ريجيم برمضان صحي للمرضع

[كركر]

السلام عليكم بنات
الله يخليكم ممكن تعطوني برنامج امشي عليه برمضان اقدر أنقص فيه وزني علا الأقل 4 كيلوا ولدي فديته سبع شهور وبديت ااكله بس بعدي ارضعه فياليت تفيدوني ياني الم المفاصل من الوزن الزايد
اللي تعرف برنامج تمشي عليه تفيدني
ومبروك عليكم الشهر

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[XOXP]

الله يعوده علينا كل سنه وكل حول

انا بعد ابا انزل وزني في رمضان ومب عارفه اذا الرجيم زين وانا ارضع ولا

وبسال عن الشاي وايد يمدحونه اسمه BOO TEA يقلون حلو وان يساعد انج تخسرين وزنج بس
انا ماجربته خفت قلت يمكن مب زين للمرضع الي عندها فكره اتساعدنا

[الــــدبـــــه]

الغاليات ختيه كانت تتبع نظام غذائي وهي مرضع
والحمدلله نزل وزنها واااااااااايد لأنها ألتزمت فيه صح


هي كانت مبتعده ابتعااااااااااد كلي عن شي اسمه نشويات ( عيش , خبز أبيض , معكرونه )

الريوق كانت تتريق خبز رقاق مخدوم بالبر مش بطحين عادي مع كوب عصير برتقال او تفاح او حليب فريش قليل الدسم وبيضتين مسلوقات وراس موز

عالغدا اول شي تاكل سلطه بدون ملح وتحط اللي تحبه من الخضار فيها وخلاف تاكل دياي مع روب او لبنه وخبز رقاق بس مب بالطحين العادي بالبر تسويه

بعد العصر تشرب شوربة خضار

عالعشى تتعشى لبنه مع خبز اسمر وخضره مطبوخه بالبخار اي نوع هي تحبه مب شرط شي معيّن

وكانت تكثر من شرب المااااااي وااايد

وكانت اذا حست بيووع وايد خلاص مش متحمله اليوع لأن أصلا الرضاعه تخليج تيوعين كانت تاكل كورنفليكس المخصص للرجيم مع حليب قليل الدسم

وكانت تاكل بكميات قليله مكسرات مثل اللوز والجوز والبندق المحمص وغير مملح

وكانت تمشي اقل شي نص ساعه واذا كثرت 45 دقيقه يوميا




هذا كان نظام اختي اذا عجبكن اتبعنه ماعجبكن على راحتكن
والسموحه

[الــــدبـــــه]

سمحيلي الغاليه كركر انا عطيتج جدول ختيه فالايام العاديه هههههههههه
وانتي تبين لرمضان
سمحيلي مانتبهت الا الحين

[كركر]

مشكورات حبيباتي
مسموحة اختي الدبة وما قصرتي بس ياليت اللي عندها شي مجرب حتا لو للكرشة
انا احاول اسوي تمارين خفيفة بس عشان الم الركبة عندي
بس الكرشة ناطة ومترهلة بالقو

[Ward-uae]

مبروك عليج الشهر
بالنسبة لي الرضاعة وشغل البيت ينقص وزني ورمضان انزل وايد
سحوري لبن وتمر قبل اذان الفجر او قرن موز او حليب فرش قليل الدسم مع قطعة كيك وحبة فيتامين وماي
على الفطور تمر ولبن اصلي المغرب وبعدها أفطر سمك مشوي مع خضار مسلوقه او شوربة ودياي مشوي او عيش ابيض وسمك مقلي او ثريد لحم او دياي ما احب سوالف المقالي شرات السمبوسا والباكورة والمعجنات وأخذ حبة حديد الدكتورة وصفتلي اياهم
بعد الفطور سلطة فواكة مقطعه او اغسله واقطع اللي ابيه ويح
اكثر شرب الماي
بعد صلاة التراويح بخذ لي قطعه رهش او كاكاو او كريم كراميل بس وأنام
لكن طول اليوم مع اليهال واطبخ واغسل واكوي واسوي رياضه البطن والعب معاهم كورة وارسم والون وأعلمهم 
ما اسوي رجيم لكن غيرت اكلي من انه يكون كامل الدسم لقليل الدسم واكثر سوائل وسلطات وفواكه وعادي اكل مجابيس ومندي لكن ما اكثر لانه احس انه دسم فأشبع بسرعه

[كركر]

مشكورة حبيبتي وما قصرتي انا بعد عندي شغل بالبيت واهتم بالصغارية ما عندي خدامة بس ركبتي تعورني بحاول اكثر من السوايل
واسوي اوربتراك علا الأقل ١٠ دقايق لانه لازم أنقص وزني

[Ward-uae]

اذا ركبج تعورج وانتي ترضعي معناته عندج نقص كالسيوم
اي فيتامينات تاخذين؟

[Cobon]

عمره الرجيم الصحي ما يأثر ع الرضاعة
كمية الحليب يزيد مع الاكل الصحي و الفواكه و العصاير الفرش و منتجات الالبان

- الابتعاد النهائي عن الخبز + الارز + المعكرونة بانواعها
- الابتعاد النهائي عن المشروبات الغازية
- الاكثار من السوائل و الماء و العصاير الفرش و الحليب قليل الدسم و اللبن لانج ترضعين و محتاجة كالسيوم
- الاكثار من السلطات و تبدينها في أول الوجبة مباشرة
- الاكثار من الشوربات الصحية و وضع الخضار و الدجاج فيها
- استبدال الخبز الابيض بالخيز الاسمر و افضل البروتين افضل من الخبز الاسمر
- مشي 30 دقيقة يوميا ع جهاز المشي
- مع لعب العاب مسلية و خفيفة مثل نط الحبل او الحلقة ( لتحديد الخصر ) أو ممارسة السباحة
- مع ضرورة تنازل حبوب : الفيتامينات - الكالسيوم- الحديد ( في حالة وجود نقص للكالسيوم و الحديد)