مشكلة تحير

[ريم العسووله]

اختي كيف يعني يدبر فلوس من تحت الأرض؟ يسرق مثلا!!!
وبعدين هي مواطنة يعني لازم عرس ومصاريف هي مب مغربية بيتزوجها اثنين شهود ومحكمة وخلاص ! لا يبالها عرس وقاعة و مهر وذهب وحالة ه

لا ما يسرق أختي ، انا كتبت لج هاي وجهه نظري و الي أشوفه و مب شرط ينطبق على جميع الرياييل ، الريال اذا بغى بنت بيسوي أي شيء بيستلف من ربعه أو حد من أهله أو أو أو الريال قادر يدبر نفسه بأي طريقة هو في النهاية ريال ، بإختصار شديد لا تعطون الريال أعذار وايد ، لأن الريال بطبعه لو عذرتوه وايد تلقونه يتمادى و يزودها و هاي طبع معظم الرياييل و هالكلام في مصلحة قريبتج لازم تحط في بالها كل الاحتمالات ما نبيها عقب تتحسر و تندم ... انتي طرحتي المشكلة و انا عطيتج راي و مب شرط كلامي صحيح و في النهاية كلنا نتمنى لها التوفيق و السعادة و الاستقرار ...

و الشيء الثاني ، مب شرط اماراتية لازم يتسوى لها عرس ياما اماراتيات تزوجوا بدون اعراس و ياما تزوجوا بمهور قليلة و ياما تزوجن أجانب و ياما و ياما و كل واحد و ظروفه ، و حتى المغربيات في منهم وايد بنات ناس تزوجوا في قاعات و سوا اعراس و خذوا مهور و ذهب ... عجيب أمرج أختي الغالية ...

و العرس و القاعة و الذهب و المهر ما لها علاقة بجنسية البنت و لا يحددون قيمة البنت في بنات سووا افخم الاعراس و هم ما يسوون ظفر ريلج و في بنات مهورهم درهم و هم يوزنون ذهب ... و الي تحب شخص ما بتهتم في القيل و القال و بتاخذه على ما هو عليه ... موفقين ان شاء الله ...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ملاآك قلبكـ،،]

اختي كيف يعني يدبر فلوس من تحت الأرض؟ يسرق مثلا!!!
وبعدين هي مواطنة يعني لازم عرس ومصاريف هي مب مغربية بيتزوجها اثنين شهود ومحكمة وخلاص ! لا يبالها عرس وقاعة و مهر وذهب وحالة ه

انا اشك انج انتي راعية السالفه
دفاعج عن الريال غريب
المهم نرجع للموضوع
عادي وايد مواطنات تزوجو عن حب
بس مب معناته رياييلهم خذو منهم بيزات
كل واحد يسوي عرس على قده

شو رايج لو اقولج بنت شيخ اماراتي خذت شيخ قطري
وعرسهم فخيمه فالبيت بس للامانه الكوشه كانت فخخخخمه
يعني عادي توفر فلوس القاعه وتحط خيمه
وتصرف عالكوشه
فبيطلع العرس فخم وهي مو صارفه نص تكلفة القاعه او الفندق
وبعدين الكل ياخذ مهر وهذا حق شرعي
مب لازم مهر عود

20 الف مثل ماقال ابونا زايد الله يرحمه
بس شكلها هي عاقه عمرها عالريال
ولا تحبه ولا شي بس تبا تتزوج
وسوت قصة الحب هذي عشان تتزوج

اذا هو يحبها اقل شي يملجون
وماحيد الملجه يبالها مصاريف
واذا ماوافق توافق عالثاني وتتيسر

[عسولة قلب نفسي]

انا براي تسال عن الثاني ..لانه الاول عادي تصير 30 ولما تتحسن ظروفه يتعذر ويتركها ..ماحد يعلم الغيب وماننسى انه الحرمه فرصها بالحمل تقل لو وصلت ال 30 ..مشكلة البنات لو راح عريس ماتقدر تجيب واحد غيره

[رومنسية 84]

ابدا مايخصه الحب فالموضوع ،،
اوكي يعني تحبه ماقلنا شي بس لين متى تترياه
فالنهايه هي بنيه وهو ريال هي لها سن معين وتصير عانس
بس الريال ف اي وقت يتزوج حتى لو كان كبير ،،
الوحده تفكر بعقلها والمنطق احسن من قلبها
اعتقد الحب هذا بينهم والاهل مايدرون عنه شي صح ؟
لان مستحيل ايي واحد يخطب ويعرف ان البنت محجوزه حق واحد ثاني

[امراه]

تتريا الله كريم ويفرج حال خطيبها شو لين متى بتتريا الأيام تركض ومانحس بهن

[ورقة ناعمة]

ليش تتريا خطيبها واي قاموس يقبل يكلمة اصبري انتهى زمن الصبر الحين ومافي شي اسمه اصبري

اذا يباها بيدور عشرين شغله وبيدبر نفسه عشان تتعدل ظروفه وبياخذها ناس وصلوا للبن العصفور وهذا بعده على كلمة اصبري


نصيحة تأخذ اللي متقدم لها والله بيسعدها معاه لان عمرها الحين ما يساعدها عالانتظار اكثر سنتين وتشرف بالثلاثين

[Ward-uae]

من قويت العنوان وعبالي كلمة تحير يعني انحجزت لفلان عثاريها محتارة
اللي بدايته غلط لا تتوقع رب العالمين بيوفقها تستخير وتوكل امرها لله اذا هذا الريال اللي متقدم لها خير الله بيسر امورها وبيستر عليها اسألي رب العالمين هو ادرى بنصيبج وبيوفقج