اللي عندها ياهل عنيد !!!!!!!!!!! عنييييييييييييييييد تدشششششششش بستخف

[% الكاذي %]

سمعت اخصائي سلوك اطفال يقول ان كلمة عنيد ما تنتطبق على الاطفال في مرحلتهم العمريه

ولدي عمره سنتين وفيه من حركات ولدج
وحاولت افهم ليش هالسلوك
واللي حصلته ان الطفل ما يتصرف بهالشي الا بسبب توتر نتيجة عن شعوره بعدم الراحه مثل الجوع او التعب او الخوف لكن لما يكون بسبب دلع وانتي تعرفين ان ما فيه شي طنشيه ولو صارخ امشي عنه لا تصارخي عليه ولا تطالعينه هو بروحه بيتعب وبيسكت

ونفس ما قالو الخوات احضنيييه وبوسيه

واهم شي امدحيه على اي شي يسويه قدامه او قدام ابوه واخوانه

وانتبهي تقولين له انته عنيد ، انته ما تفهم ابعدي عن هالكلام

واذا تبينه يسمع كلامج لازم تشرحين له ليش
قولي له لا تلمس الماي الحار بتحرق ايدك وبتعورك

لا تشخبط ع اليدار عقب بيتنا ما بيكون حلو

لا تركض في الشارع عشان ما اتعورك السياره وانا اخاف عليك

وغير هذا حاولي تشتتين انتباهه وقت ما يعاندج
لا تضربينه لان بتزيدين ع النار حطب وعقب صعب تتحكمين في نوبة غضبه

وعلى سالفة الحمام لازم تقرين من مواقع تخص الطفل كيف تتصرفين فيه اطفال ينفع معاهم المدح وفيه اطفال ينفع معاهم الهدايا وفي اطفال لما يشوفون حد بعمره ما يلبس البامبرز يتشجع وفيه اطفال يقزون لو خليته يسويها ع نفسه ومن نفسه يتعلم

ترى الاطفال ما يشابهون والمسأله يبا لها صبر ومتابعه وتجربين كذا طريقه

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد