وين تحطي الخدامه لو طالعه برا مع زوجك

[عسولة قلب نفسي]

بنات الله يخليكم كل وحده تقول وين تحط خدامتها لو هي طالعه..واللي تحطها بالبيت لحالها هل تسكري عليها باب الشارع او كيف تسووون..شورو علي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[s_h_w_a_5_y]

عاادي سكري باب البيت ألي بالداخل وكلميهااا قوليلها أنا طالعه ألحين وبرجع المغرب ... أو عطيها شغله بتلبيت تخلصها يلين ترجعين لها مثل الكوي او تسوي عشاء أو اي شي... وتقدرين تودينها عند جيرانج أو اي حد بيته قريب من بيتج تودينها عندهم تساعدهم يلين ترجعين وتاخذينهاا ... ^^

[مكلارين]

انا في بيت اهل ريلي فعادي البيت ما يخلا

[أم محمد1988]

أنا بصراحة أخليها تقر فالبيت .. لأنه الخدامات اذا تجمعوا يخربون بعض

ما أقفل عليها الباب .. وما أخبرها وين سايره أو وين يايه .. هي تخلص شغلها وتتعشى وترقد

[رومنسية 84]

انا اذا بروحها اخليها في البيت و ابند باب البيت ها شيء اكيد , شدراني يمكن تييب ريال و ابند باب حجرتي لانه اكتشفت وحده من البشاكير كانت تلبس لبسي الله يغربلها حتى ملابس النوم الغالية و بعدها بالتاق تلبسها و تتصور فيها .. وانا خبر خير بس الحمد لله تعلمت درس حجرتي تتبند و ليش اصلا اخليها مفتوحة لها !! و اذا عيالي وياها بيتمون بوديها بيت خالتي و اخليها عندهم و تجابل الصغارية لين ما نرد

[love rak]

خليها بالبيت بدون عيالج يعني لا تحطين حد من لعيال وياها
وعطيها شغل يطول مثل غسل حوي
أو خليها بروحها بيت عمتج بدون عيال لا تأمين وي حد من عيالج

[نسايم روح]

انا اشل عيالي وزوجي ًواخليها في البيت عندها فون بس ماخبرها شكثر باغيب ساعات اشل شنطه بس عشان تحط في بالها اني بغيب فتره ووتفاجا ارجع نفس اليوم وعن اقفل الباب لا هي اوردي غرفتها برع

[مالتيزرس]

اخليها فالبيت تسوي لها عشا ..واحيانا اقول لها ترا ماراح اتاأخر عسب لاتاخذ راحتها وايد ..وساعات يوم اطلع ادق لها تلفون تسوي عشا للبيت عسب تحصل لها شغلة تلتهي فيها وابد ما اقفل لها البلب سبحان الله يصير شي وللا شي حرام بعد هاي انسانه بس غرفتي اقفلها واشل المفتاح ..وهيك شي
وع سالفة الاخت رومانسية ترا وايد شغالات سون سواية شغالتها يلبسن ملابس حرمة البيت ويتصورن بها فحذاري تخلون الخدامات يغسلن ويكون قمصان نومكن لانها هاي انسانه واكيد بتهزها نفسها بيوم من الايام وتلبس وتجرب ..واتم تتخيلج كيف تلبسينها .

[راقية بطبعها]

انا اذا عندها شغل اخليها تشتغل فالبيت و أقولها اقفلي على نفسج الباب و احط عندها نسخة من مفتاح البيت واقولها خلصي شغلج و سويلج عشا و ارقدي
و إذا ما عندها شغل وطلعتي طويله انزلها بيت امي عند خداماتهم تتونس معاهم و تساعدهم
حطوا نفسكم مكانهم يضيجون يوم كامل بروحهم فالبيت و الباب مقفول عليهم لا أنيس ولا ونيس ! نحن بننفجر الصراحة ما نتحمل
و خصوصا اني شرطت عليها من المكتب مافي موبايل
و مافي طلعه للسكة و الدكاكين وأي شي تبغيه انا اشتريلها من فلوسي و اللبس يونيفورم رسمي قطن واسع و مريح للبيت وحجابات ملونة
و للطلعات والعيد اشتريلها قمصان طويله لين الركب وجنزات
* و نقطة مهمة لا تقفلون عليهم وتطلعون سواء عيالكم وياهم ولا بروحهم لأن هذا غلط مب من احتياطات السلامة بعيد الشر اذا احترق المكيف ولا اتسرب الغاز ولا انفجر السخان لا سمح الله كيف بيطلعون من البيت ؟ أنا ضد هالشي نهائيا لأنه يخوف وهم بشر و أمانة عندنا

[ام عبييد]

انا فملحق ف الخدامه يعني ماافكر وين اخليها ماشاءالله خمس خدامات عند عمتي ف عادي يوم اطلع اقفل البيت

[احتاجك..]

خليها روحها فالبيت تخلص شغل او تكوي

[احلى بعفويتي]

انا وين ما اروح تيي وياي لان عندي عيال صغار ومالي بارض اراكض وياهم ..
اي مكان تيي معاي
بس مره خليتها في الشقه قفلت الباب و صكرت النت و ما خبرتها وين بروح
رديت وهي منظفه وراقده

[المووووج]

خليها في البيت كم بتمين تودينها منه ومناك
وعطيها شغلة تشغلها وتلتهي فيها ولا تعطينها وقت ردتج متى

[ملكة الاحاسيس]

خليها بالبيت قولي لها عندي مشوار ولا تقولين وين وكيف ومتى تردين هاي خصوصياتج

[ملكة الاحاسيس]

وطبعا غرفكم تتصكر وغرف عيالكم ..