حملت بسبب .........!!!

[الأمل هنا]

الوزن وااايد يأثر سبحان الله طبعا + اشيا ثانية

بالاول والاخير ارادة رب العالمين

في واااايد بنات مب وحدة ولا هنتين ماشالله من الاوزران الثقيلة وكل سنة تحمل وطبيعية جدا ما عندها مشاكل رغم ان رقم وزنها شي خرافي

اعرف وحدة وااايد ماشالله متينة وتقص لحمها من المتن والسنة اللي وراها نشوفها مثل ما هي متينة ما تضعف يمكن وزنها 160 لو مب اكثر،، يمكن ماشالله تبارك الرحمن عندها 9 او 10،،، عادي عمرها ما عانت من الوزن اللا حق صحتها مب للحمل


انا وزني قبل العرس وااايد عادي شوي فوق المناسب بس عادي الحمدلله من تزوجت حملت وربيت ومنعت طبيعي لمدة سنة لاني ربيت قيصري
وزني نقصته خلال ال40 ووصلت لنفس الوزن اللي قبل العرس

خلال هالسنة اللي منعت صارت لي ظروف وياني اكتئاب حااااد وسبحان الله زاد وزني 30 فوق المناسب،، وما صار حمل وعندي تكيس بسييييط

سويت ريجيم وشليت فكرة الحمل من راسي عشان ما ييني اكتئاب ومارست حياتي عادي وبديت انزل وزني ونزلت اقل عن الوزن المناسب ب بكيلوين خلال شهور بسيطة

المهم عقبها لاحظت ان الدورة انتظمت بس بعد ما يصير حمل

سرت اتعالج على مدار سنوات من مكان لمكان من عيادة لمستشفى لمسيحة لحجامة لإبر ووووووو لين وزني زاد خلال 7 سنوات واستويت انا من ذوات السمنة المفرطة،،، يعني وزني لازم ينزل مال 50 كيلو

لان ادوية الحمل تلعب في الهرمونات لعب وتنفخ وتمتن وتفتح الشهية + اصلا انا ام الكآبة اللي تيني على دقة

وللحين ما صار حمل غير بنتي الوحيدة اللي الحين عمرها تبارك الرحمن ماشالله الله يحفظها 8 سنوات،،

وعمري وصل نص الثلاثينات وبديت افكر اني خلاص اشيل فكرة الحمل من راسي اقول يمكن سبحان الله ربي مب كاتب لي غير هالبنت وايا يالسة اخرب صحتي من عيادة لعيادة عشان احمل كل هالسنوات ما صار شي

يعني لو السبب وزني تراني نزلت وزني واااايد لين تحت الوزن المناسب بعد ما صار حمل
واللي يقول السبب وزن ترى شي ناس متييييييينة وتحمل ماشالله بدون صعوبة

هاي ارزاق،،،

نحن علينا نهتم في صحتنا،،،

ترى انا لو ييني بارض هالفترة اني اراجع عيادات ومستشفيات احيانا الريال تطلع هالسالفة من خاطره ويقول خلاص
وعقب لين يقتنع ها،، شوي شوي تمر هالسنوات

الحين اقول الله كريم،، المهم احاول انزل وزني واااايد رغم اني ما احب الرياضة وااايد نفس قبل، قبل جسمي يساعد عالرياضة،، الحين من ابدا رياضة ظهري وركبي يتنافضون من الالم هههههه الحمدلله

اشرب مرمية،، زنجبيل، القسط الهندي، عسل مع اعشاب، حاليا وقفت بسني تعبت والله

شي بنات يتاخر الحمل عليهم،، اقولهم يلا هالشهر ابدوا معاي جدول للحمل اكون انا مرتبة الجدول شو ناكل وشو نشرب و و و بالاخير ماشالله هم حملوا وانا نزلت دورتي

بس شو اقول،، اللهم لك الحمد
نحن ناخذ بالاسباب والرزق من الله وحده

انتي حبيبتي حاولي حاليا تنزلين وزنج
مارسي رياضة جيم،، واايد زينة
اشربي مرمية وقت الدورة فقط
والجماع طبعا تعرفين ايام التبويض

واتصدقي واستغفري ،، بس نصيحة لا اطولين لان العمر يلعب دور،، لو عمرج اخر العشرينات سيري سوي تلقيح او انابيب لان عقب 35، تنقص نسب نجاح هالعمليات بصورة كبيرة


الله يرزقكم با رب

اسفة،، حسيت بكلامي يبت لكم احباط

أحبطتيني



شو هالرمسة

انا بحمل بإذن الله، وببشركم

المزيد من آخر المواضيع من نفس القسم:

• فيتامينات ومعادن هامة تساعد على الحمل وزيادة...
• أسباب وطرق علاج مشكلة تأخر الحمل
• تحديد نوع الجنين
• اعرفي سبب تأخرك في حدوث الحمل
• اهم الأسباب التي تأخر الإنجاب لدى الإناث...
• افضل طرق علاج تاخر الحمل بالاعشاب
• فحوصات تأخر الإنجاب للزوجين بالتفصيل
• افضل طرق التعامل مع تأخر الحمل
• تنبيهات بعد اجراء عملية الحقن المجهرى
• نسبة هرمون الحمل في توأم بعد عملية الحقن...

[بريد الذكريات]

أحبطتيني



شو هالرمسة

انا بحمل بإذن الله، وببشركم

ماعليج إذا قال الله كن فيكون ولا يأس مع وجود الله
ننتظر الخبر بفارق الصبر
يارب عجله