التجمع السادس لكروشات (7-8-9) 2015

[ضحكة القمر]

شخباركم امهات وكروشات

انا اليمعه بدخل التاسع ان شا الله وللحين صامدون

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[3washi]

هي والله ضييق تعب والم وصاهر وموول الاكل ما ينهضم عندي مع اني امشي عقب الاكل 20 دقيقه كله احس برجع وبطني متروس وماشي رقاد ...

[Winter77]

انا كل يوم أعاني الام الظهر وبطني ،اقول ان شاءالله يزيد وتكون ولادة بس تختفي، بس التقلصات احس فيها كل ساعه ،بطني يتيبس، وقبل اسبوعين رقدوني فالمستشفى عشان التخطيط بين الام طلق، بس الرحم مافتح، من جي طلعت، والله عذاب الله يسهل عليناً،

[Winter77]

تسلمون خواتي اللي ردوا،،. انا سالت عن السدادة لاني ولا مرة حسيت فيها تنزل في حمالي قبل، يمكن اتطيح بدون ما انحس فيها ،

[tooota]

انا ولا حمل من حملي جفت السداده بس الي احس فيه الماي ينزل بس ومب وايد شوي شوي

بس هذا الحمل احسه غريب شوي من اسبوع ويع منان بس وماشي فاتح الله أيسر الأمور وتي تساهيل من رب العالمين


بس احباط ما قمت امشي ولا اسوي شي بس اشرب اشياء حفيفه الحين ما اعرف يمكن من الإحباط وقلت الرقاد

- - - Updated - - -

عويش الفرق بيني وينج ٣ ايام بس ربي يسهل عليج وعلي وعلى الجميع وتتسهل الأمور

[دانة ال]

شحالكن كروشات
من البارحه فيني الم وللحين صامده ماسرت
ياربىيكون الم ولاده يارب احس اني هلكت اليوم

. (اللهم يا مسهل الشديد ويا ملين الحديد ، ويامن هو كل يوم في أمر جديد ، أخرجني من حلق الضيق إلى أوسع الطريق ، بك ادفع ما أطيق ومالا أطيق ، وصلى الله على سيدنا محمد وعلى آله وصحبة وسلم )

[ام ميثا 29]

شحالكن كروشات
من البارحه فيني الم وللحين صامده ماسرت
ياربىيكون الم ولاده يارب احس اني هلكت اليوم

. (اللهم يا مسهل الشديد ويا ملين الحديد ، ويامن هو كل يوم في أمر جديد ، أخرجني من حلق الضيق إلى أوسع الطريق ، بك ادفع ما أطيق ومالا أطيق ، وصلى الله على سيدنا محمد وعلى آله وصحبة وسلم )

ان شاء ولاده يا رب.. و الله يسهل عليج.. بس انتبهي اذا الويع زاد وايد و ما رمتي تتحملين سيري المستشفى على طول..

[ام ميثا 29]

تسلمون خواتي اللي ردوا،،. انا سالت عن السدادة لاني ولا مرة حسيت فيها تنزل في حمالي قبل، يمكن اتطيح بدون ما انحس فيها ،

انا شفت السداده عزكم الله في الحمام.. و عقب ما نزلت عندي السداده ب ٣ ايام ربيت..
بس من نزلت عندي السداده بدا اييني ويع الطلق هال ٣ ايام.. كان خفيف و على فترات متباعده لين اليوم اللي ربيت زاد الويع و استوى كل خمس دقايق.. و عقب سرت المستشفى..
فالحين في حملي هذا اتريا السداده بعد..

[march.23]

الله يسهل على الكل يارب ،،

اليوم احس ما عندي طاقة !
و كل ما حد يشوفني يقول لي بطنج بعده فوق

الله يسهل ان شاء الله يوم الخميس بروح عند دكتورتي قبل لا تسافر
تشوف وضعية البيبي ،،،

و بالاثنين عندي موعد في لطيفة ،، اخاف يجيكون كم فاتح !
بالعادة من اي أسبوع يفحصون؟


و على طاري السدادة ،، أنا نزلت لي في ولدي لان قبلها كانوا مسوين لي تحفيز
و كان في سكر الحمل و ياني الويع بس ما كان منتظم

[Lady Reem]

مسا الخير كروشات الصامدات
الله يسهل عليكن و تربتن وتفتكن مثل ما افتكينا
الشهر التاسع سيء كله ترقب وانتظار حتى ما كنت انام.

وين شهرزاد ليش اختفت فجأة عسى يارب خيييير

[3washi]

الحمدلله انا اليوم رحت مشيت بالغصب نص ساعه ع البحر ..واحس بالم شديد تحت ماعرف شوو ها ،،!
ان شاء الله الم ولاده ويكون مفتوح عندي موعد يوم الخميس ان شاء الله خيير وتبشرني الدكتوره ..بس خايفه من الطلق الصناعي ..

[tooota]

انا بعد اليوم رحت بيت امي ومشيت نص ساعه وحاسه بشد في بطني وألم خفيف في ضهري


بس الم الريل اكثر والحين بشرب زعتر وبسبح بس شكلي يقول بعده وقت
ربي يسهل الامور

[3washi]

امييين يارب

[دانة ال]

مساء الخير كروشات
سرت الممستشفى قالولولي فاتح سانتي واحد بس ورديت البيت صدق احباط
عندي موعد الخميس ان شاء الله يكون فاتح بعد واربي احس اني هلكت اليوم من التعب

[ام راشـد]

انا شفت السداده عزكم الله في الحمام.. و عقب ما نزلت عندي السداده ب ٣ ايام ربيت..
بس من نزلت عندي السداده بدا اييني ويع الطلق هال ٣ ايام.. كان خفيف و على فترات متباعده لين اليوم اللي ربيت زاد الويع و استوى كل خمس دقايق.. و عقب سرت المستشفى..
فالحين في حملي هذا اتريا السداده بعد..

ام ميثا
مب كل ولاده لازم السداده تنزل
انا ببكري نزلت السداده
الحمل الثاني نزل الماي يعني انطر الكيس
وعقب لا سداده ولا ماي بس ويع لين ربيت
كل ولاده تختلف