لبس الصروال

[بنوتة-راك]

هلا خواتي اشحالكن
اليوم بطرح عليكم موضوع يخصني وبغيت اشوف آراءكم فيه

انا متعودة فالبيت البس جلابية وتحتها الملابس الداخلية بس (هاف وستيان) ويوم اطلع البس خوار ولا تنورة وقميص او جلابية بس ما البس صروال تحته البس هاف او شورت ، بالرغم اني البس دووم عباية مسكرة وعندنا فالبيت ما شي اولاد ولا رياييل بس انا وامي واخواتي الاثنين ، امي واختي العودة كل يووم يحتشرون علي البسي صروال والبسي بنطلون، بس انا ما متعودة البس يضايجني تحت الثياب صراحة، يمكن انا ما لابسة صروال تحت بس الحمدلله عبايتي مسكرة وما اطلع شعري ولا شي من هالقبيل وساترة عمري، بس امي واختي مصرين اني ﻻزم البس، انا اشوف ان لبس الصروال مب معيار للستر، يعني وحدة ما لبست صروال صارت مب مستورة، وانا متأكدة ان شي وايد بنات يلبسن شراتي والحمدلله مستورات

انتظر مشاركتكن وتعليقاتكن اخواتي فالموضوع


دمتم بود
اختكم بنوتة راك

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

فحال انج طلعتي يفضل تلبسينه
يعني لاسمح الله سويتي حادث واشتلحن ملابسج ولا استوا شي من هالمواقف
ف الستر زين

[أم محمد1988]

من وجهة نظري انه لَبْسج للصروال أو لا هذي حريه شخصيه ..

بس الأوليين دوم يقولون البنت لازم تلبس الصروال علشان تستر عمرها اذا لا سمح الله طحتي ف مكان أو صار شي ما تتكشفين عالأوادم ..

[نسمة الجبل]

هو استر لج بس طبعا مب معناته العكس
لان حتى لو الوحدة حريصة و هي تركب السيارة او درج او حتى مهب ينكشف و لو شي بسيط
تذكرت وحدة شفتها بنفسي متسترة عباة راس و نقاب و يالسة في كراسي الانتظار و الظاهر نشبت أو تشلحت عباتها و هي ما تحس لانه ريولها من ورا البطة كللللللها لين تحت طالعة المحرج كان شي رياييل لو كانت لابسة بنطلون او صروال بتتفادى هالنوع من المواقف

[Yazi.90]

فحال انج طلعتي يفضل تلبسينه
يعني لاسمح الله سويتي حادث واشتلحن ملابسج ولا استوا شي من هالمواقف
ف الستر زين

صح كلامج اختي ميميه ،،

انا دوم يوم اطلع البس ليقينز تحت عباه مسكره

[Cobon]

بالنسبة لي


غالبا يوم اطلع اكون لابسة بنطلون و قميص
و حتى لو لابسة تنورة او سايرة عزيمة بجلابية او فستان اكيد ما البس صروال ما احب اتضايق
بس اغلب الوقت ارتاح بالبنطلون و القميص و عباتي المصكرة

في البيت ما البس طبعا
لو حد بيزورنا و فعلا ملابسي شفافة البس طبعا
البسي الصراويل الوسيعه اللي تكون شلح

و الله يعينا الجو حرررررررررررر انا يوم البس في البيت اموت من الحر
بس برى البيت البس لقنز او بناطلين وسيعه احسن

[بنت_بوظبي2]

الجو مايساعد الوحدة تلبس صروال حرررررررررررررر

[خياطة]

ما البس سروال تحت الكندورة و لا البس كندورة الا نادرا يعني

عامة فالدوام البس تنورة فستان او بنطلون و قميص وفوقه عباية مفتوحة او مسكرة نفس الشي

ولا قد صادفتني مواقف ولله الحمد و اللي الله كاتبنه هو اللي بيصير

اللي تتكلم عن الحوادث الله يبعدها عن الجميع يارب لا تنسون انه الشيلة مرات تطير بس من الهواء يوم الجو بارد

احس الهنود و الباكستانية صدق من يشوفون الحرمة يطالعون ريلها حتى لو لابسة دلاغ بعد هههه

[remalfala39]

الستر زين

[احلى بعفويتي]

انا لا صروال ولا شلحه و لا ساعات هاف...
بس وقت الطلعه دوم اكون لا بسه ليقنز و قميص و عباه

[صبري ملني]

انا نفسج حبيبتي بس صدق مرة قالوا صار حادث كله حريم و اتشلحن فما حبيت امر بمثل هالموقف لا قدر الله و الحين بادية شوي شوي اغير من هالعادة

[بريد الذكريات]

العباه انا كله البس تحتها بنطلون وقميص الجلابيه تضايق والصروال ستر للطلعات تفاديا ﻻي شيء ممكن يستوي
مره استوى لي موقف كنت يالسه مع اخوات ريلي وكان اخو ريلي موجود انا متغشيه عنه ويالسه في الزاويه وكان الجو حلو ويالسين في الخيمه خاري البيت المهم وطلعت عقرب وصرخت اخت ريلي ﻻنها كانت يايه صوبي تخيلوا نطرت وتشلحت لين الركب وانا مب حاسه
تخيلوا الموقف لو كان بدون صروال الحمدلله كنت ﻻبسه وربي سترها والله ستر الوحده تبلس من تطلع من البيت اما اذا استوا لج موقف وانتي مب ﻻبسه مابفيد الندم بعدين

[aljood.20]

في البيت عادددي طبعا لو ماتلبسين كيفج ، بس تحت العباه اكيد البس بنطلون او ليقنز يعني كيف اطلع ومب لابسه شيء تحت العباه مستححيل !!! اذا ركبتي درج او السيارة او صار موقف انج تركبين مكان عالي شوي مابتطلع ريلج ؟ اكيد بتطلع @@ فكيف ماتلبسين تحت العباه يا جميله طبعا انا مااقصد الصروال اللي يلبسونه الحريم هههههه ، أما تحت العباه بس ملابس داخليه ! ههههه حتى لو الجو نار عني انا البس ليقنز وعباه مسكره بعد

[اشراقة أمل]

ذكرتوني بالصراويل .. كانت ضمن أيام الطفوله!

[ثريا 2014]

هلا خواتي الحلوات
انا عن نفسي لازم ليكينز تحت العباة
ومخصصة كم ليكنز وبودي سود بس البسهم تحت العباة
احسه استر وحتى احلى من بعض البنات يلبسون بيجامات ومخاوير والوان تبين تحت العباة
مب حلو بالمرة المنظر
ومو بس عشان الحوادث حبيباتي وايد مواقف لازم تكوني لابسة الصروال
مثل يوم تركبين السيارة وخصوصا ادا فورويل او درج او ريح و جي
الحرص زين والله
اللهم استرنا فوق الارض وتحت الارض ويوم العرض