مشكلة تحير

[ملاآك قلبكـ،،]

اختي كيف يعني يدبر فلوس من تحت الأرض؟ يسرق مثلا!!!
وبعدين هي مواطنة يعني لازم عرس ومصاريف هي مب مغربية بيتزوجها اثنين شهود ومحكمة وخلاص ! لا يبالها عرس وقاعة و مهر وذهب وحالة ه

انا اشك انج انتي راعية السالفه
دفاعج عن الريال غريب
المهم نرجع للموضوع
عادي وايد مواطنات تزوجو عن حب
بس مب معناته رياييلهم خذو منهم بيزات
كل واحد يسوي عرس على قده

شو رايج لو اقولج بنت شيخ اماراتي خذت شيخ قطري
وعرسهم فخيمه فالبيت بس للامانه الكوشه كانت فخخخخمه
يعني عادي توفر فلوس القاعه وتحط خيمه
وتصرف عالكوشه
فبيطلع العرس فخم وهي مو صارفه نص تكلفة القاعه او الفندق
وبعدين الكل ياخذ مهر وهذا حق شرعي
مب لازم مهر عود

20 الف مثل ماقال ابونا زايد الله يرحمه
بس شكلها هي عاقه عمرها عالريال
ولا تحبه ولا شي بس تبا تتزوج
وسوت قصة الحب هذي عشان تتزوج

اذا هو يحبها اقل شي يملجون
وماحيد الملجه يبالها مصاريف
واذا ماوافق توافق عالثاني وتتيسر

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[Feminine Me]

انا مب فاهمه ليش خطيبها رمس أهلها وهو مب قادر ع مصاريف العرس ومب قادر يفتح بيت؟ هل اجبرته يخطبها عشان يثبت حسن نيته معاها؟ ولا هو بادر في الخطوبه عشان تتعلق فيه بزياده؟ بصراحه المسألة مب واضحه وايد؟

وغير هذا هي كيف واثقة ان اللي زميلها في الدوام صادق في كلامه؟ يمكن هو بس يبا يآخذ ويعطي في الكلام معاها وقال لها بخطبج عشان تثق فيه

يا خواتي انا مب انسانه سلبيه ولا شكاكه وما اثق في حد
لكن هالأمور لازم اي وحده تكون حذره قبل ما تخطي اي خطوه لأن الله وحده اللي عالم بالنيات

خطبها لان في واحد من أهلها كان بيخطبها فخبرته فقالها عيل بكلم. أهلج وبخطبج وفعلا خطبها عشان يثبت حسن نيته

[Feminine Me]

لو بينهم حب اللي بالي بالج لا يهمها المهر ولا القاعه ولا العرس

هو ثبت حسن نيته ويا وخطبها

خل تتنازل عن العرس والقاعه عشان تكون وياه اذا هي صدق تحبه

مع اني اشك بصراحه

مممممم أنزين واهلها .! هي أول مرة تزوج وقرايبها شو بيقولون يوم يسمعون أن فلانة ملجت وراحت معاه بدون عرس؟ هي مستعده تتنازل عن المهر بس أهلها كيف بيوافقون ع هالشي؟؟!ترا يوم تملج البنت الخاطب يسلم المهر لولي الأمر قدام المليج

[عسولة قلب نفسي]

انا براي تسال عن الثاني ..لانه الاول عادي تصير 30 ولما تتحسن ظروفه يتعذر ويتركها ..ماحد يعلم الغيب وماننسى انه الحرمه فرصها بالحمل تقل لو وصلت ال 30 ..مشكلة البنات لو راح عريس ماتقدر تجيب واحد غيره

[امراه]

تتريا الله كريم ويفرج حال خطيبها شو لين متى بتتريا الأيام تركض ومانحس بهن

[ورقة ناعمة]

ليش تتريا خطيبها واي قاموس يقبل يكلمة اصبري انتهى زمن الصبر الحين ومافي شي اسمه اصبري

اذا يباها بيدور عشرين شغله وبيدبر نفسه عشان تتعدل ظروفه وبياخذها ناس وصلوا للبن العصفور وهذا بعده على كلمة اصبري


نصيحة تأخذ اللي متقدم لها والله بيسعدها معاه لان عمرها الحين ما يساعدها عالانتظار اكثر سنتين وتشرف بالثلاثين

[Ward-uae]

من قويت العنوان وعبالي كلمة تحير يعني انحجزت لفلان عثاريها محتارة
اللي بدايته غلط لا تتوقع رب العالمين بيوفقها تستخير وتوكل امرها لله اذا هذا الريال اللي متقدم لها خير الله بيسر امورها وبيستر عليها اسألي رب العالمين هو ادرى بنصيبج وبيوفقج