كثرة الموظفات والحسد---نقاش حاد

**لحنْ #** · 2015-06-29, 17:47

المشاركة الأصلية كتبت بواسطة remalfala39

شو دخل العمر بالدراسة .... مال أول جي يفكرون الله يهداج

وانا وين كتبت ان حسب العمر ؟
اقري مره ثانيه

**Diana Sy** · 2015-06-30, 01:25

المشاركة الأصلية كتبت بواسطة remalfala39

شو دخل العمر بالدراسة .... مال أول جي يفكرون الله يهداج

أتمنى قراءة الموضوع ومتابعة الردود ثم المشاركة ...أقصد فيما يخص ردك على الأخت نبض.
المطلوب إبداء الرأي ومناقشة الموضوع لا التعليق على المشاركات.

**remalfala39** · 2015-06-30, 11:26

المشاركة الأصلية كتبت بواسطة نبضَ !*

وانا وين كتبت ان حسب العمر ؟
اقري مره ثانيه

فهمتيني غلط الغالية انا كنت اقصد اني معاج باللي كتبتية وزدت راي انه العمر ماله دخل بالدراسة

**remalfala39** · 2015-06-30, 11:27

المشاركة الأصلية كتبت بواسطة Diana Sy

أتمنى قراءة الموضوع ومتابعة الردود ثم المشاركة ...أقصد فيما يخص ردك على الأخت نبض.
المطلوب إبداء الرأي ومناقشة الموضوع لا التعليق على المشاركات.

كلتوني خواتي و اسمحولي يمكن ما وضحت عدل انا مع الاخت نبض في رايها

**Rema28** · 2015-07-01, 06:00

اللى استغرب منه هو استغرابج ليش الحريم رجعوا للدراسه !!
الدراسه لها منافع عده ..
1- تثقفج علميا من خلال التخصص اللى تختارينه وتفتح تفكيرج
2- تخليج معتمده اكثر على نفسج وفيها استقلاليه من الزوج او اهل ماتكونين عبء او ثقل عليهم في كل مره تطلبين فلوس أو اي شي
3- الحياة تغيرت وسبقونا خواتنا السعوديات والكويتيات وتولو اعلى المناصب والشهادات ف ليش احرم واحبط بنات بلادي بالعكس اشجهعم ( واايد بنات كويتيات وسعوديات متخصصات بالطب والهندسه ولا تحصلينهم ناجحين مب بس ف بلادهم حتى بالدول الاجنبيه لهم تكريم وحضور )
4- متطلبات الحياه زادت
5- الاسعار تغيرت عن زمان ماشي تم على حاله
6- القضاء على وقت الفراغ بشي يرجع بالفائده عليج وعلى مجتمعج
هذا اللى قدرت اذكره واكيد في اشياء واايده ماتحضرني إلحينه

اتوقع كل هالفوائد من تعليم وتوظيف المرأه وانتي مستغربه ليه يكملون
قولي لي شو بتستفيد الحرمه من يلستها بالبيت بتقولين تربي عيالها كل الموظفات يربن عيالهن مب عاقينهم
هيه وشغله اخيره .. عدد الاماراتيين اللى يملكون شهادات عليا كانت قليلا نسبيا مقارنه بالوافدين ف ليش نحرم بناتنا من الحصول علي اعلى الشهادات ونساعد على توطين الوظائف
وبالتالي الرزق بيد الرحمن

**اشراقة أمل** · 2015-07-01, 06:08

تعرفين اختي .. تقابلت مع زميله لي في الدراسه .. وهي متزوجه وعندها عيال ... وكانت متفوقه ... وتركت عشان زواجها من شخص ماتريده ... بعد سبع سنين

الحين تطلب الطلاق .. عشان زوجها مب زين وبخيل .... وتخيلي هلها كبار ومتقاعدين واخوها بادي حياته العمليه الحين وماعنده شي ... وخواتها مستقلات ببيوت والازواج ... وحده تشتغل يادوب ...

والحين بعد الطلاق الزوج سيء معها يريد يطردها من البيت وياخذ العيال ومايصرف عليها خلاص .. وتقول وضعي صعب ... وطلعت شهاداتها وتعلمت تسوق سياره ....

.. وتدور الحين شغل عشان تستقل بحالها .. وتدرس عيالها ...

!! وهذا كله وزوجها غني ... وتركته عشان اخلاقه ... وهلها كانوا ماسكين اشغال كبيره حتى أمها مديرة مدرسه.. ولكن كل شي له نهايه بسبب العمر !

فالحرمه لازم تعتمد على عمرها

الدنيا تتغير .. بس حسب النصيب ... في ناس امورهم مسهله في الاشغال في ناس الله كريم

**Rema28** · 2015-07-01, 07:49

المشاركة الأصلية كتبت بواسطة حياة بائسة

تعرفين اختي .. تقابلت مع زميله لي في الدراسه .. وهي متزوجه وعندها عيال ... وكانت متفوقه ... وتركت عشان زواجها من شخص ماتريده ... بعد سبع سنين

الحين تطلب الطلاق .. عشان زوجها مب زين وبخيل .... وتخيلي هلها كبار ومتقاعدين واخوها بادي حياته العمليه الحين وماعنده شي ... وخواتها مستقلات ببيوت والازواج ... وحده تشتغل يادوب ...

والحين بعد الطلاق الزوج سيء معها يريد يطردها من البيت وياخذ العيال ومايصرف عليها خلاص .. وتقول وضعي صعب ... وطلعت شهاداتها وتعلمت تسوق سياره ....

.. وتدور الحين شغل عشان تستقل بحالها .. وتدرس عيالها ...

!! وهذا كله وزوجها غني ... وتركته عشان اخلاقه ... وهلها كانوا ماسكين اشغال كبيره حتى أمها مديرة مدرسه.. ولكن كل شي له نهايه بسبب العمر !

فالحرمه لازم تعتمد على عمرها

الدنيا تتغير .. بس حسب النصيب ... في ناس امورهم مسهله في الاشغال في ناس الله كريم

هيه كلامج صحيح ترى والله الريل مب مضمون
ياما ناس متزوجين اكثر من ١٥ او ١٨ سنه تالي الريل يقلب عليها شووو تسوي الحرمه هنيه ؟؟؟ هذا السؤال الوظيفه ضروره
وصاروا الرياييل يستغلون هالشغله بالحريم اللى مب موظفات

**ام رشوودي** · 2015-07-01, 09:01

بالعكس انا مع التعليم اتمنى كل حرمة اطور نفسها بس للعمل يكون عملها مناسب لانوثتها

**~شوق~** · 2015-07-02, 09:25

المشاركة الأصلية كتبت بواسطة Cobon

اللي فهمته

الاخت تقصد ليش الموظفات و البنات ما يتساعدون و يعاونون بعض في الشغل و الدراسة ؟
و البنات يتسابقون منو الاكشخ و الاحلى و الارتب و اللي موترها افخم و اللي شهادتها اعلى؟؟؟
فعلا ها اللي حاصل
ساعتي احلى و الفان كليف مالي بو 5 وردات ب 16 الف مب بو وردة وحدة ب 5000 ؟
و ساعتي رولكس ب 30 الف احسن عن ساعتج اللي قوتشي ب 3000 ؟

مثلا انتي محتاجة شي هي تساعدج
انتي عندج معلومة و تخبرينها
شرات اللي تقول شريت جلابية و يوم تسألينها عن المحل
تقول لج احترق و الرماد نثروه في بحر العرب هههههههههههههههه

يا كثر ها الفئة والله في الدوام بس الوحدة تحاول تتأقلم و تجوف الجوانب الحلوة فيهم و ننسى سلبياتهم الارف

M

وايد هالاشكال

اللهم لك الحمد والشكر على كل حال

**احتاجك..** · 2015-07-04, 03:47

ههههههههه لا تعليق الخوات ما قصرو

**cute uae** · 2015-07-04, 04:07

المشاركة الأصلية كتبت بواسطة غزالة AD

مع نعومة.. اسلوبج انتي اللي يدل انج حاسدة ويالسة تراقبين الناس..منو درس ومنو اشتغل..شو فيها يوم الوحدة تدرس وهي فالاربعين؟ حتى الواحد ما يرتاح وهو يقرا موضوعج من اسلوبج..شو ها عفانا الله..
انا مادري انتي شو نوعية الناس حواليج بس مب زين انج تقولين هالشي فبوظبي ومحددة بعد..خير يا عمري.. لشو تبين توصلين بالضبط؟ فديتج بوظبي بخير ولله الحمد وناسها ينحطون عالجرح يبرا.. وكل مكان ترا فيه الزين والشين مب زين جي تعممين.

وبعدين اذا على الوظايف فالاماكن الحكومية ما يكتبون الجنسية.. انا احيد يكتبون للمواطنين فقط..الا اذا انتي مب مواطنة هذا شي ثاني.. ومادري انتي على اي نوع من الوظايف مقدمة. وظايف المواطنين يكتبون للمواطنين فقط. يبالج تركيز زيادة بس.

**miss_you** · 2015-07-04, 18:11

الله يرزقج بوظيفة الي تتمنينها عاجلا غير آجل

**اشراقة أمل** · 2015-07-04, 18:49

ان شاء الله تحصلين اختي .. ولاتحاتين ...

ولا تضايقين اختي اذا حد حصل وظيفه اعتبريها رزق من الله ... كل انسان له رزق في الدنيا ... وانتي بعد قريبا بتحصلينه ...

بس السعي مطلوب .. الحين انتي كتبتي موضوع وفي ناس اتهموك بالحسد ... لكن هل حد منهم حاول يدور معاك وظيفه او

يعطيكي لو مواقع توظيف! لا .. الناس تحب تنتقد بس ... فالافضل اختي تركزي انك تبحثين على وظيفه ...

ولا تدققين الناس ارزاق مكتوبه وكل رزق له حكمه ...

ولا تشتكين بس اكتبي مشكلتك بصوره عامه وعلى دفعات ولا تخصصي أماكن وجنسيات ....في كل مكان في شين والزين ....

في مواطنين اختي مب محصلين شغل من عشر سنين ..واكثر ... فعادي مب انتي اول ولا اخر وحده ...

والوظيفه تحتاج اجتهاد وشخصيه عندها عزيمه .... قصدي الحركه بركه ...

**التورمالين** · 2015-07-04, 22:21

**احلى بعفويتي** · 2015-07-05, 13:26

انا فهمت عليج قصدج الناس تغار من بعض ومتبا فلانه عندها شهاده احسن عنها
اتوقع هالشي موب حسد قد انه غيره محموده

وثاني شي ماعرف احس تتكلمين عن اجواء انا الحمدالله موب عايشه فيها
و وظيفه الحرمه سند في هالزمن بس موب اجبار الي تبا وظيفه وعندها القدره ليش لا تفيد وتستفيد

الموضوع: كثرة الموظفات والحسد---نقاش حاد

أدوات الموضوع

عرض

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

رد: كثرة الموظفات والحسد---نقاش حاد

المواضيع المتشابهه

الفرق بين العين والحسد !!!

العين والحسد؟؟؟؟؟؟؟؟؟؟؟؟؟؟؟؟؟

سبل الوقاية من العين والحسد

العين والحسد

العين والحسد