شو الحل مع الكرش ...

[الغنوج993]

جسمي اوكك مناسب لكن كرشتي مشكله ماقدر البس ضيق بسببها
مره لبست ضيق ولبست ضاغط تحته وغطى جزء كبير منها بس مازال باقي وكلهن يقولن لي خوزي الكرشه بتطلعي بيرفكت
كم مره دورت بالنت ع وصفات احيانا استمر لاسبوع ومافي نتيجه واتكاسل وبعضها صعب
ناقصتني العزيمه بس الي ناقصني اكثر هي طريقه فعاله عشان اخوزه
ف الي جربت خلطه او رجيم تسوي فيني خير وتخبرني والله يجزيكم خير.

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام طحنوون]

الريااااضة الرياضة الرياضة تشد عضلات البطن المترهلة .. ابتعدى عن المعجنات والخبز وخففي المشروبات الغازية لانه تزيد الكرش
والنتيجة يبالها مواظبة واستمرار عالاقل شهرين عشان تشوفين الفررق

[أم محمد1988]

أنا بعد أدور طريقة تخور الكرشه .. داومت ع رياضة البطن بس ما حسّيت بتغيير

كرش الحمل والله صعب يروح .. خصوصا اذا حملتي ب كمن طفل وطبعا تزيد الكرشه مع عدد الأطفال اللي تييبينهم ..

أجسامنا حلوووه ولله الحمد بس الكرشه هي اللي مخربه ..

[المغتربة]

يعتمد ع نوعية الكرش

لو كرش ولادة و يبتي كذا طفل ورى بعض ترى ابدا ماله حل ,, يبغي له شد بطن و عندي كذا زميلة سوو و ارتاحوا و صار بيرفكت

اما كرش عادي او انتي مو متزوجة و ما حملتي ان شاء الله بيروح لو كان دهون مش جلد بالرياضة و تخفيف الدهون و تسجلين في نادي

[الوردة الجورية]

يعتمد ع نوعية الكرش

لو كرش ولادة و يبتي كذا طفل ورى بعض ترى ابدا ماله حل ,, يبغي له شد بطن و عندي كذا زميلة سوو و ارتاحوا و صار بيرفكت

اما كرش عادي او انتي مو متزوجة و ما حملتي ان شاء الله بيروح لو كان دهون مش جلد بالرياضة و تخفيف الدهون و تسجلين في نادي

كثير اعرفهن ماشاء الله خصورهن احسن من البنات
بس الصراحة يهتمن بالرياضة يعني الوحدة تطلع من الاربعين على الجيم ولبس المشد اول شهرين بعد الولادة


انا جسمي كامل حلو الا الكرش بس انا عندي مشكلة التكيسات ولخبطة الهرمونات وهي تسبب هذي المشكلة

[اشراقة أمل]

مممم انا عندي مشكله التكيس مشويه لي مشكله الكرش ومطلوب انزل وزني والعب رياضه للحين ماسويت شي بس وزني متذبذب

مره اخسر 2 كيلو مره اربع مره خمسه .. مره ارد واكسب سبعه .. ماتعرفين الوضع بس نصيحت الأخت بخصص الخبز

والمشروبات العاديه ... قللي منها .. على الأقل .. بتحسي بفرق بعدين اقطعي ... والعشا لا تتعشي او تعشي بدري

وكلي زبادي .. والرياضه بس مااعرف بشو نوع رياضه انصح بس المشي مهم سواء على الاله او الهواء الطلق

يمكن يوم الحر يخف ابدا امشي والعب رياضه بس الرجيم أحاول اخفف

وبخصوص الخصر بشكل عام صحي انه يكون نحيف سواء لمراه او رجل

وفي بنات من هن صغيرات عندهن كروش رغم الضعف .. وفي بدينات

ونفس الشي المتزوجات في نحيفات بالاصل وفي محافظات وفي بدينات

فمافي مجال مقارنات كل واحد ووضعه ...

[غزالة AD]

المشي هو اللي يخوز الكرش. يسحت البطن سحات.
غلط فيج كرش وتسوين رياضة بطن.
اهم شي المشي. يخوز البطن والخواصر.

[Jawharah]

أختي ماشي أفضل من تمارين شد البطن والمساج
أنا سحت بطني الحمدلله خلال أسبوعين شفت نتيجة سويت حمية + تمارين خاصة بالبطن

[مون 55]

من جربت المشدات الكولمبي والحراري لاخفاء الكرش ؟؟؟؟؟؟؟

[Ro0o07y.ss]

وربي هذي الكرش هم
اللي نحفت في اسبوعين اذا ممكن وش التمارين
انا امشي يوميا بس ماراحت والله

[mina120]

لو بدك حل أنا بإنصحك إنك تجرب احسن رجيم الكرش وسترى الفرق.

[super lady]

اللي بتبلش هجوم على كرشها .. أنصحها اول شي تكثر من الماااي
أول خمس ايام بس مشي مال نص ساعه يكون هرولة مب ركض و لا بطيء

عقب تبدا الجد : تمشين نص ساعه ويليت يكون hit يعني دقيقتين ركض دقيقتين او أربع مشي على سرعة اربعه او خمسه

عقب تبدا تمارين شد البطن

How to Get A Flat Stomach After Pregnancy

lower tummy exercises

شوفي من هالتمارين عاليوتيوب .. وغيري فالتمارين كل فتره .. مب نفس التمارين يوميا ودخلي تمارين البلانك والريفيرس بوش اب


اخر شي سوي تمارين تمدد ( stretching )

اشربي ماي دافي دايما .. وبعد نص ساعه ممكن تاخذين اكل خفيف ويفضل بروتين

الزبده .. اذا ماعندج اراده حقيقيه .. كل الكلام اللي فوق زيرو

ولدت 3 مرات بعمليات .. واللي يشوفني ما يصدق كثر ان بطني ممسوحه لا ضوامر ولا زغاريد وجسمي رياضي

بنات اكسروا القاعدة اتمنى تنلغي فكرة هذا جسم متزوجو وهذا جسم بنت .. المفروض المتزوجة جسمها بيرفكت

سوري عالاطالة بس حبيت افيدكم بتجربتي

[ام_فيصل77]

راسليني بعطيج رقم تاجره عنا بالمنتدي تسوي خلطات رووووعه للجسم والكرش والبشره والشعر وعن تجربة شخصية