مرحبا الساع سؤال بس

[أم البراعم]

السلام عليكم

رمضان مبارك عليكم وعلينا كل سنة وكل حول

نحن اشترينا أثاث من هوم سنتر

الشهر اللي طاف 25-5 وللحين ظل معاهم لان

بعدنا مانتقلنا نتريي الكهربا وان شاء الله

هالاسبوع بيوصلونها وسؤالي هل اذا ظل

الاثاث في التخرين اكثر من شهر يخترب

لان قبل اشوي اتصلت فيهم وقالوا لو اتاخروا

فالتخزين اونه يمكن الاثاث بيخرب وهم

ما يتحملوا المسؤولية وانا خفت الصراحة

وهل ممكن الاثاث يخرب فالتخزين

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

["زوزو1"]

لا حبيبتي ماظني يخرب مبروك مقدما

[مونتاج]

مبروك البيت اليديد ^^

اعتقد اذا مو مخزن بالطريقه الصحيحه ممكن يخترب
ان شاء الله البنات يفيدونج

[أم زمرده]

اللهم افتح لنا في شهرك الكريم أبواب فضلك، وأنزل علينا فيه بركاتك، ووفقنا فيه لموجبات مرضاتك،،، يا مجيب دعوة المضطرين

[أم البراعم]

مشكورات فديتكم والله يبارك فيكم

[ثريا 2014]

مبارك الشهر علينا وعليج اختي
لا اختي مايخرب اظن بس يقولون جي عشان تاخرتو عليهم
الله يتمم امورج على خير

[ناروتا]

اختي ما اظن بخترب لان الاثاث يكون ملفوف بالشكل الصحيح من الشركة المصنعه
لكن انتو اشتريتوا الأثاث وللحين ما اخذتوه وبالتالي انتو قاعدين تحجزون مساحة في المخزن مالهم وهم اكيد بيحتاجونها لبضاعه جديدة , فيقولون لكم انه بيخترب عسب تخافون وتشلونه بسرعه وتفضون المساحة
عموما لو تقدرون تستعجلون في توصيل الكهربا وتاخذون الاثاث بيكون زين
ومبروك البيت اليديد عساه بيت استقرار وسعادة وخير

[Yazi.90]

اختي ما اظن بخترب لان الاثاث يكون ملفوف بالشكل الصحيح من الشركة المصنعه
لكن انتو اشتريتوا الأثاث وللحين ما اخذتوه وبالتالي انتو قاعدين تحجزون مساحة في المخزن مالهم وهم اكيد بيحتاجونها لبضاعه جديدة , فيقولون لكم انه بيخترب عسب تخافون وتشلونه بسرعه وتفضون المساحة
عموما لو تقدرون تستعجلون في توصيل الكهربا وتاخذون الاثاث بيكون زين
ومبروك البيت اليديد عساه بيت استقرار وسعادة وخير

[المعآني]

انا اخالفكم الراي
هناك احتمال ان الاثاث يخترب وهم بلغوكم
حتى يخلوا مسؤوليتهم لاحقا
ظروف المخزن تختلف وممكن مب مكيف
غير الغبار و الحرارة والرطوبة
والاثاث مكود هناك على بعضه
فاحتمال يتأثر حسب خامة الاثاث واذا ملفوف
ببلاستيك وجودة البلاستيك و الخشب وغيره

[احتاجك..]

ماعتقد يخترق لو مخزن بالطريقة الصحيحة

[sa7el]

الحين الاثاث من يوم اتصنع في الصين
وتم هناك
وبعدين اتخزن عندهم
وبعدين اتصدر للامارات

وتم في مخزن الامارات الله يعلم شكثر
والحين يايين على شهر واحد بس يقولون بيخترب في التخزين

عصبي عليهم قولي لهم هاي مشكلتكم مب مشكلتي مب انا اللي بعلمكم شغلكم
دافعة لكم فوس كاملة ابا خدمة كاملة وللا بشتكي عليكم وسكري التليفون
حتى مال الستور مسوين لهم لسان بعد
والله الحين بنمشي امورنا على كيفهم

قولي له لو شفت عالاثاث شخطة وحدة نتفة ما بقبل الاثاث وبتردون فوسي كااااااملة
شوفيه حزتها كيف بيتادب
وترى هالمحلات يعطونج ورقة لازم توقعينها عقب ما يركبون الاثاث في بيتج وتوقعين انج استلمتي
لو ما عيبج شي واحد حتى لو شخطة بسيطة قولي له ما بوقع
صدقيني ثاني يوم بييب لج قطعة ثانية بيعدلها
لان هو محتاج توقيعج عالورقة،، لا توقعين لين تكونين راضية عن كل قطعة

والله يوفقج وبالبركة

[remalfala39]

عساه منزل مبارك يارب

انا سويت شراتج من سنتين وخذت وتم عندهم 3 شهور وعادي

[خمائل الزهر]

انا شراتج مزهبه الدوا قبل الفلعه شريت الاثاث من شهر 4 وللحين ما خلص البيت بس خبروني انهم لما بيبونه بياخذون 250

[ماما سلطان]

خواتي فديتكن غلط إنقول (مبروك) لأن معناها بروك الشيء.. مثل ما يبرك البعير... المفروض انقول بالبركة أو بالمبارك...

وبالبركة على الجميع يارب