو حاط براسه شي بيسويه يعني بيسويه ولا يرده شي
بس انتي لاتخلين الشكوك تهدم حياتج وتنكد عليج عيشتج ،،
عادي انا ريلي جي يتم عالفون وايد بسبة لعبه خذت عقله و مدمن عليها وايد
المعنى عزيزتي مب كل وحده ريلها يتم وايد عالفون تشك وتظن فيه ظن السوء
الا اذا شافت و حست فإنتي ادرى بالوضع ،،

بس صدقيني والله فترة النفاس تحتاجين تكونين بروحج مع ولدج ،،
فترة النفاس فتره صعبه وحلوه بنفس الوقت صراحه
النفسيه تلعب فيج وايد فالاحسن ريلج خليه يكون بعيد ،،
يعني مثلا يمر عليج كل يومين او 3 مب مشكله يطمن عليج وعلى ولده
انا ضد ان الوحده تخلي ريلها عندها فالنفاس يالله اعابل روحي وولدي ،،
مب ناقصه اني اركز على تصرفات ريلي 24. ساعه و اشوف شو يسوي !

[أم سيف و سارة]

ركزي بصحتج و بالولد هذا اللي ينفعش

و طنشي و ﻻ تحرقي اعصابج

[أم حور26]

الله يكون في عونج

لا تعورين راسج وياه اهتمي في البيبي وفي صحتج

[Cobon]

غيره من الرياييل و يا كثرهم ما يباتون مع حريمهم في بيت اهاليهم !!
و اكبر خطأ ان الزوج يبات 40 يوم لحاله
لازم الزوجة تكون ذكية و فطينه في ها الامور


قولي الحمد الله ولا اتمين تحنين و تزنين عليه كل دقيقة دامه يبات معاج
يوم يكون وياج عطيه البيبي يشيله و يلعب وياه
و انتي اسبحي و تسمكري و حطي كريمات و تبخري و تعدلي
انا جي اسوي
يوم اصلي ولا اسبح اخلي النونو عنده و مرات اروح ساعه الصالون و ارد
ليش اتعبون امهاتكم 24 ساعه كفاية عليهم يتعبون عليكم في الصغر
خلوا رياييلكم يتعبون معاكم شوي بطرق حلوة

بس عدلي اسلوبج و خلج لبقة جدا معاه

[عسولة قلب نفسي]

يوم اختي كانت نفاس امي رفضت تستقبلها بالبيت قاللتلها خلي زوجك يخدمك في البيبي ويساعدك..وفعلا ساعدها بالبيبي واعتمد على حاله وعلى زوجته لانه عارف مايقدر يجيب خدامه فاضطر يساعدها والان يحب عياله موووت وممكن يغير حفاظاتهم ماعنده مانع ..ولما كنت انا نفاس كنت عند امي تهتم فيني لكن زوجي كان ينام طول النهار ويسهر طووول الليل ..لكن لاتنسي انه مثل ماانتي حالتك النفسيه صعبه بدي الايام هو كمان تعبان نفسيا بفترتك ..حافظي على بيتك ومثل ماقالت الاخت حمليه المسؤليه وروحي اتغسلي واتبخري..لاتتجسسي ولا شيء..استودعيه الله وحاولي تتفرجي معاه افلام واشغليه

[ورقة ناعمة]

يوم تتنصتين بعدين شو بتسفيدين بتكتشفين مخابرات كونن ,,,بتربينه يعني ولا بتعدلين من أسلوبه او بيتغير

فكري بصحتج توج مربية ومتفيجة للمخابرات والتنصت ركزي بالبيبي اللي عندج وفكري بصحتج ترى محد بينفعج لاتلفون ريلج ولا حتى اقرب شخص عندج

[jumana]

الحمدلله عالسلامه ويتربى في عزكم


اوكي لو تنصتي ووو شو بتسوين ؟؟؟ وبعدين ؟؟

استغفر الله من كثر البرامج اللي كل يوم تنزل تخلي الواحد يلتهي وينسى اللي حوالينه ..حبيبتي الحين الاغلبيه مب بس ريلج كله بزي فالفون و 24 ساعه مجابلينه ... خلج ايجابيه يمكن منزل ألعاب أو أشياء ثانيه

[أم المزيونه33]

كلام البنات كله صح لو تنصتي شو بتستفيدين بتتعبين نفسيا
حاولي تقولين له الكلام بطريقه عير مباشره مثلا ربيعتي طايحه في مشكله وشاورتني وانا ابغي اشاورك بما انك ريال والسالفه تخص الرياييل وانتو ادرئ ببعض ربيعتي شاكه ان ريلها يغازل لان طول الوقت لاهي عنها وماسك تليفونه تقول بتحط له اجهزه تنصت وشوفي شو بيقولج بعدين خلي دايما علاقتج برب العالمين قويه محد يقدر يغير الانسان غير ربج اللي خالقنه ادعي له الله يحفظه وما يشوف غيرج

[بنت النور2009]

سبحان الله وبحمده ... سبحان الله العظيم

[Ward-uae]

نحن عندنا عيب الريال يبات بيت اهل حرمته حتى لو عندهم ملحق ييلس في الميلس كم ساعه ويروح او يشل حرمته لبيته لكن يقعد عندهم يدخل ويطلع عكيفه كيف جيه اكيد عندج خوات واذا بنات عمج او احد من بنات العيلة يلعبون في الحوي وهو داخل جيه بعدي ما استوعبت السالفة
تبينه يشل عينه من التلفون خليه مسؤول عنج وعن الياهل يساعدج بالياهل تسكنون مع بعض ويتحمل مصروف البيت والأغراض وشغل البيت ويشوف السهر تتعاونون
اما عن انه عنده احد ما من شي من الفضاوة يعني انتي ما عندج شغله غير تراقبيه تبين تعرفين منو اسأليه ؟ او سولفي وياه توج مربية ولج بارض للمراقبه اخذي ولدج وانشغلي بنفسج والصغيرون اذا هو راعي سوالف يمكن اما انه بس شك اقولج استريحي

[Cobon]

نحن عندنا عيب الريال يبات بيت اهل حرمته حتى لو عندهم ملحق ييلس في الميلس كم ساعه ويروح او يشل حرمته لبيته لكن يقعد عندهم يدخل ويطلع عكيفه كيف جيه اكيد عندج خوات واذا بنات عمج او احد من بنات العيلة يلعبون في الحوي وهو داخل جيه بعدي ما استوعبت السالفة
تبينه يشل عينه من التلفون خليه مسؤول عنج وعن الياهل يساعدج بالياهل تسكنون مع بعض ويتحمل مصروف البيت والأغراض وشغل البيت ويشوف السهر تتعاونون
اما عن انه عنده احد ما من شي من الفضاوة يعني انتي ما عندج شغله غير تراقبيه تبين تعرفين منو اسأليه ؟ او سولفي وياه توج مربية ولج بارض للمراقبه اخذي ولدج وانشغلي بنفسج والصغيرون اذا هو راعي سوالف يمكن اما انه بس شك اقولج استريحي

الحرمة عندها مشكلة
و كل وحدة تقول عيب يبات !!!
منو قال عيب او حرام
عندكم نص قراني ولا حديث شريف
اغلبية البنات عندهم غرفة خاصة او ملحق و كل بيت له مدخلين ثلاث
40 يوم نفاس شو يسوي الريال يلس روحه !!!
انا لو مكانه جان اقل شي تزوجت و غازلت و خلصت و مفتك من الحشرة يعني يالس بين الطوف 40 يوم ؟؟

انصحوا الحرمة بدل ما كل وحدة تقول عيب و حرام بتخربون بيتها
يلس معاها في بيت اهلها بيعرف كيف هي تتعب و بيحن عليها ان شاء الله

[Ward-uae]

الحرمة عندها مشكلة
و كل وحدة تقول عيب يبات !!!
منو قال عيب او حرام
عندكم نص قراني ولا حديث شريف
اغلبية البنات عندهم غرفة خاصة او ملحق و كل بيت له مدخلين ثلاث
40 يوم نفاس شو يسوي الريال يلس روحه !!!
انا لو مكانه جان اقل شي تزوجت و غازلت و خلصت و مفتك من الحشرة يعني يالس بين الطوف 40 يوم ؟؟

انصحوا الحرمة بدل ما كل وحدة تقول عيب و حرام بتخربون بيتها
يلس معاها في بيت اهلها بيعرف كيف هي تتعب و بيحن عليها ان شاء الله

تبين نص قرآني ؟
القوامة تكون للريال مب للحرمه 
كيف ياكل ويشرب ؟ اذا الريال فقير يمكن او زوجته الوحيده ويبالها تكون مع اهلها بعد منعذره لكن حرمته نفاس وعندها بيت وريلها مقتدر يسكن عند اهلها ليش حتى تترس عينه كيف وهي مجابلة اهلها والحريم 
ما علينا كتبت انه ابوها ينازع اخوها على التأخير وشو عن ريلها ؟
اذا سرت بيت عمتي يعرفوني على الناس بحرمة فلان لكن الريال اللي قاعد ببيت اهل حرمته ينادونه بشو ريل فلانه ؟
شرات الزوجه لما تسكن ببيت اهل ريلها وعمتها تحط لها جدول تمشي عليه وبعد تضايق فما بالج بزوج ساكن ببيت اهل زوجته واذا بنتهم غلطت او عصب عليها كيف بيناقشها كل شوي بتعايره سكنتك واهلي يصرفون عليك بتقعد تتمنن عليه صح مب كل الحريم جيه لكن في وقت العصبية بتقول اي شي فليش الوحده تصب عينها سكني مع ريلج في شقة في حجرة في بيت اهله ما تبين استقلي وتعتمد على نفسها ويتحملون مسؤولية عيالهم
انا وحدة ما احب اسير بيت اهلي الا اذا ريلي مسافر لكن مربية ارتاح في بيتي عيالي عندهم ألعابهم وما فيني على شل وحط الاغراض والملابس
نحن عندنا عيب ما عنده فلوس للإيجار يسكن مع اهله