من بعد ما اكتشف أهلي ..؟ حياتي لا تطاق

[السنقباســـية]

السلام عليكم ورحمه الله وبركاته ...

أكيد في منكن الي قرن قصتي :

http://forum.uaewomen.net/showthread...يرة?highlight=

طبعا أنا الحمدلله مسامحة هالانسانه وكل شيء وللحين في قرارة نفسي خايفة أكون ظالمتنها ... حتى اني البارحة وايد خفت وتميت استغفر لها ... ول نفسي ... ماقول هالكلام عشان اراويكم اني طيبة لا بالعكس والله خايفة اكون انا الظالمة لانه الحين هي مريضة وتعبانة وانا تكلم ومرات اطلع الي في خاطري لزوجي ... لاني صدق تعبت ... مشكلتي ... اكتشفت اني في بعض الاحيان وااااااااااايد احزن ويوم اذكر نفسيتي تتعب ومرات في خاطري اتكلم عن امي الي انا مب دراية عنها اي شيء ... لانه (( ابوي طلقها وردها بلادها وانا عمري 3 و عقب توفت مثل ما قالولي وانا يمكن عمري 10 )) الله يرحمها برحمته ... تخيلوا ما كان لي الحق اسال عن امي والا بنضرب او انسب ....الخ او اسمع كلام جارح عن امي ف انا لين كملت 22 سنة ماتجراات اسال الا لما رحت لأبوي ... وسألته ... وعرفت الحقيقة وانصدمت وصحت ........الخ ولكن من بعدها قمنا انا واخواني نعتمر عنها ونستغفر لها و ندعيلها و نتصدق عندها .... فديتها الله يرحمها ... المهم : أنا وايد قمت اتكلم عنها و زوجي كان يسمع وعقب قام يكتشف حقيقة اهلي ... اخواني وخواتي وزوجات ابوي ... ف قام يكرههم مع اني اقول له بالعكس هم زينين معاي الحين الخ الخ الخ وهو يقول هيه انا شفت هالشيء بس قال لي : خلاص هالعيد ماراح اعيد عليهم ... قلت له ليش قال خلاص عافت نفسي شوفتهم ... كره اهلي بسبت معاملتهم قال لي مب عشانج بس قصده ماحب بشر يعاملون الناس جيه ... والحين ممنوع اروح اعراس اهلي ... وعرس بنت اخوي قريب ... قال لي ماتروحين .... كيف وهي بنت اخوي!!!!!!!!!
وفوق هذا واااااااااااااااااااااايد مضايقة منه ... لأنه قال لي انا نعمة بالنسبة لج ... يعني انا طلعتج من هالمعمعة ! الحين انا احكيلك ماصدقت يكون عندي حد تقعد تجرحني بهالكلام ؟ وعقب نقاش حاد وضرابه طبعا ولا حد فينا رقد لين راح دوامه وهو معصب...... وتم يقول لي اسلوبج مب حلو وكله عصبية وكله ادخلين ماضيج في حياتنا ... قال خلاص انسي الماضي انا مالي ذنب اتعذب بسبب ماضيج ... واااااااايد انصدمت من كلامه قال لي تبين تعيشين معاي؟ لا ترمسين عن اهلج او عن ماضيج واي شيء اقولج قولي ان شاءالله وبس ... انصصصدمت والله ... أكلم منو بالله ؟ ....... ضاقت فيني الدنيا .... ومالي ملجأ او اي حد .. من بعد هالنقاش رحت اكلم ربي اني انا خلاص مب قادرة اتحمل اي شيء ف هالدنيا .... ياربي كفاية طفولتي بعد ... اتعذب من عقب الزواج ... انا مب يائسة من رحمه ربي .... بس يا ناااااااااااااااس انا ابا افضفض ... يعني يمر علي يوم بطوله مارمس .... ماتكلم ما قول حق حد اي شيء ... وفوق ها اترياااااااااااااااااااااه لين مايرجع الساعه 2 او 3 فليل عشان اكلمه استانس من اشوفه اخيرا برمس ...... ويصير شيء من الاثنين ..: يا يقولي تعبان برقد ... يا يقولي كلام فاضي ومب مهم ... يا يسوي عمره يسمعني عقب يقول لي انتي تسهريني وما تريحيني و متعبتني ومب مخلتني عايش ... انصعق عقبها ما ييني رقاد اطلع من الحجرة بكل هدوء وابكي .... تعبت والله مب عارفة اتصرف او اسوي اي شيء.... يعني كفاية متحملة انه هو مب ف البيت يقول لي ظالمتني .... ( يا نااااااااس يرجع من الدوام يتغدى ينام ويطلع ع طول ويرجع فليل ع الساعه 2 او 3 وعقب ينام ) هذا يعتبر انه معاي ولا مب معاي؟ ؟؟؟؟ فهموني اخاف فاهمة غلط.... يقول انا 24 ساعه وياكم ... سكت ماعرفت شو اقول ... لا رومانسية ولا شيء ... ولا قعده يقعد معانا ... ولا طلعات ... اذا وداني السوق يعني جمعية ولا خياط يول طلعتج .....(( لا والله صدق؟ )) نفسيتي جدا تعبانة ... وكله اقعد اكلم ربي .... حتى ماعرف شو اقوله .... ياربي حتى الفضفضة ممنوعة اونه اقطعي اهلج ...... مابا اي حد يتدخل في حياتنا ... خليج مستانسة في حياتج وخليني من ارجع البيت اشوفج مبتسمة ... لا تروحين عند حد .... و لا تسوين شيء .... يعني من عرست مارحت لا سينما ولا مولات ولا السوق نفس الناس ... جمعية اذا طاع والخياط لاني حاولت اسوي بزنس عشان يطلعني قام يذلني ع هالطلعات ووقفت ...... ابا توجيه والله ....... تعبت نفسيا مرات من كل قلبي ابا اموووووووت واروح الجنه بس مابا شيء ثاني ... مابا هالدنيا البائسة ... فيني اكتئاب و تعب .... لا تقولين صلي واستغفري الحمدلله مداومة و الي يقول اقري قران اسوي والي يقول سوي حجامة احتجم ........ الخ حتى هو مدلعتنه من ناحية الحفلات و الهدايا.. هو حتى هدية ماياب لي ... ولو وردة ... بعد ساكته والحين بعد ه1ا كله ماقمت اتوقع منه اي شيء .... ف عادي بردت من هالناحية مابا منه شيء يالسة في حجرتي في حالي مالي خص ف اي شيء ... اقعد اقرا ف المنتدى ... وبس ... لكن اتمنى حسن الخاتمة وادخل الجنه لاني مابا هالدنيا ... امي حليلها راحت وهي متحسرة ع عيالها ... وهي صغيرة راحت يمكن ف الثلاثينات .... بس ربي يجزيها الجنه باذن الله ... وانا بعد ابا هالشيء... لانه الحمدلله على كل حال لا من اهل ولا من زوج ...


الحين نويت اني اسوي كل حقوقه بس برسميه ... مشاعري كلامي احاسيسي فضفضتي .... لي ولنفسي ... لين الله يفرجها علي ... يعني بعامله باحترام وبقول له ان شاءالله ف كل شيء ... بس يتوقع اني احبه نفس قبل لا مستحيل ... احترمه واسوي كل شيء ( مفتاح ل دخول الجنة فقط ) ع قولته طاعة الزوج واجبة ... بس عشان ربي وجنتي ... ولكن انا مابا شيء من هالدنيا ... ابا رضا الله وابوي والجنة ... واشوف امي ف الاخرة ...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Yazi.90]

ياحبيبتي انتي والله قاعده تحملين نفسج فوق طاقتها ،،
انتي مالج ذنب وهو بعد ماله ذنب خلاص حبيبتي انسي الماضي
والحمدلله الحين رديتي اعتبارج قدام اهلج و الحين حالج احسن من اول بوايد
انا ماقولج انج غلطانه يوم فضفضتي له لازم الوحده فينا بتتكلم ولا بتنفجر ،،
بس حاولي وقت ماتييج الضيجه لاتفضفضين لريلج دوري اي حد ثاني
ربيعتج ولا بنت عمج دوري اقرب شخص لج من عقب ريلج ،،
و ريلج معذور والله يوم كره اهلج انا يوم قريت كلامج فالموضوع الاول عورني قلبي
وقعدت اقول حسبي الله ونعم الوكيل فما بالج بريلج يوم يحس ان زوجته حبيبته انظلمت ،،
حاولي تقعدين معاه بهداوه ومول لاتقولين له مشاكلج مع اهلج و لا تييبين طاريهم ،،
عيشي كل لحظه معاه وخلي بينكم خصوصيه وتكلمو فاشيا غير الماضي والهم والكدر
حبيبتي ريلج مثل اي ريال يبا وحده مبتسمه مب تتشكى وتتذمر
والله صدقيني كل الرياييل جي عزيزتي مب بس ريلج فلا تحاتين ،،
اذا تميتي على حالتج هاي صدقيني بيشرد من البيت وبيدور الراحه برا
و على الكلام اللي قاله " انا اللي طلعتج من المعمعه " ادري انها تجرح و مب وقتها
بس انتي سايسيه ولا تعصبين قولي له هيه فديتك انت راحتي من تعب هالسنين كلها
امدحيه وجاملي مب مشكله الريال يحب يحس انه بطل ،،
بس طبعا مافي مبالغه فالموضوع كل شي بحدود حتى لو كان مدح عشان مايشوف نفسه عليج

عزيزتي نحن هني فالمنتدى خوات وعلى قلب واحد ،،
والله يعلم هالقسم بالذات كلنا قلوبنا فيه على بعض لان نحن حريم ومالنا غير بعض
و هذا متنفس خاص لنا بروحنا بعيد عن الرياييل والبيت ومشاكله ،،
و اي شي يضايقج وحابه تفضفضين كتبي هني و ريلج خلي كلامج معاه فاشيا ثانيه ،،
والله يجعل ايامج اليايه كلها سعاده ف سعاده و يعوضج خير يارب ياكريم ،،

[لحنْ #]

حبيبتي اسمحيلي ، بس انتي الغلطانه
فعلا شو دخل ماضيج ؟ يعني احمدي ربج ان هايج الايام مرت وبعدج عايشه واهلج بعدهن معاج
خلاص مو تقولين سامحتيها ؟ عيل شو تستفيدين كل يوم تتكلمين عن هالامور ؟ انتي مب اول ولا اخر وحده عاشت هالتجربه حبيبتي
ماقلل من اللي عشتيه لكن اقولج ان انسي وابدأي حياه جديده
احس ريلج طفر من فضفضج اللي ماتودي ولا تجيب ، ماتغير شي غير ان تضيف جو " الكأبه " عليه وع بيتكن
غيري حياتج وغيري نفسيتج وغيري بيتج اختي .. تمسكي بريلج لاني بصراحه ماشوفه غلطان
مادري كيف حياتكن سوا انا ، لكن اقول يمكن طفش من الروتين مالج او فضفضتج الزياده ف بالتالي يبعد عنج
ها الطبيعي ، مايبا يكتئب الريال
ف ي عزيزتي ، ريلج مب غلطان بشي .. عدلي من نفسج ومن نفسيتج
خليج دايما مبسوطه وتضحكين ، امزحي معاه .. حببيه بنفسج خليه يتعلق فيج ، اي شي يقوله قولي حاضر
استخدمي دلعج والكلام حلو ، وصدقيني بيأثر عليه وبيتغير
ابدأي جي تدريجيآ ، غيري جوكن .. وقريب عرس بنت اخوج كلميه بهدوء وبحب ان تبين تروحين
ولو رفض قولي اوك ، وبوقت ثاني وبالوقت المناسب فاتحيه اقين
اهم شي لا توصلينها ل عصبيه او مضاربه ، لو حسيتيه بدا يعصب قوليله خلاص لا تعصب مابروح اهم شي رضاك
عيدي ترتيب حياتج اختي واقعدي مع نفسج ، لا تهدمين بيتج بتندمين بعدين ، بالذات لان لحد الحين " ماشوف " ريلج غلطان بشي
كله نتيجه افعالج ونتيجه جو البيت وروتينكم

# الله يستر عليج اختي ويسعدج دنيا واخره
لا تتمنين لنفسج الموت لان حرام حرام حرام ، بتتحاسبين ع هالدعاوي
الله يوفقج عزيزتي

[أم جسوووم]

عورني قلبي عليج اهم شي لا تتمنين لنفسج الموت لان صدقق حرام

[ام الغزلان]

افتحي صفحه يديده وانسي الماضي ولا تطرينه لريلج سامحي ولاتقطعين اهلج هذيلا صله رحم ولازم يحترم اهلج عشان خاطرج انتي واحتراما لج وماله دخل في الماضي

[رومنسية 84]

ياحبيبتي انتي والله قاعده تحملين نفسج فوق طاقتها ،،
انتي مالج ذنب وهو بعد ماله ذنب خلاص حبيبتي انسي الماضي
والحمدلله الحين رديتي اعتبارج قدام اهلج و الحين حالج احسن من اول بوايد
انا ماقولج انج غلطانه يوم فضفضتي له لازم الوحده فينا بتتكلم ولا بتنفجر ،،
بس حاولي وقت ماتييج الضيجه لاتفضفضين لريلج دوري اي حد ثاني
ربيعتج ولا بنت عمج دوري اقرب شخص لج من عقب ريلج ،،
و ريلج معذور والله يوم كره اهلج انا يوم قريت كلامج فالموضوع الاول عورني قلبي
وقعدت اقول حسبي الله ونعم الوكيل فما بالج بريلج يوم يحس ان زوجته حبيبته انظلمت ،،
حاولي تقعدين معاه بهداوه ومول لاتقولين له مشاكلج مع اهلج و لا تييبين طاريهم ،،
عيشي كل لحظه معاه وخلي بينكم خصوصيه وتكلمو فاشيا غير الماضي والهم والكدر
حبيبتي ريلج مثل اي ريال يبا وحده مبتسمه مب تتشكى وتتذمر
والله صدقيني كل الرياييل جي عزيزتي مب بس ريلج فلا تحاتين ،،
اذا تميتي على حالتج هاي صدقيني بيشرد من البيت وبيدور الراحه برا
و على الكلام اللي قاله " انا اللي طلعتج من المعمعه " ادري انها تجرح و مب وقتها
بس انتي سايسيه ولا تعصبين قولي له هيه فديتك انت راحتي من تعب هالسنين كلها
امدحيه وجاملي مب مشكله الريال يحب يحس انه بطل ،،
بس طبعا مافي مبالغه فالموضوع كل شي بحدود حتى لو كان مدح عشان مايشوف نفسه عليج

عزيزتي نحن هني فالمنتدى خوات وعلى قلب واحد ،،
والله يعلم هالقسم بالذات كلنا قلوبنا فيه على بعض لان نحن حريم ومالنا غير بعض
و هذا متنفس خاص لنا بروحنا بعيد عن الرياييل والبيت ومشاكله ،،
و اي شي يضايقج وحابه تفضفضين كتبي هني و ريلج خلي كلامج معاه فاشيا ثانيه ،،
والله يجعل ايامج اليايه كلها سعاده ف سعاده و يعوضج خير يارب ياكريم ،،

ونحن خواتج في الله اختي و ها رقمي اذا بغيتي تفضفضين 0504004566 و الله يفرج عليج و الله موجود عورتي قلبي تميت اصيح يا حليلج والله و احينه حاولي تنسين و الحمد لله حاولي تتواصلين ويا اخوانج من صوبج و تتجمعون و عوضيهم عن الحنان اللي افتقدوه و ان شاء الله الله يرزقج بعيال و تعطينهم كا الحنان

[jumana]

حبيبتي لا تيأسين كلنا خواتج هني


بس صدقه الريال لاتييبين الماضي وهو شدخله وماله ذنب انه يشوفج ومزاجج متعكر ونفسيتج تعبانه كل ماتذكرين ماضيج ... وكل ماتذكرين تصيحين وينعكس على نفسيتج والرياييل مايحبون جي

عيشي يومج بلحظتها ... ليش اتييبين وتذكرين الماضي وانتي عارفه لا بقدم ولا بأخر من شي بالعكس إلا ريلج بيطفر ...حاولي اطورين من مهاراتج ومن نفسج ...سوي الأشيااء اللي تحبينها


ونصيحه يابنات مب كل شي ينقال للريال سواء شي بالماضي او الحين .... وأبسط مثال شوفي يوم خبرتيه بدا يستقوى عليج ويقول لج أنا نعمه في حياتج ومنعج من هلج

[sa7el]

المفروض ما كنتي تخبرين ريلج عن ماضيج بهالتفاصيل كلها

وانتي كله تبين تفضفضين

الريال انصدم طبعا

واسمحي لي اقول لج ترى اللي بينكم من بعد وجفا
انتي السبب

لا تغيرينه
هو مب غلطان

انتي غلطانة
غيري عمرج،،،

استانسي
سوي لج جو
سيري صالونات

اعزمي ربيعاتج البيت عندج

بيني له شوي شوي انج انسانة قوية وشخصية
و شوي شوي بيعطيج حقوقج واكثر

كوني بشوشة
اللي صار انسي

وفعلا لازم شوي تبتعجين عن اهلج حتى لو هم اعتذروا لج
ولو سرتي لهم خليج زياراتج رسمية وقصيرة

وابد لا تستغنين عن ريلج

بيني له انج مرتاحة
عيشي حياتج

وشوي شوي انتي بتعوضين وبتشجعينه انه يعوضج


بالتوفيق اختي

[ام طحنوون]

انا مرة كنت متضايقة من الدوام وتحرطمت عند ريلي
اول مرة اتفاعل وياي وارتحت .. تعرفين شعور يوم تفضفين وحد يتفاعل وياج..

عقب كمن يوم بعدني متغصصه خخ وعدت السالفة عليه .. قال لي خلاص كم مرة بتقولين
شو بتسوين بعد هذا اللي استوا.. سويلي قهوة خخخ

قالي هالكلمتين عرفت انه مل وخلاص ماله داعي اعيد سالفتي.. ( شكله عيبتني السالفه لانه اول مرة تفاعل وياي خخ )

احنا الحريم نتحسب الرياييل نفس طبعنا .. لو فضفضتي لبنت او لربيعتج الف مرة عادي وبتعيد وبتواسيج وبتهديج
بس الرياييل (لا)
مرة وخلاص
هذا طبعهم .. اقري عن طبيعه الرياييل اكثر بتفهمين انه مايحب الحنة والتحرطم والكآبة والحزن .. حتى لو معاناتج هذي ومشكلة عووووودة فحياتج
خلاص يا ادورين حل يا ما تعيدين واتزيدين...

مابا اي حد يتدخل في حياتنا ... خليج مستانسة في حياتج وخليني من ارجع البيت اشوفج مبتسمة

هذا السبب اللي خلا ريلج يمنعج من زيارات اهلج واعراسهم ويتذمر من كلامج ومن حياتكم .. وما اييلس فالبيت وكله برع!!
(((( مايبا حد يتدخل في حياتج خلج مستانسية ويبارج تبتسمين من يرجع البيت )))) حطي الف خط تحت عالعبارة


عشتي معاناه وكلنا نقدر هالشي .. وانتي كتمتي فترة طويلة وبزواجج بغيتي تفضفضين كل اللي صارلج..
لانه هو اقرب واحن شخص عليج ...

فضفضتي مرة .. شرحتي عن حياتج واللي مضايقنج لريلج
سمعج وفتح قلبه واذنه لج..

تبين في كل مرة تعيدين وتزيدين بموضوعج يقولج حرااام ماتستاهلييين مسكينة انا لج آمري وحليلج
كلللل مرة بتعيدين ماضييج وتتوقعين يقول جي؟؟؟؟

(لا)

شي وانتهى

عيشي حياتج الحلوة الحياة الزوجية .. عيدي ترتيب اولوياتج
يوم للطلعه وسوق يوم عشا يوم تتمشون .. يوم فالبيت جو حلو .. يوم عشا من ايدج .. يوم لربعه
والله والله بتشوفينه منزرع فالبيت يتريا طبختج او يتريا الشي الحلو اللي بتسوينه له

الرياييل مثل اليهااال لو عرفتيلهم..

( باختصار: انتي مشكلتج انتي تتشكين وايد لريلج لنفس السالفة .. وهذا اللي مضايق ريلج .. انتي مب محسستنه انج موجودة فحياته .. محسستنهمشاكلج هي الموجودة في حياتكم)

اسمحيلي والله بس احسج وايد كئيبة انا يتني كتمة وانا اقرا كلامج عيل كيف ريلج اللي عايش وياج
انتي الحرمة فالبيت يعني انتي سعادة البيت والفرحة ..
اضحكي ابتسمي يوم يدخل عليج


اكبرررر غلط الوحدة تتشكى اول مايوصل ريلها من الدوام او برع.. لانه الريال هالوقت يكون تعبان يحب الهدوء والصمت فالغالب.. اسمعي دروس خليفة المحرزي .. اشيا واااايد بتفيدج كان يقول هالكلام..

انسي كل شي وابدي حياة يديدة حياتكم انتو الخاصة بغض النظر عن ماضيج (:

لاتزعلين من كلامي يمكن يكون قاسي عليج بس والله احب لج الخير .. وغامضني ريلج معيشتنه هالجو
نقص الحنان اللي فقدتيه في عزوبيتج عوضيه وخذيه من ريلج باهتمامج فيه وفبيتج .. بتلاقينه يبادلج ويعطيج بدون مقابل لانه يدري انج فاقدة هالشي وبيحن عليج اكثر واكثر والله ..

وهالشي بيريحج نفسيا وااايد لانج من الداخل تعبانه من اللي صارلج .. وتبين تفضفضين عشان تلقين الحنااان


(اتمنى اكون فدتج واسمحيلي على طولة الرد .. الله يوفق بينكم ويسعدكم .. ونشوفج كاتبة موضوع ثاني انه حياتكم تعدلت ^_^ )

[ام طحنوون]

بعطيج مثال :

دخل ريلج عليج البيت وانتي من قبل متضايقة وتذكرتي اللي صارلج قبل وحياتج احين بعد مب راضيه عنها

المهم دخل عليج وطبعا متضايقة وماسأل شو فيج وعصبتي عليه وتنرفزتي لانه ماهتم
تغديتو بدون مزاج لانج من الاساس كنت متضايقة
وهو معصب
ومحد منكم اتهنا بلقمته

((( او )))


دخل عليج ريلج وانتي متضايقة من الاساس
بس
رحبتي فيه وابتسامة خفيفة
مجهزتله الحمام
الغدا مفروش ومرتب
سألتيه شخبارك .. شكلك تعبان يبالك مساج عقب الغدا يالله خلص اكلك وكل شي يترياك

شوفي ردة فعل ريلج في الموقف الاول والثاني .. >>> مع انج متضايقة فالحالتين
ردة فعلج تحدد جو بيتكم وحياتكم .. خلج حكيمة فتصرفاتج

يمكن هو مايكون له مزاج ايي يتغدا او مساج عقب الغدا .. انتي بكلامج اجبريه مثلا هاليوم يرجع يتغدا بس باسلوب حلو
عشان مايقول زاقرتني شكلها متضايقة وبتتشكى وبيتهرب خخخ

(اتمنى تكون وضحت الصورة ^_^ )

[future dreams]

عزيزتي الله يبرد على قلبج ..
جربي وقت الفراغ تاخذين كتب واشغلي وقتج بالقرائه والبيت والزوج والعيال ..الماضي ماضي ما بيرجع وانتي افضل اللحين احمدي ربج على النعمه وانه الله عوضج بزوج يسمعج .. لا تخربين بيتج والسبب ماضيج ..
محد في هل الوقت ما عنده مشاكل وزوجج انسان يبغي يرد البيت يسمع الكلام الحلو الطيب

[ام قلبين انا]

الله يهديج محد يفضح هله. هلي لو شو ما سوووو يظلون هلي وهذا غريب لازم بيي اليوم اللي بيعايرج فيه

[أهلي عزوتي]

الماضي راح و ما تقدرين تغيرينه

بس عندج الحاضر و المستقبل

الحمدلله الآه عوضج بريال شكله يحبج ،،حببيه فيج و خلي نفسج تحبه

عوضي نفسج بنفسج ،،اهتمي فيه و خلج دائماً بشوشه دامه طلب هالشي

اذا تضايقيني سيري فرغي طاقتج السلبيه في الطبخ في الترتيب ،،حتى لو تسوين ميك أب تغيرين نفسيتج

أنا معاج انج تبين ريلج يحس فيج و يعرف اكثر عنج ،،بس خلاص نقطه و انتهى لانه مل من تكرار الموضوع ،،و أطن عرفتي طبع ريلج ،!

الأشياء اللي تضايقج ما عليه خبريه مره و فضفضي بس لا تكررينها

اللهم ياارب يسعدج و يوفقج

[راقية بطبعها]

مشكلتج عايشه في قوقعة الماضي حبيبتي مب قادره تطلعين منها و هالشي يعميج ما يخليج تشوفين جمال الحاضر و النعم اللي انتي فيها الحين !
تتوقعين كل الناس اللي تعرفينهم كانت طفولتهم و مراهقتهم سعيدة و مثالية ؟ لا طبعا بس كلهم ما يتكلمون و يكملون حياتهم و حتى المشاهير و الأدباء و المثقفين نسبة كبيرة منهم عاشوا في طفولة بائسة أو محرومين من الأم و الأب لكن هالشي ما حطمهم بالعكس كان نقطة ينطلقون منها للحياة و ينجحون و يعوضون اللي فاتهم ..
فكري باللي عندج الحين لا تفكيرن بالماضي لأنه راح و انتهى خلاص و إذا ما طلعتي منه بيكون مستقبلج نفس ماضيج و بتخسرين كل شي !
بالنسبة للزوج صدقيني هو ما يحب البيت لأنه متملل من سوالفج و حزنج و كلامج عن ماضيج وما تجذبه شخصيتج لأن الرياييل عقولهم و تكوينهم مب شراتنا يشوفون هالامور سخيفه و مالها معنى و خلاص انتهت ما يتأثرون نفس ما نتاثر نحن بهالمواضيع و مهما سويتي حفلات و هدايا ما بتجذبينه لانج مب يالسه تغيرين شخصيتج
و الحل صدقيني في الاستقلالية حاولي تعيشين حياتج و تخلينه جزء منها مب محور حياتج تترينه يرجع 2 ولا 3 الفجر عشان تتشكين له عن معاناتج و ماضيج و حزنج
خلي عندج إهتمامات و علاقات مثلا قراءة الكتب و الروايات بتوسع مداركج وايد و بتبني شخصيتج وبتخلي عندج مواضيع متنوعة تتكلمين فيها / تابعي الأخبار و احداث الدنيا و خلج مطلعه ع كل شي / اتعلمي تطبخين أشياء يديده يتفاجىء فيها / ادخلي دورة ميكب حتى لو اونلاين اذا ما عندج إمكانية مادية/ اشتركي في جيم بتحافظين ع رشاقتج و بيكون عندج علاقات و صداقات / ردي للبزنس مب عشان يكون حجه تطلعين من البيت لا لا عشان يكون عندج استقلالية مادية و تحسين انج يالسه تنجزين في حياتج .. صدقني هالامور كلها بتبعدج عن الماضي و بتبعدج عن الأكتاب و بتخليه يرد و ينجذب لج و يحب السوالف والطلعه وياج
و نقطة ثانية بعد شاركيه اهتماماته شوفي شو يحب و افتحي وياه هالمواضيع لا تحسسينه انج ما تفهمين في شي و انج انانية ما تفكرين إلا بنفسج و ماضيج ، و يوم يرجع البيت خلج مبتسمه مفرفشه اضحكي سولفي اتنططي عيشي حياتج كانج بنوته صغيرة لا تكبرين عمرج بالهم و الرسميات و هالامور ترى الريال يستانس اذا شاف عفويتج و يفتحلج قلبه لأنهم ابدا ابدا ما يحبون الحرمه النكدية اللي كله تتحرطم و تطلب و تتشكى و تعيد الكلام الف مره
و بخصوص الطلعات و السفرات مب لازم هو يبادر انتي افتحي النت الانستقرام طلعي صور أماكن يديده مطاعم مثلا قوليله حبيبي شو رايك في هالمطعم يديد يمدحونه خاطري اسيرله وياك أحس بنستانس و بنغير جو مع ابتسامة حلوة و دلع ..
باختصار حبي نفسج بتحبج الحياة و بتنفتح لج
و كلامي هذا عن تجربة لاني مريت بتجربة اكتاب حاد جدا بعد الولادة كرهت فيها زوجي و بنتي و حياتي لكن رديت متفائلة و أقوى عن قبل

[فديت ماماتي..]

استعيني بالله الغالية