اللي عندها ياهل عنيد !!!!!!!!!!! عنييييييييييييييييد تدشششششششش بستخف

[لحنْ #]

نحن عندنا معتقد ، ان الطفل اللي يصيح وايد .. يكون اسمه ثقيل
مادري مده صحه هالكلام او علاقته بهالشي ، بس حريم زمان يوم يشوفون بيبي وايد يبكي يغيرون اسمه
2 ، اسمحيلي بس الزمن تغير ، والتربيه تطورت
لا تحسبين ان طفلج الحين مب فاهمج او مب عارف شو تبين ، بالعكس .. بدليل ان يعاندج
والطفل ترا ماينسى .. يعني عادي يكرهج بعد سواتج هاي
واسمحيلي انا لو شفت ام قدامي تسوي جي بأبنها هيه بقول هاي ام بلا قلب وماتستاهل ان تكون ام
اختي غيرج يدورون طفل واحد ، انا ادري قصدج ان لصياح ، لكن شي وايد طريق تقدرين تغيرين طفلج بدون ماتعرضينه ل كوي او عذاب
واصلا اشك ان مسموح ، انتي انكويتي ها بارادتج وفيج تتحملين
لكن طفل مب هو اللي اختار ، ولا يقدر يتحمل شراتج
عن نفسي مانكويت الحمدلله ، ولا هان ع اهلي يضروني بشي .. ف ماقدر افيدج بهالشي
انا اتكلم من مبدأ ان طفل وحرام تكوينه ، بتتحاسبين عليه

مثل ماقالت اخت هنايف حاولي تحسسينه بحنانج ، اقولج
اهتمي فيه اكثر شي .. اختي يمكن يشوف اهتمامج باخوانه اكثر ف يغار ! شي وايد طبيعي ها
حاولي تهتمين فيه الاكثر وتحضنيه دايما ، ووقت الجد خليج جاده مثل ماخبرتج ب ردي السابق
غيري تربيتج معاه ، اشتري له العاب بحيث يضع وقته فيها .. انا ضد الحضانات لكن بحاله ابنج ها اقولج سجليه ب حضانه
حاولي تطلعيهن من فتره لفتره ل مكان العاب .. شغلي افلام كرتون شرات توم وجيري ، افتحي مواقع العاب فلاش مال الاطفال من اللاب وخليه يقعد يلعب
مب وايد لان مضر بالعين بالذات ل طفل ، بس يوم يصيح وايد او يعاند وجي ..
الله يوفقج اختي ، واسمحيلي لو كلامي فالاول قاسي لكن والله لان ابا مصلحتج ومب هاين علي ولدج ^^ والاكيد انتي امه واحن قلبج عليه مني
موفقه عزيزتي وربي يكتب لج الخير ويسخر لج ولدج