مشكلة تحير

[Feminine Me]

قريبتي عمرها 27 هب متزوجة
حاليا هي مخطوبة عن حب بس مشكلة خطيبها انه مايقدر يتزوجها إلحينه بسبب ظروفه المادية تعبانة وهي ماتدري متى ظروفه بتتعدل لأنه هو مايدري أصلا
في واحد ثاني بمواصفات مناسبة يبي يتزوجها الحينه وهي خايفة يطوفها العمر تتريا ظروف خطيبها

فهي محتارة هل توافق عالمعرس المستعد والا تتريا خطيبها؟
خطيبها يقولها بأخذج بس أصبري ليش مستعيلة
الاثنين أكبر منها

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الفدعانية]

اذا خطيبها مايعرف متى تنحل اموره لين متى بتيلس تترياه اذا هو مب عارف متى تتحسن اموره ليش يخطب بنت الناس ويوهقها ...واحسن شي تستخير

[غلآ نفسي]

وتقووول خطيبها عن حب ؟؟؟؟؟؟؟؟؟

عيل وين الحب وين التضحيه وين التنازلات

والا بس تتريوون من الريال التضحيه والتنازلات وانه يثبت حبه لكم ؟

بليييز يعني لا تييب طاري الحب دام هااا تفكيرها

ودامها فكرت في الثاني خلاص تتوكل وتاخذه

بالتوفيق

[l6afy]

اصلا خطبة على خطبة ما تجوز

اذا اهلها عاطين خطيبها كلمة وموافقين عليه خلاص مايصير يخطبها حد ثاني لين تنفك خطبتها

وبالنسبة للظروف ومن تختار، يعتمد على عمرها واستعدادها للانتظار

بعد يعتمد على اخلاق و دين الاثنين المتقدمين لها، مب بس حالتهم المادية

خل توازن الامور صح، الحالة المادية مب بس القدرة على حفل العرس والمهر ، هي ايضا فتح بيت و مصاريف عيال ، هل خذت هالشي بعين الاعتبار؟

[Miss PiXy]

لمتى تتريا تتحسن ظروف خطيبها الي هي اساسا مايندرى اذا بتتحسن والا لا

انا اقول لا تترياه وتضيع عمرها خل تتلاحق لان عادي تتريا سنين وتضحي وبكل بساطه وبرود بيقولها شوفي حياتج ماقدر اتزوجج!

وخليها تستخير على الثاني

محد مضيع البنات غير هالحب

[لحنْ #]

كلام غلا نفسي صح ، لا تييب طاري الحب وهي ماتعرفه ^^
لو تحبه ماكان فكرت بالثاني او فكرت ان العمر يطوفها ومادري شو ، ها حب مصلحه مب حب اللي نعرفه ^^
وكلام الاخت

l6afy صح ، كيف بتوافق عالثاني وشي واحد خاطبها ؟ لازم تتلغى الخطبه الاولى عقب تعرس عالثاني

[Yazi.90]

ابدا مايخصه الحب فالموضوع ،،
اوكي يعني تحبه ماقلنا شي بس لين متى تترياه
فالنهايه هي بنيه وهو ريال هي لها سن معين وتصير عانس
بس الريال ف اي وقت يتزوج حتى لو كان كبير ،،
الوحده تفكر بعقلها والمنطق احسن من قلبها
اعتقد الحب هذا بينهم والاهل مايدرون عنه شي صح ؟
لان مستحيل ايي واحد يخطب ويعرف ان البنت محجوزه حق واحد ثاني

[جوري5]

إذا خطيبها يحبها وهي تحبه خلهم يملجون على أقل
واذا عن العرس الحكومة مب مقصره يروح يقدم في صندوق الزواج أو في الديوان اكيد بيساعدونه .. هذا إذا هي تباه وتحبه خلها تضحي شوي و سوو عرس بسيط. .

أما إذا ماتروم و خطيبها ما يبا يعرس الحين يطلع أعذار ويقول ماروم وماعرف شو ﻻ تترياه أخاف يلعب عليها وأخر شي يسحب عليها..

[future dreams]

اذا صدق خطبها من اهلها وعطوه كلمه خلاص تترياه ليش تفكر في شخص ثاني يعني ظروفه ممكن تتعدل ...

اقصد ليش مستعيله اذا هو قال كلمته للآهل وخطبج رسمي و الكل يدري انها مخطوبه مستحيل ايها واحد ثاني ويخطب ...

إلا اذا هو واعدها بالخطبه وماشي بينهم رسمي هنيه ستوب لانه الوعود الزايفه يا كثرها عند الشباب ...

اذا الحب الي امبينهم رسمي وجدام العالم تصبر وتتحمل لين تتعدل ظروفه وتاخذه ع قد حاله مب لازم عرس آلف ليله وليله ...

واذا الحب بينهم كلام واصبري عليه لسنوات ...وماشي خطوبه رسميه ...لا تتريا شي منه ...

واذا انا مكانها ...والاثنين خطبوني رسمي ،،، بشوف مواصفات كل واحد ،،، وبعدين بستخير وبقرر ...

[Feminine Me]

بالنسبة لسوء الفهم عند بعض الأخوات الريال الثاني مأخطبها بس يترياها تعطيه رقم أهلها عشان يخطبها معاها فالدوام.. وخطيبها الحالي نعم تقدم لها رسمي بس مايروم يملج عليها لأنه من بعد الملجة على طول عرس وهي قالت له ماتبا عرس فاخر بس عادي وبتساعده فالمصاريف بس هو يقول ماينفع هي تصرف

[جوري5]

انزين اختي خله يملج والعرس يخلون عقب سنه أو لين مايحصل بيزات من صندوق الزواج أو الديوان

[dxb_love]

تاخذ الثاني بدل الانتظار

[ام عبييد]

تستخير والله يكتب الي فيه الخير

[Yazi.90]

اختي يعني هي تعطيه حلول وتحاول تساعده ،،
لازم يضغط على نفسه شوي يعني الله واعلم متى بتتعدل ظروفه
اذا تريو وايد انا اشوف ان الاثنين يعاونون بعض ويتنازلون عن بعض الاشيا
عشان يتزوجون ان شاءالله ويتهنون ،،

[almal3ka1]

صباح الخير ..


الغاليه مافي شي بالدنيا مضمون حتى الاخو ما تضمنينه ..


خل تشوف و تفكر عدل وانا اشوف الريال 2 شاريها دام يباها بالحلال و ريال 1 له ضروف معينه بس لا ما يقدر يرتبط

نتكلم بصراحه الريال شو ما يبا يدبر نفسه و مب عيب الوحده تفكر بنفسها و لفت نظري ان هي بتساعده بمصاريف العرس !

نعم ماما !! شو بتساعدين ! سوي عرس عميزانيته حتى لو خيمه

ها الكلام من وجه نظري و القرار لصاحبه الموضوع و عسى ربي ييسر امورها ..