لبس الصروال

[الوردة الجورية]

أذكر مرة قريت سالفة عن بنت راكبة الباص راجعين من الكلية وسووا حادث والبنت مب لابسة بنطلون الله يهديها طاحت فالشارع وتكشفت الله يستر عليها طلعت فخوذها ..ومسكين راعي الباص تلوم من الموقف وقام وفصخ غترته وقام وغطى البنت الله يستر عليه يارب .لانه الرياييل واجفين ويطمشون ..
فمن الاساس ليش مانحن بروحنا نستر عمارنا ليش نخلي عمرنا فرجة للشباب ونحن نظهر ماندري شو راح يصير فينا

الله يستر

خاصة الحين عصر الكل يصور و ينشر على مواقع التواصل الاجتماعي!!!

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[~شوق~]

مب شرط صروال دقه ومخور
فيه سراويل قطن او لنقزات خفاف فاللبس
عادي بتتعودين


ربي يوفقج

[Ward-uae]

اللي تبا الستر بتستر عمرها وعن الصروال فيه انواع قطن وخفيفه
العين ترغب بالمغطاي وتعاف الشي دوم مكشوف
مب بس الحوادث حتى الوحده من تركب السيارة او تيلس على الارض

[اشراقة أمل]

أذكر مرة قريت سالفة عن بنت راكبة الباص راجعين من الكلية وسووا حادث والبنت مب لابسة بنطلون الله يهديها طاحت فالشارع وتكشفت الله يستر عليها طلعت فخوذها ..ومسكين راعي الباص تلوم من الموقف وقام وفصخ غترته وقام وغطى البنت الله يستر عليه يارب .لانه الرياييل واجفين ويطمشون ..
فمن الاساس ليش مانحن بروحنا نستر عمارنا ليش نخلي عمرنا فرجة للشباب ونحن نظهر ماندري شو راح يصير فينا

الرياييل يطمشون على وحده مسويه حادث مسكينه وتعتبر يمكن ميته ... هذا صح معاه حق يغطيها ... ولكن الاصح ان كل واحد اطمش ... يطلق عليه عيار ناري ..

لان هذا علاج هذا الموقف ... الناس اخلاق ..حتى لو وحده مب متستره مب معناه انه رجل يطمش او يتمسخر عليها ... الناس اخلاق ... ومب معناه ان رجل نلتمس له عذر يطمش على الحريم لو شافهن من غير ستر ...

اليعطيه عذر مثله... مافيه اخلاق ..

بغض النظر عنها حشيمه او لا .. المسلم مايطنز ولا يتمسخر على عثرات الناس ...يحمد ربه ويدعي لناس بالهدايه

[البدوااوية]

فالبيت خذي راحتج
بس برع استر لج تلبسين لانج ما تعرفي شو يصير
ﻻ سمح الله تتخرطفي واطيحين وﻻ يهب مهب و ترتفع العباه

بخبرج موقف صار لي وانا الحمدلله من النوع الي يلبس صروال برع البيت
كنت امشي ويا باص مسرع شوي بيدعمني و انا من الزيغه ركضت و سرت بعيد عن الباص بس كان شي رصيف واتخرطفت به و طحت و الله عباتي و كندورتي لين الركب و الحمدلله الله سترني بالصروال وﻻ لو ما لابسه كان راعي الباص وكل المتواجدين شافو كراعيني

[بنت شمال الباطنه]

فحال انج طلعتي يفضل تلبسينه
يعني لاسمح الله سويتي حادث واشتلحن ملابسج ولا استوا شي من هالمواقف
ف الستر زين

وهذا هو الصح .

[الفلاسييه]

في بنات يلبسون صراويل الحين ؟

[almal3ka1]

انا ما يعيبني البس صروال يدوب الملابس الداخليه و بالبيت بدون ملابس داخليه

[ام لامية]

مع لبس الصروال
وما اقدر اطلع من غير صروال وعودت بناتي عليه
احس نفسي مو مرتاحة ولا اعرف امشي لو اطلع من غير ليقنز او صروال تحت العباه
حتى بالبيت افضل البجايم والليقنز

[احتاجك..]

انا من وجهة نظري البيسه افضل
عشان الاحتكاك يسوي اسمرار و الصروال بيمنع هالاحتكاك خاصة فالحر هلااااك
ومب لازم صروال يضايج البسي ليقنق سادة او ثلث للركب

[ام بدور1]

مره كنت طالعه ويا بنتي عمرها تقريبا 13سنه سايرين المول ونحن نازلين السلم الكهربائي علقت عباتها بنهاية السلم ويلا تم سحب في العباة لين ماوصل السيكيورتي ووقف السلم الا نص العباة انطرت من تحت مع ان العباة كانت مسكره وبنتي حزتها كانت لابسه تنوره وقميص والتنوره كانت قصيره لين تحت الركب عاد تخيلن شكلها والعباة منطره ووريولها ظاهره وهي بالمول والله انها حرمت تظهر والا وهي لابسه بنطلون ولا ليجنز

[بسمه حزينه]

استغرب!!.....من الي تقول حرررر يوم تلبس الصروال

تراه استرج قطن ١٠٠٪ ... مثل الاقنززز ،،، شو مستحيل نلبس صروال ولا منو يلبس صروال للحين،،،!!!

نحن علمونا امهاتنا والمدارس انه نلبس سروال
ليش؟؟؟


لانه سترررر للبنت ويحفظها من عيون النااس المريضه
ولانه اولا واخيرااا،،،،، (((( حررررررررراااام ))) ،،،،، ها الجزء يطلع جدام الخلق

يعني يوم تحطن ريل ع ريل ماتطلع سااااقج!!!
وانتي ف بيت اهل زوجج ولا في مطعم ولا في حديقه

ومثل ماقالو فوق يوم تركبين السياره ولا اطيحين جدام الخلق
ولااا هواااا ولا حد من صغاريه يلستيه في حظنج يشتل اللبس ع فووووق وتطلع ساااقج


وبعدين احسن السروال ان كان الجو برررررد فهووو يدفي
وان كاااان في صيف وحرررر فهو يمتص الرطوبه وعشان مايستوي احتكاك واسمرار في
المنطقه وبين الارداااف ويمكن الحرررر بعد يسوي حكه وحبووووب وروائح كريهه

[l6afy]

والله دنيا ..


الستر مطلوب .. داخل البيت كل وحدة حرة بنفسها بينها وبين ربها بس يوم تطلع جدام الناس تراويهم صيامتها !! عالطالعة والنازلة متشلحة واصلا الحين العبي يسونهن قصار والصيم برا بس طويلة العمر ما تستحمل تلبس شي ساتر تحت !! او ماي قاااد ثجييييل ؟!!

ياما سمعنا عن اللي تشلحن بالحوادث والا بس مجرد طاحت وتكشفت عورتها للناس ،، اخوي يخبرني مرة حادث شيبة شال بناته وكلهن نفس الحالة وصار عليهم حادث وكللللللهن تكشفن !! يقول لي الشيبة ما كان فيه شي بس من قوة الفشلة والفضيحة سوى عمره مغمى عليه !!

ليش الوحدة تحط عمرها واهلها بالموقف هذا !! بالذمة يستاهلون ؟؟

وعلى فكرة الحين اللي ينلبس تحت العباة يبين.. هاك اليوم انا ويا ريلي نتقضى للبيت و قال لي تقدمي صوب الكاشير حرمة واقفة واستحى يوقف وراها ،،، شو اقول لكن ؟؟ خط الهاف مالها مبيين !!! و هي حدث ولا حرج من الاوزان الكبيرة يا حافظ ،، ما تخيل هذي ؟ ما تستحي؟ مفصلتنها تفصيل العباة راصصصصة والهاف مرسوم رسم تحتها ،، عيب يا ناس عييييب انتو مساءلين !!!

دنياكم تبا بس اخرتكم بعد تبا !!

[همي اخرتي]

والله دنيا ..


الستر مطلوب .. داخل البيت كل وحدة حرة بنفسها بينها وبين ربها بس يوم تطلع جدام الناس تراويهم صيامتها !! عالطالعة والنازلة متشلحة واصلا الحين العبي يسونهن قصار والصيم برا بس طويلة العمر ما تستحمل تلبس شي ساتر تحت !! او ماي قاااد ثجييييل ؟!!

ياما سمعنا عن اللي تشلحن بالحوادث والا بس مجرد طاحت وتكشفت عورتها للناس ،، اخوي يخبرني مرة حادث شيبة شال بناته وكلهن نفس الحالة وصار عليهم حادث وكللللللهن تكشفن !! يقول لي الشيبة ما كان فيه شي بس من قوة الفشلة والفضيحة سوى عمره مغمى عليه !!

ليش الوحدة تحط عمرها واهلها بالموقف هذا !! بالذمة يستاهلون ؟؟

وعلى فكرة الحين اللي ينلبس تحت العباة يبين.. هاك اليوم انا ويا ريلي نتقضى للبيت و قال لي تقدمي صوب الكاشير حرمة واقفة واستحى يوقف وراها ،،، شو اقول لكن ؟؟ خط الهاف مالها مبيين !!! و هي حدث ولا حرج من الاوزان الكبيرة يا حافظ ،، ما تخيل هذي ؟ ما تستحي؟ مفصلتنها تفصيل العباة راصصصصة والهاف مرسوم رسم تحتها ،، عيب يا ناس عييييب انتو مساءلين !!!

دنياكم تبا بس اخرتكم بعد تبا !!

بالله عليكم قولولي شو سبب غضب الله الي ينزل على اقوام
أسال الله ان ينجينا من الفتن ما ظهر منها وما بطن وان ينجينا من عذابه
عيالي من اصغرهم يلبسون الصروال تحت الملابس سواء داخل البيت او برع البيت
والمتفصخة .. والي تكره تلبس تحت الملابس.. تتجهز او انها تراجع نفسها وتلبس شي يرضي الله قبل الموضة
او انها تجهز نفسها يوم السؤال والحساب ..

[بنوتة-راك]

اشكركم ع المشاركة في موضوعي ولو متأخرة خخخخخخخخخ


احينة قمت البس جنز مرات يوم اطلع بس مرات نفس عادتي الاولية خخخخخخخ

تحياتي حبيباتي😘