تجربتي مع اكتئاب بعد الولادة والعلاج .. نصايح بتفيدكن

[راقية بطبعها]

السلام عليكم
شخباركم خواتي؟

أنا من زمان كتبت قصتي ومعاناتي مع اكتئاب بعد الولادة وكل التطورات والمراحل اللي مريت فيها لين ما تشافيت منه ورجعت طبيعية مثل ما كنت وأفضل الحمدلله و رديت لحياتي

كانت تجربة صعبة وقاسيه فعلا واللي خلاني اكتب هالموضوع اني اتواصلت مع صديقة عندي طبيبة أمراض نسا و ولادة وكنت أخبرها عن قصتي وقالتلي فعلا ماشي توعيه ولا تثقيف للحرمه الحامل في مجتمعنا عكس الأجانب عندهم كلاسات في فترة الحمل لتثقيف الحوامل وتوعيتهن وتدريبهن على كيفية التعامل مع المخاض والطلق والولادة و كيفية التعامل مع الحياة الجديدة و التغيرات الجسدية والنفسية اللي تصير بعد الولادة و كيفية التعامل مع الطفل والاهتمام فيه و حتى يعطونهم عرايس يطبقون عليهم يعني الشي حلو وممتع ومفيد نفس الوقت

و في كل قسم حمل و ولادة عندهم أخصائية نفسية تجلس مع الحامل خصوصا إذا كانت بكر اول مره و تتفهم مخاوفها و تسهل عليها الموضوع ، و تقول نحن في صدد تطبيق هالشي عندنا وبناخذ تجربتج عشان ننطلق منها وحتى نحن ك طبيبات معرضات لهذا الاكتئاب بعد الولادة و عانينا منه

و اللي بغيت أقوله لكم انا أن اكتئاب بعد الولادة مش سهل من أصعب و أقسى أنواع الاكتئاب و هو مش دلع بالعكس حالة مرضية تحصل بسبب تغيرات هرمونات الجسم بعد الولادة و تغير كيمياء المخ لدرجة ممكن توصل للانتحار أو قتل البيبي لا سمح الله !

و أي وحده تمر عليها هالحالة أو في بيوتكم أو خواتكم أو صديقاتكم لازم ما تستهينون فيها و تقدمون لهم الدعم الكامل لأن الدعم العائلي جدا مهم لتخطي هذي المرحلة و خصوصا من الزوج لكن اللي يحصل عندنا يخليها بيت أهلها فترة الأربعين و ما يزورها إلا مرات معدودة لأنه يستحي من خواتها في البيت و زيارات الحريم وهذا أكبر غلط لأن ابتعاد الزوج يسبب تفاقم حالة الاكتئاب بشده

و أي مخاوف تصدر من الأشخاص المصابين بالاكتئاب سواء كان بعد الولادة أو أي نوع من الاكتئاب لازم تأخذ بجدية لأن هم فعلا كيمياء المخ تكون متغيرة عندهم و يشوفون حياتهم كلها مالها قيمة وكل شي أسود في اسود بدون الوان وهذا اللي كنت اشوفه أنا فعلا وكنت اقول الموت ارحم لي من هالعيشه؟ لا تقولون قلة إيمان لأن الواحد يصلي ويقرا الرقية والقرآن والأذكار لكم الوضع هذا خارج عم الإرادة وصعبة مقاومته ويحتاج دعم و صبر و إرادة و قوية

الاكتئاب ما بعد الولادة يخليج تكرهين نفسج و البيبي تحسين أن هو السبب في كل اللي صارلج وتكرهين الرضاعة و تكرهين الأكل والشرب ما تاكلين إلا قد ما تعيشين ويومج كله صيااح و حزن و تتخيلين أنج بتموتين و بتخلين هالبيبي يتيم و توصين عليه وتحسين أنج أم فاشلة ومب قد المسؤولية وما تستاهلين تكونين أم و عقلج ما يشوف إلا التشاؤم والجانب المظلم في كل شي وأحيانا يزيد القلق والخوف ع البيبي بصورة فظيعة حتى تخافين عليه من نفسج وطول الوقت متوترة وخايفه وتحاتين وما تقدرين ترقدين واذا غمضتي عينج تفزين خايفة كأنه حد يكتم نفسج و كله تبغين الناس حواليج وتخافين تيلسين بروحج و ينزل وزنج و تعب و دوحة و إرهاق هذا كله انا شخصيا مريت فيه وأصعب بعد و من خلال تجربتي عرفت عن وايد حالات حواليني

و أكثر النساء اللي عرضه للإصابة بالاكتئاب بعد الولادة هم اللي شخصياتهن حساسة و فيهن خوف و فوبيا اساسا من قبل الولادة تكون الصدمة وايد قوية عليهن وقت الولادة ما يتحملونها وانا دخلت في انهيار عصبي اضطروا يعطوني أبر مهدءات لأن انا شخصيتي وايد حساسة وكنت خايفه جدا من دخلت التاسع أفكر شو بسوي وقت الولادة ؟

و كذلك نقص الفيتامينات و المعادن و اختلال الغدة الدرقية و جرثومة المعدة تكون أسباب عديدة ل الاكتئاب بعد الولادة وانا شخصيا كان عندي نقص حاد في فيتامين دال كان 5 و عطوني كورس حبوب و عقب ما ارتفع الحمدلله اتحسنت مع الاستمرار على الرقية و الحجامة و الماي المقراي وساعدت نفسي كانت عندي إرادة

أهم نقطة ابتعدوا نهائيا عن العلاجات والحبوب النفسية لأن مفعولها مؤقت و تغيبج تخليج تنسين حالة الاكتئاب لكن ما تعالج و تأكدوا أن كل وحده هي طبيبة نفسها و هي اللي بتساعد نفسها في أنها تطلع من هالحالة و طبعة ضروري جدا دعم الاهل و الزوج بشرط عدم التعاطف والخوف الزايد والحرص لأنه يفاقم الحالة مثل هالعبارات السلبية : حرااام / مسكينة بتموت / حالتها حالة / هاي اكيد عين / شلوا عنها البيبي خلوها ترتاح / لا تتحركين / لا تطلعين / لا تاكلين هذا الأكل / لا تيلسين انسدحي .. الخ هاي الأمور كلها تزيد الاكتئاب أكثر ما تساعد ع العلاج بالعكس الحل انهم يخلقون لها جو من المرح والوناسة و الطلعات و لمة الصديقات و يخلونها تنشغل ويا البيبي و تشغل نفسها و يساعدونها تمارس الأشياء اللي كانت تحبها وتاكل اللي فخاطرها و تطلع مع زوجها تغير جو لأنها جيه بتنشغل وبتندمج وما بيكون عندها وقت للتفكير و شوي شوي بالتدريج بتطلع من حالة الاكتئاب اما اللي حاصل عندنا كل شي مب زين وقت النفاس و غلط وعيب ومنقود و ضار وهالشي يكبت المربي أكثر ! شوفوا الأجانب عقب أسبوع تحط البيبي في القاري و تطلع تتمشى و تصور ونحن الوحدة يوم تربي يسدحونها تقول فيها شلل الأطفال استغفر الله

و أهم شي في مرحلة العلاج الحجامة يا خواتي الرسول صلى الله عليه وسلم قال إنها داء لكل دواء و ما ينطق عن الهوى عليه الصلاة والسلام لأن الحجامة فعلا تجدد طاقة الجسم و تجدد النشاط والحيوية وتطرد الموجات والشحنات السلبية كلها تخرج مع الدم الفاسد والواحد عقب الحجامة يحس انه خفيف و مرتاح و كأنه جبل انزاح عنه و انا استفدت منها وايد الحمدلله مع العسل الطبيعي الخالص و ماي زمزم والماي المقراي للشرب و الغسول و الاستمرار ع الرقية الشرعية الحمدلله هذا اللي ساعدني اني اتخطى هاي المعاناة و كورس فيتامين دال و اعتمرت عقب ما رجعت من العمرة حسيت بالراحة والطمأنينة والسكينه والهدوء الداخلي وهناك كنت اغتسل بماء زمزم جزاه الله خير أبويه كان يقرا ع الماي آيات الرقية و يعطيني اغسل شعري و جسمي كامل

انا ذكرت تجربتي بالتفاصيل للفائدة والعبرة وعشان تساعدون أي وحده تمر في هالمرحلة و أسأل الله أن يجعلها تكفير عن الذنوب والخطايا و الله إذا أحب العبد ابتلاه و ان شاء الله يكون هالموضوع في ميزان حسناتي ..

و في النهاية أبشركم اني رجعت مثل قبل وأحسن الحمدلله بفضل الله ثم وقفة أمي وابويه ودعواتهم ودعاء الناس اللي يحبوني ولأني انا كانت عندي إرادة ساعدت نفسي و سويتلي بزنس صغير و داومت و شغلت عمري والحمدلله اتميزت و حققت إنجازات وايد اقدر اقول اني راضية عن نفسي و الحين ما شاء الله حامل بالبيبي الثاني و الخبر الحلو أن هذا الاكتئاب ما يتكرر بعد والولادة و ما يصير للمرأة إلا مره وحده و الله يبعده عنا وعنكم اجمعين

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام قلبين انا]

الحمدالله انج رجعتي لعائلتج سالمه متعافيه والله يقويج ع تربية ذريتج ،،،،،

[مالتيزرس]

الحمدلله ان الله طلعج من هالحالة اللي مريتي فيها صدق معاناة ..
يزاج الله خير ..وان شاءالله ماتمرين فيها

[love rak]

انا اشوف انه القرآن احسن حل ل هالحاله
تشغيل قران + المحافظة على أخذ ورد يومي كا يوم من القرآن والاستغفار الدائم
والاكتئاب وهالسوالف احسه سوالف اجانب بس نحن دينا يحصنا والحمد الله على نعمة الاسلام
الحمد الله ع سلامتج حبيبتي ..
وين تربين ان شاء الله وتقومين بالسلامه .. استغفري وايد ودايما وكلي أمرج لرب العباد في كل ذي

[اشراقة أمل]

جميل اختي ... الاكتئاب حاله صعبه ... تصيب الام او الانسان العادي ... بس الام لها أسباب ... مثل ماتفضلتي اختي... خلل مواد الجسم والهرمونات والصدمه النفسيه وطبيعه الشخصيه .... لان الاكتئاب مرض عادي مثل الجسدي بس يزيد ... ومرات الأفكار الغير منطقيه او غير معقوله هي تزيده
يعني الشخص اصل شخصه مب قوي ... ويحتاج ارشاد ...

الادويه النفسيه تهدي الحاله .. لفتره! في حال كانت الحاله صعبه ضروري علاج دوائي في حال كان الخوف انه يقتل نفسه او يأذي الناس ...

بس الحالات الممكن السيطره عليها .. او الانسان بوعيه ولكن يحس بالم نفسي ... وحواليه بيئه جيده ممكن ينتصر عليها ....


البيئه تلعب دور ومعتقدات الفرد وأسلوب تفكيره والدعم المتواجد ....

في ناس ينصحون الشخص انه يعمل .. ولكن العمل ممكن يؤذيه اكثر اذا حالته صعبه وعنده حساسيه من المحيط الا في حال كان العمل ضمن الهوايات او سهل عليه ... فيحس بالتقدير مثل حالتك ....

عشان مريض الاكتئاب الضغط مفروض يخف عنه ..... في ناس مب محصلين وظائف وبيتهم انخرب بسبب الاكتئاب


في ناس تفكر انه شي عادي ..بس لا ... حتى مع الايمان والدين ... يمكن صعب حله عشان حالته مرتبطه بأشياء ثانيه ...

تجربتك رائعه اختي .. وفعلا اللمه والطلعه والأصدقاء والهويات ووقت الفراغ اللطيف يخليك احسن حال بس الواحد يحاول يشد حيله ويحصل له مخرج يناسبه


في الغرب في نساء قتلن الأطفال وعمرهن .. بسبب الاكتئاب بس عليهن مسؤوليه عشان مهما صار

الواحد يكون واعي بحالته ... ولازم يخبر بها ... ويسلم الطفل في حال كان حاسس نفسه مايستحمل ....

عشان مايورط عمره في مشاكل ....

والمنتحر يكون وصل لدرجه مايعرف شو يسوي .. مخه وقف ... يريد يقتل الألم مب ينهي حياته ولكن

نهاية الألم هي نهاية حياته ...

نعم في ناس يظنون المنتحر انسان غير سوي .. ولكن هو يريد يسكت المه ..

[السنقباســـية]

الحمدلله اختي انج رجعتي ... حتى انا ياني اكتئاب وكنت كارهة نفسي ... بس الحمدلله كلامج وايد مفيد ويساعد ع تخطي هالمشكلة ... والله يثبت الجنين وتستانسين بشوفته يااااااااااااااارب وتكونين بخير وصحة وعافية

[حورية الجنة]

ما شاء الله عليج أختي راقية بطبعها

الله يحفظج من كل شر ..

[BENT LEMRAR]

ماشاءالله يا راقيه الف الف مبرووووك والله يتمم حملج على خير حبيبتي.....

[احلى بعفويتي]

الحمدالله على السلامه
معاج في هالكلام الوحده من تربي ممنوع تطلع و ممنوع تزين وممنوع تمشي والرياضه تعتبر خطر وعيب و قسوه ماعرف ليش
وتم عند امها مخلله 40 يوم
والريال بعيد عنج وانتي شاله مسؤوليه اليهال و النونو اليديد

غلط هالشي
انا مع ان الوحده تريح 20 يوم وعقب ترجع حياتها طبيعيه عقب ما تفتح الخياطه
تسوي كلاسات مشي ..
تروح كلاسات ايروبيك
تطلع ويا ريلها و الصغاريه تغير جو
تسويلها جدول حلو

عندنا الوحده تم مخلله حتى الشنب ما تروم تشله غلط

الوحده قبل لا تربي لازم تروح الصالون جلسه تنظيف كامله
وتسوي فيشل طبيعي
وغير انها تسوي ماسكات للشعر بالصبار عشان يوم تربي هل الكم يوم الي بتم فيها متسدحه تكون نفسيه اوكي
وتتواصل مع خبريات مساج يون البيت يسولها مساج يريحها
او حتى في المستشفى تتصل في الهوم سيرفس مال الصالون وتطلب طاقم يون عندها المستشفى يعدلونها ويرحون اعصابها بدكير ومنكير و جي

غير ان تخلي ريلها معاها موب بعيد عنها ياخذ اجازه فتره الربا ويكون وياها
موب يسدحها سفره على تايلاند

[ريم العسووله]

السلام عليكم
شخباركم خواتي؟

أنا من زمان كتبت قصتي ومعاناتي مع اكتئاب بعد الولادة وكل التطورات والمراحل اللي مريت فيها لين ما تشافيت منه ورجعت طبيعية مثل ما كنت وأفضل الحمدلله و رديت لحياتي

كانت تجربة صعبة وقاسيه فعلا واللي خلاني اكتب هالموضوع اني اتواصلت مع صديقة عندي طبيبة أمراض نسا و ولادة وكنت أخبرها عن قصتي وقالتلي فعلا ماشي توعيه ولا تثقيف للحرمه الحامل في مجتمعنا عكس الأجانب عندهم كلاسات في فترة الحمل لتثقيف الحوامل وتوعيتهن وتدريبهن على كيفية التعامل مع المخاض والطلق والولادة و كيفية التعامل مع الحياة الجديدة و التغيرات الجسدية والنفسية اللي تصير بعد الولادة و كيفية التعامل مع الطفل والاهتمام فيه و حتى يعطونهم عرايس يطبقون عليهم يعني الشي حلو وممتع ومفيد نفس الوقت

و في كل قسم حمل و ولادة عندهم أخصائية نفسية تجلس مع الحامل خصوصا إذا كانت بكر اول مره و تتفهم مخاوفها و تسهل عليها الموضوع ، و تقول نحن في صدد تطبيق هالشي عندنا وبناخذ تجربتج عشان ننطلق منها وحتى نحن ك طبيبات معرضات لهذا الاكتئاب بعد الولادة و عانينا منه

و اللي بغيت أقوله لكم انا أن اكتئاب بعد الولادة مش سهل من أصعب و أقسى أنواع الاكتئاب و هو مش دلع بالعكس حالة مرضية تحصل بسبب تغيرات هرمونات الجسم بعد الولادة و تغير كيمياء المخ لدرجة ممكن توصل للانتحار أو قتل البيبي لا سمح الله !

و أي وحده تمر عليها هالحالة أو في بيوتكم أو خواتكم أو صديقاتكم لازم ما تستهينون فيها و تقدمون لهم الدعم الكامل لأن الدعم العائلي جدا مهم لتخطي هذي المرحلة و خصوصا من الزوج لكن اللي يحصل عندنا يخليها بيت أهلها فترة الأربعين و ما يزورها إلا مرات معدودة لأنه يستحي من خواتها في البيت و زيارات الحريم وهذا أكبر غلط لأن ابتعاد الزوج يسبب تفاقم حالة الاكتئاب بشده

و أي مخاوف تصدر من الأشخاص المصابين بالاكتئاب سواء كان بعد الولادة أو أي نوع من الاكتئاب لازم تأخذ بجدية لأن هم فعلا كيمياء المخ تكون متغيرة عندهم و يشوفون حياتهم كلها مالها قيمة وكل شي أسود في اسود بدون الوان وهذا اللي كنت اشوفه أنا فعلا وكنت اقول الموت ارحم لي من هالعيشه؟ لا تقولون قلة إيمان لأن الواحد يصلي ويقرا الرقية والقرآن والأذكار لكم الوضع هذا خارج عم الإرادة وصعبة مقاومته ويحتاج دعم و صبر و إرادة و قوية

يزاج الله خير عزيزتي كل كلامج حلو و سليم و لكن اعارضج انا في هالنقطة ،،، أفضل علاج لجميع انواع الاكتئاب و الامراض النفسية في العالم هو ذكر الله و التقرب الى الله ((( الا بذكر الله تطمئن القلوب))) الخلل ليس في الاذكار او الرقية او او او الخلل في اعتقاد الشخص نفسه بأن الاذكار و الرقية لن تعالجه و الخلل في طريقته بالتقرب الى الله ...

الاكتئاب ما بعد الولادة يخليج تكرهين نفسج و البيبي تحسين أن هو السبب في كل اللي صارلج وتكرهين الرضاعة و تكرهين الأكل والشرب ما تاكلين إلا قد ما تعيشين ويومج كله صيااح و حزن و تتخيلين أنج بتموتين و بتخلين هالبيبي يتيم و توصين عليه وتحسين أنج أم فاشلة ومب قد المسؤولية وما تستاهلين تكونين أم و عقلج ما يشوف إلا التشاؤم والجانب المظلم في كل شي وأحيانا يزيد القلق والخوف ع البيبي بصورة فظيعة حتى تخافين عليه من نفسج وطول الوقت متوترة وخايفه وتحاتين وما تقدرين ترقدين واذا غمضتي عينج تفزين خايفة كأنه حد يكتم نفسج و كله تبغين الناس حواليج وتخافين تيلسين بروحج و ينزل وزنج و تعب و دوحة و إرهاق هذا كله انا شخصيا مريت فيه وأصعب بعد و من خلال تجربتي عرفت عن وايد حالات حواليني

و أكثر النساء اللي عرضه للإصابة بالاكتئاب بعد الولادة هم اللي شخصياتهن حساسة و فيهن خوف و فوبيا اساسا من قبل الولادة تكون الصدمة وايد قوية عليهن وقت الولادة ما يتحملونها وانا دخلت في انهيار عصبي اضطروا يعطوني أبر مهدءات لأن انا شخصيتي وايد حساسة وكنت خايفه جدا من دخلت التاسع أفكر شو بسوي وقت الولادة ؟

و كذلك نقص الفيتامينات و المعادن و اختلال الغدة الدرقية و جرثومة المعدة تكون أسباب عديدة ل الاكتئاب بعد الولادة وانا شخصيا كان عندي نقص حاد في فيتامين دال كان 5 و عطوني كورس حبوب و عقب ما ارتفع الحمدلله اتحسنت مع الاستمرار على الرقية و الحجامة و الماي المقراي وساعدت نفسي كانت عندي إرادة

أهم نقطة ابتعدوا نهائيا عن العلاجات والحبوب النفسية لأن مفعولها مؤقت و تغيبج تخليج تنسين حالة الاكتئاب لكن ما تعالج و تأكدوا أن كل وحده هي طبيبة نفسها و هي اللي بتساعد نفسها في أنها تطلع من هالحالة و طبعة ضروري جدا دعم الاهل و الزوج بشرط عدم التعاطف والخوف الزايد والحرص لأنه يفاقم الحالة مثل هالعبارات السلبية : حرااام / مسكينة بتموت / حالتها حالة / هاي اكيد عين / شلوا عنها البيبي خلوها ترتاح / لا تتحركين / لا تطلعين / لا تاكلين هذا الأكل / لا تيلسين انسدحي .. الخ هاي الأمور كلها تزيد الاكتئاب أكثر ما تساعد ع العلاج بالعكس الحل انهم يخلقون لها جو من المرح والوناسة و الطلعات و لمة الصديقات و يخلونها تنشغل ويا البيبي و تشغل نفسها و يساعدونها تمارس الأشياء اللي كانت تحبها وتاكل اللي فخاطرها و تطلع مع زوجها تغير جو لأنها جيه بتنشغل وبتندمج وما بيكون عندها وقت للتفكير و شوي شوي بالتدريج بتطلع من حالة الاكتئاب اما اللي حاصل عندنا كل شي مب زين وقت النفاس و غلط وعيب ومنقود و ضار وهالشي يكبت المربي أكثر ! شوفوا الأجانب عقب أسبوع تحط البيبي في القاري و تطلع تتمشى و تصور ونحن الوحدة يوم تربي يسدحونها تقول فيها شلل الأطفال استغفر الله

و أهم شي في مرحلة العلاج الحجامة يا خواتي الرسول صلى الله عليه وسلم قال إنها داء لكل دواء و ما ينطق عن الهوى عليه الصلاة والسلام لأن الحجامة فعلا تجدد طاقة الجسم و تجدد النشاط والحيوية وتطرد الموجات والشحنات السلبية كلها تخرج مع الدم الفاسد والواحد عقب الحجامة يحس انه خفيف و مرتاح و كأنه جبل انزاح عنه و انا استفدت منها وايد الحمدلله مع العسل الطبيعي الخالص و ماي زمزم والماي المقراي للشرب و الغسول و الاستمرار ع الرقية الشرعية الحمدلله هذا اللي ساعدني اني اتخطى هاي المعاناة و كورس فيتامين دال و اعتمرت عقب ما رجعت من العمرة حسيت بالراحة والطمأنينة والسكينه والهدوء الداخلي وهناك كنت اغتسل بماء زمزم جزاه الله خير أبويه كان يقرا ع الماي آيات الرقية و يعطيني اغسل شعري و جسمي كامل

انا ذكرت تجربتي بالتفاصيل للفائدة والعبرة وعشان تساعدون أي وحده تمر في هالمرحلة و أسأل الله أن يجعلها تكفير عن الذنوب والخطايا و الله إذا أحب العبد ابتلاه و ان شاء الله يكون هالموضوع في ميزان حسناتي ..

و في النهاية أبشركم اني رجعت مثل قبل وأحسن الحمدلله بفضل الله ثم وقفة أمي وابويه ودعواتهم ودعاء الناس اللي يحبوني ولأني انا كانت عندي إرادة ساعدت نفسي و سويتلي بزنس صغير و داومت و شغلت عمري والحمدلله اتميزت و حققت إنجازات وايد اقدر اقول اني راضية عن نفسي و الحين ما شاء الله حامل بالبيبي الثاني و الخبر الحلو أن هذا الاكتئاب ما يتكرر بعد والولادة و ما يصير للمرأة إلا مره وحده و الله يبعده عنا وعنكم اجمعين

[احتاجك..]

انا اشوف انه القرآن احسن حل ل هالحاله
تشغيل قران + المحافظة على أخذ ورد يومي كا يوم من القرآن والاستغفار الدائم
والاكتئاب وهالسوالف احسه سوالف اجانب بس نحن دينا يحصنا والحمد الله على نعمة الاسلام
الحمد الله ع سلامتج حبيبتي ..
وين تربين ان شاء الله وتقومين بالسلامه .. استغفري وايد ودايما وكلي أمرج لرب العباد في كل ذي

[أم كرموشه]

حاسه فيج حبيبتي واااااااايد عشت هالشي بولادتي الاولى ولاني ما تعافيت منه استمر معاي يزيد ويخف متقلب 😣 وبعد الولاده الثانيه ولين احينه مب عارفه مرات احسني الحمدلله ومرات اكون في الحضيض بس احينه بديت احاول احل المشكله جدياً مركزه ع الموضوع وريلي بيساعدني خلاص ناويه اعالج نفسي اهم شي احصل نفسي اللي مادري وين اختفت من الضغط والمسؤوليه صعببب جداً صعببب انا بصراحك حتى قبل لا اتزوج كان عندي كنت وايد تعبانه من الجامعة مريت بمواقف وصادف اشخاص واشكال كرهوني وزيادة الضغط خلاني اكتئب واتمكن مني نفس ما قلتي اتييج افكار غريبه استغفرالله وطبعا القرب من رب العباد يخفف هذا الشي بس في حالة الاكتئاب الواحد مب حاس ابعمره وبعد الولاده لا مجال من بيي اصلي الياهل يصييييييح ما تعرفين تصلين وكم ركعة وشو قلتي كل شي يتلخبط التقصير يزيد يادوب حتى رقاد ما ترقدين وووووو وايد امور ما بطول الله يعييينا والحمدلله على سلامتج ودعواتج عقبالي تعبت من هالحاله وهالشي مأثر فاللي حولي خصه زوجي وبنتي البجر وايد اعصب واخرب الطلعات وما آكل وكئيبه مرات جي يعني فجأة اظحك وفجأة ما ابغي اسمع حسكم طفرتوا فيني ع الدقه ولاسباب تافهة اصيح وووو سوري قلت ما بطول هههههه يااااارب يااااااارب الله يعافيني ويعييني يااااااارب يتحقق كل اللي اتمناه بكل يسر والله يحفظكم جميعاً ويبعد عنكم الامراض