حملت بسبب .........!!!

[sa7el]

المهم،، زعلت وطلعت قلت ما بدش هالموضوع مرة ثانية،، بس كل يوم افكر ليش فيني ضيجة من الموضوع عادي الا منتدى والبنات اتحسسوا لاني فضفضت لهم ههههه

بس تعرفون الضيجة اللي كانت فيني اللهم لك الحمد حولتها لطاقة،،، وان شاء الله قريب ببدى دورة الامل للحمل مرة ثانية وان شاء الله خير

أختي الامل هنا والسنقباسية والكل بخبركم ترى انا وزني مب انه زايد من الاكل ولا اني مينونة،، الادوية والهرمونات والابر تنفخ الجسم وتفتح الشهية وان ما كلت يتم مزاجي عصبي طبعا تعرفون هالشي،،،وما متنت مرة وحدة،، انا اتكلم عن تجربة 4 سنوات،،او اكثر،، ،مب شوي،، قبل من امتن اضعف والحمدلله احافظ،،، بس عقب حسيت السالفة طولت عشان جي قلت خلاص بتم ورا بعض ورا بعض لين احمل وتميت معاندة جسمي لين زاد وزني وما صار حمل بس الحمدلله قدر الله وما شاء فعل


بالنسبة للتكسيات اختي السنقباسية ،، ربيعتي تتعالج هني طبعا التكيسات مثل ما هي ومع الايام زادت
سارت تعالجت في الهند،، استوى عندها تكيس وسط والحمدلله بدت الدورة تترتب عندها ،،،

لو تقدرين تتعالجين في الهند توكلي،، ترومين تتعالجين في مستشفيات الهند اونلاين،، تسوين فحوصات هني واطرشينهم فاكس او ايميل للدكتورة وهي اطرش لج الادوية من هناك ،، بس احسها صعبة

الحين انا عن عمري يا اختي الامل هنا،،، رديت بنشاط وامل وتفاؤل،،،، ولي تجربة ان شاء الله تعدي على خير بس ما بكتبه لان هالمرة بمشي على (استعينوا على قضاء حوائجكم بالكتمان)

بس الاشيا البسيطة بخبركم،،، اكلي سلطة ،، فتوش عشان اشبع فترة اطول ،، مكثرة عصاير وماي،، وقفت الرياضة والحين بس مشي،،، عشان ارفع نسبة الايض

اذا نزلت الدورة باخذ خلطة اعشاب (زنجبيل، حلبة، جرفة، كمون، ينسون، حبة السودة، الحبة الحمرا) بودرة مع كوب حليب
بدخن بالشاي الاخضر من رابع يوم الدورة، اخذ فوليك اسيد وحبتين غلوكوفاج يوميا
افكر ابدا اخذ دوا فيتامين اسمه ova cure بس بالاول بستشير دكتورتي

وان شاء الله السنة الياية انا وانتوا كلنا تستوي كروشات ويكون عندنا نونو في حضنا،، ترة ما تم وايد عالسنة الياية مب تفهموني غلط كلها 9 ايام وبندش سنة يديدة

ربيعتي تقول لي لو تسيرين الهند 6 شهور،، بتردين حامل وفي ايديج نونو ههههههه قلت لها 2 في 6 شهور !! كيف هاي مب هند شكلي بسير المريخ

اهم شي النفسية ،، خلوها عالية ومتفائلة والله يكتب لنا الحمل بالذرية الصالحة المعافاة


واسمحوا لي عالكابة اللي يبت لكم قبل،،، نفسيتي كانت تعبانة وهاللي طلع مني،، يلا فرفشوا وابدوا دورة يديدة وان شاء الله نحمل