نصائح للعرايس

[صدى الغرام]

نصائح للبنوتات والعرائس لعام 2013




السلام عليكم بنوتاتنا الحلوات : هاي نصائح من وحدة متزوجة ومريت مثلكم بنفس التجربة الي اعتبرها اكثر من رائعة :

اولا بالنسبة للزهبة بنوتاتنا الحلوات لا تشترين وايد أغراض لان بعد العرس وايد اشياء اتروح موضتها وبتنزل اشياء جديدة وغير اشياء تضطرين اتوزعينها ، سوي جدول للاشياء الضرورية واساسية وجدول للكماليات او الاشياء الثانوية مع الوقت وايد اشياء بتحذفينها من لجدول ( وفري من ميزانية الزهبة مبلغ ممكن تحتاجينه بعدين )

ثانيا : بالنسبة لبطاقات الافراح اقعدي مع المعرس وادرسوا الميزانية بالورقة والقلم لكل مصاريف العرس ممكن اتوفرون وايد فلوس لا ادخلون حد هاي حياتكم وباجر إذا صرتوا مديونين محد بينفعكم

مثلا بطاقات العرس (الي مصيرها الزبالة ) + الحلاوة الي تتوزع بعد العشى + الكوشة الي حق ساعتين ......إلخ

لو درستوا الموضوع من جميع النواحي بتوفرون وايد فلوس انتوا احوج لها

همسة بإذن عروستنا الحلوة : الريال يحب الحرمة المدبرة من البداية خلي يعرف انج حرمة تعرفين كيف تتصريف مع الوقت بيسلمج الراتب لان عارف حسن تدبيرج

بين فترة وفترة فاجئيه بهدية خصوصا إذا كان شغله يخليه يغيب اسبوع وانت اتجهزين شنطته ( مو البشكارة ) خليه يتفاجئ بالهدية بتظلين بباله طول الوقت
من بداية زواجكم حاولوا مثلا تكفلون يتيم _اتساعدون اسرة محتاجة - ......إلخ
اتعلمي اطباق جديدة حتى لو كانت سلطات خليه ياكل من ايدج من من ايد البشكارة
قدمي الهدايا حق الناس الي يحبهم ريلج في المناسبات
من الفلوس الي وفرتوها من الزهاب والعرس حاولوا انكم تشوفون شخص ظروف المادية تعبانة اتساعدونه انكم تفكون كربيته او ادخلون فرحة لبيت علشان زواجكم يتبارك
واي استفسار من بنوتاتنا الحلوات حاضرة من عيوني

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صدى الغرام]

السلام عليكم ورحمة الله

البنوتات الي يدورون افكار للتوفير في مصاريف العرس

[lolatiy]

ماشاء الله تبارك الرحمن

الموضوع قمه فالروعه ومفيد وكل المعلومات اللي فيه قيمه

يزااااااج الله كل خير

[احتاجك..]

مشكورة الغالية

[senyrita]

مشكووووورة

[وردية الخد]

ما شاء الله افكار واايد حلوة

[بروود أعصاب]

مشكوووره عالنصايح وااايد

[bnooota]

تسلمين