لما تين تركبين اللفت...؟

[M-Alshehhi]

لا طبعاً و أصلاً مستحيل أطلع
مكان عام بدون ريلي .

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

خواتي لا تكبرن الموضوع وتدشن في فتاوى واشياء ثانية
وبعدين اذا وحدة رضت تركب اللفت بوجود ريال مب معناته انها قليلة ادب او قليلة حياء
هي مب راكبة وياه طول العمر ولا راكبة عسب تدق سوالف وخصوصا لو المكان عام

انا عن نفسي اي حد يقول تفضلي بقول شكرا

[الرفيعة]

اذا ركبت وقبل لا يغلق الباب دخلوا دفعه من الرجال اقول لو سمحتوا وااشر للباب كخروج واطلع
لو كنت واقفه انتظر لو حتى 5 دقايق او 10 حتى يروحون واركب في اي مصعد خالي
تراهم ما يحسبون اي حساب لا للدين ولا للعادات
مره وحده فتح المصعد وانا في الدور ال 12 وابغي انزل وهم يايين من فوق وسمعت واحد يقول لأني رفضت اركب هاذيل يبون مصاعد خاصة لهم
تمنيت لو قدرت ارد

[ملاآك قلبكـ،،]

انا عن نفسي اركب لان المولات مصاعدها زجاج
والدوام مايتعدا كم طابق
المحترمه اتم محترمه لو كانت بين 100 ريال
مانقدر نحكم عليها من لفت يمكن مايتعدا دور واحد حتى

[طيبة*قلب]

قبل لاجي الامارات كنت بالسعوديه اذا رحنا لمكه او المدينه وبيركب معي رجال شو ماكانت جنسيته اخرجه اذا كنت انا قبله
واذا اهو قبلي انتظر المصعد يجي ثاني

هني بالامارات السكن والاجانب خلاص تعودت عادي اركب
بس لاسلام ولا شي سكتم بكتم دامي متغطيه وبعباتي بس الله يسامحنا

بس اذا ركب مواطن طبعا مقدر اطرده احس بفشله لكن اذا كان قبلي مواطن ماادخل

[مس ميم]

هههه انا و ما اطلع بروحي بس في حالات مثلا رايحه المستشفى او بشتري هدية لريلي

ما أحب اتداخل مع رياييل و أحب أكون ساكته لو صار الموقف مثلا انا فاللفت و دش وياي ،،

ياخي استحي

[yummy mommy]

ادير ظهري لو حصلت ريال وابتعد عشان اللبيب بالاشارة يفهم .. يعني اتفضل خلصنا وروح عشان نركب اللفت من بعدك .. لازم الحرمة برا البيت اتكون قوية وماتفكر بعاطفتها ..

[الوردة الجورية]

[QUOTE=طيبة*قلب;43816655]قبل لاجي الامارات كنت بالسعوديه اذا رحنا لمكه او المدينه وبيركب معي رجال شو ماكانت جنسيته اخرجه اذا كنت انا قبله
واذا اهو قبلي انتظر المصعد يجي ثاني

هني بالامارات السكن والاجانب خلاص تعودت عادي اركب
بس لاسلام ولا شي سكتم بكتم دامي متغطيه وبعباتي بس الله يسامحنا

بس اذا ركب مواطن طبعا مقدر اطرده احس بفشله لكن اذا كان قبلي مواطن ماادخل




هههههه

الإمارات او السعودية او لندن او امريكا

الرب واحد ونعبده هني والا هناك
والعبادة مب بس صلاة، سلوكنا كله اذا ارتجيناه لله فهو عباده

الخلوة محرمة هني والا هناك، بالعكس احس الاجانب يحترمونج اكثر اذا حافظتي على هذي الامور اللي

البعض يشوفها (بسيطة وماتحتاج تكبير) وهي عظيمة

والريّال ريّال لاتقولين عربي ولا اجنبي ولا مسلم ولا كافر كلهم واحد ونفس النظرة ونفس خلجات النفس

باتجاه المرأة
اذا شمة الرجل لعطر المرأة يجعلها زانية وماتقبل صلاتها الا اذا اغتسلت فما بالج بخلوة؟؟!!! حتى لو دور واحد (هي شمّة العطر وقتها كم جزء من الثانية؟؟؟؟!!!!،، حتى لو هي ها لوح وماعندها احساس.. الريّال اللي معاها بعد ماعنده احساس؟؟؟!!!!

طيبة قلب ماقصدج انتي بكلامي، ادري بج ستيرة اللبس وقلبج ابيض، بس لا تاخذج الموجة معاها، اذا انتشرت قلة الحياء خلج انتي حييّة، الحياء شعبة من شعب الإيمان، والحياء مب معناته السكوت! الحياء انج تحافظين على سترج وتلزمين كل واحد عند حده مايتعدى على حدودج

[laila226]

انا اذا كنت فالدوام اركب عادي😊... لكن في البنايات😲 ... لا طبعا أخاف ... أفضل اني اتريا المصعد ... أو استخدم الدري ...

[نانا الحيرانة]

انا هالموقف يتكررلي بعمارتنا يكون هنود عمال او مال سوبرماركت او الكوا
بس يوصل المصعد ادش قبله واخبطه بالبوك لبرا واقوله سير واحد تاني المصعد واسكر الباب واصعد ههههه مينونه بس شو اسوي ما يفتهمون وغصب يبون يدشون مع الحريم

[الفـــــــرس]

مافي شي اسمه يستحون على دمهم خلاص هالكلام راح مع اللي راحوا .. هالمواقف يبالها قوه .. اذكر مره كنت ف اللفت وانفتح ويا واحد يبا يركب قلت له سوري وانا ماده ايدي عشان يفهم انه يرجع وفعلا رجع وقال سوري .. ومره كنا في فندق وف اللفت انا وريلي ويت وحده اجنبيه مفصخه تبا تركب واللفت وايد ضيق جان ااشر لها بيدي واقول سووري وسكرت الباب .. قصورهم بعد هالاشكال ما يكفي ترسوا الدنيا بعفنهم

[الفـــــــرس]

انتبهوا من الدرج يا بنات لو تقعدون تنطرون لفت لين باجر لا تصعدون درج بروحكم .. مكان فاضي وعليه ابواب والله لو تصارخين محد درى عنج اننتبهووووا

[almal3ka1]

انا طاف
اذ الريال ايا كانت جنسيته يقولي تفضلي اللفت ويكون هو ضاغط قبلي اقوله مشكور وانت خذ اللفت وانا بتريا عادي
واذ اصر ادخل واشكره مره ثانيه واذ دخل عادي واذا اتريا اللفت الثاني بعد عادي
واذ انا ضغطت اللفت فطبيعي بدش جان حد دش وياي برايه ما اهد اللفت واطلع
الا هو كم دور شو بيسوي يعني ؟
لكن بعض الشواب انا روحي اركبهم وياي خاصه لو كانو مضيعين روحي اوصلهم للمكان اللي يبونه مب بس اللفت طبعا بعضهم لن شي منهم لواتيه وينعرف من شكلهم
بس اغلب الوقت احب استخدم الدرج من النادر ما اخذ اللفت

[almal3ka1]

خواتي لا تكبرن الموضوع وتدشن في فتاوى واشياء ثانية
وبعدين اذا وحدة رضت تركب اللفت بوجود ريال مب معناته انها قليلة ادب او قليلة حياء
هي مب راكبة وياه طول العمر ولا راكبة عسب تدق سوالف وخصوصا لو المكان عام

انا عن نفسي اي حد يقول تفضلي بقول شكرا

معاج و بقوه 100%

[mouzan7mod]

عن نفسي عادي ، بس لو اللفت صغير أقوله ترى مافي مكان ، بس أحيانا الهنود لا إحم ولا دستور يخشون عمارهم ، و طبعا أموت من ريحة الدهن أو ريحة الفلفل و الأكل إلي بثيابهم ،