ساعدوني مالي غيركم

**روز باريس** · 2015-06-29, 00:06

هلا خواني العزيزات حبيت أخذ رأيكم عندي خدامه يوم موراضيه تشتغل تقول مايكفيها رقاد لانها تنام عشر وتنش خمس الفجر ظهر ساعات ترتاح وساعات لا تقول ماتبغي مع انه بيتي دور ارضي خمس غرف وثلاث حمامات عندي خمس يهال هي بس تنظف وتطبخ أنا بروحي اشوف عيالي قولولي أنا ظالمتنها

المزيد من آخر المواضيع من نفس القسم:

**آحلى وجود** · 2015-06-29, 00:38

لا يا اختي مب ظالمتنها ولو تعودت ع الرقاد مابتشتغل وانتي بتتعبين وفالنهايه هي يايه تشتغل وتاخذ راتب مب ترقد وان اجوف زين انها ترقد 10 وتنش 5 بس فنفس الوقت يعني انتي يوم تحسين انها خلصت شغلها وماعندها شي قوليلها سيري ارتاحي ورقدي ولا اذا كان الكوي شوي قوليلها خلي الكوي حق باجر وريحي بس مب كل يوم تخلينها ترقد

**"زوزو1"** · 2015-06-29, 03:26

خلها تنام من 8 اختي احسن ترتاح

**رسايل غلا** · 2015-06-29, 03:37

نحن خدامتنا تنام 9 وتنش 6 الصبح واذا تبا تكمل شغلها هي بروحها اتم وتخلصه
خليها تنام من وقت وتنش من وقت

**أسيرة الماضي** · 2015-06-29, 10:13

الغالية .. كل بشكارة وطبيعة تحملها للشغل تختلف .. على حسب وزنها وعمرها وغيره .. فإنتي ريحيها بين فترة والثانية .. دامها اشتكت لج .. هذا معناه
ان فعلا ما تروم على الوقت المحدد لها .. ريحيها بين فترة والثانية .. او اسأليها شو الوقت المناسب حق نشتها الصبح .. وجربي غيري توقيت رقادها ..

**ورقة ناعمة** · 2015-06-29, 10:28

في بشاكير خمس ساعات رقادهم وفوق هذا مستمرات اعرف وايد من هالنوعية ,,,

المفروض 8 ساعات فديتج وانتي مب ظالمتنها وبعدين بهالوقت لاتقولين في ظلم للبشاكير هم ادرى بنفسهم وبصحتهم لاتحاتين فديتج

**فتاة مزيد** · 2015-06-29, 12:23

انا مشكلتي نفس مشكلة الله المستعان ينامن بعد اذان العشاء وينشن. ٦اذا في مدرسه وإذا مافي الساعة 8وبعد مب عاونهن وبروحي اشتغال الله كريم

**روز باريس** · 2015-06-29, 13:13

خواتي هي لو نشت ست اوسبع مابتخلص شغلها بروحها بطيءه مادري اقولها ظهر ارتاحي ساعتين تقول ماشي وقت مشكورات خواتي شكري خاص لام جود لكلامها الطيب

**ثريا 2014** · 2015-06-29, 13:18

الله يوفقج اختي

**ماحد شراتي** · 2015-06-30, 08:56

الله يعينج الغاليه

**احلى بعفويتي** · 2015-07-07, 12:05

لا والله متى عيل تبا تنام منو الي بيغسل الصحون لا حبيبتي لا تكبرين راسها
قوليلها ها نظامي
نحنا نداوم ونرد البيت ما نرقد ونجابل الصغاريه و نام ساعه 11 ونقوم من ساعه 6 مافينا الا العافيه وهاي تشتغل في البيت

**روز باريس** · 2015-07-07, 12:23

مشكوره الغاليه احلى بعفويتي

**رومنسية 84** · 2015-07-07, 17:14

الله عيين انا بشكارتي و حليلها تنام 10 و احيانا اقلها سيري نامي, تقولي لا بخلص شغلي و تتم تكوي للساعة 1 . و عقب تسير تنام بس ما ادقق وياها الصبح متى نشت , في العادة في الفطار تنش الساعة 6 و احيانا 7 و ما اقولها شيء الا اذا حصلت لين الساعة 11 و البيت بعده مب نظيف اما توقيتها في رمضان تنش الساعة من الساعة 8 لين 8ونصف و اذا في الليل طلعنا و رادينا للبيت متاخرين اقولها باجر نشي الساعة 10 و تجذي ..في الاخير هم بشر و نحن بشر نخطي و يخطون اهم شيء يا رب ما نكون ظالمينهم

الموضوع: ساعدوني مالي غيركم

أدوات الموضوع

عرض