الزوجة الاولى....

[نسيمة الورد]

صباح الخير.. زوجي طردني من الملحق .. وانا الان عايشه في بيت اهلي .. واتى بالزوجه الثانية ..ولا سال عني ولاعن عياله .. ولا ينفق علي ..وبعد ثلاث سنين من الهجر ...واكتمل بناء البيت باقي شهرين وبيخلص..وبما اني ساكنه عند بيت اهلي جابلي ارض وقال انتي بنيها بفلوسج. وعيشي فيها قتله منو بيصرف علي .قلت له ليش .. وبيتي الي اترياه من ثلاث سنين على امل اسكن انا فيه وعيالي ..قال حق الزوجه الثانيه..وقتله وين الموده والرحمه بما اني الزوجه الاولى ما عندي احساس..ثلاث سنين ما تغير.. تركني . وانا اقول يمكن يرجع لي .. .شو رايكم .. اروح اسكن في البيت اخاف يطردني وبقول بيتي ..خلاص تعبت من الريال ما اعرف شو يبغي ..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ليندااااا]

حسبي الله ونعم الوكيل بالرجال الي تعرف تعدد الزوجات ولا تعرف العدل بينهم

[jameela200]

حسبي الله على كل ذكر يعامل مسكينة بهاي الطريقة

حبيبتي هو ماستحى ونكر العشرة وماخاف على عياله .. ولا حتى اهتم ..
انتي ليش ساكته خذي حقج بالقوة .. واحد حقير مثله ينداس ... لا تترين من هالشخص خير ..
انسان جدا اناني ... سبحان الله صنف فضيع ..

[أهلي عزوتي]

بأسألك بالله ،،انتي ليش ما ترفعين قضية طلاق و نفقة

شافج سهلة و مغلوب على امرك و داس فوق راسج

ما حد بياخذ حقج غير نفسج ،،سيري المحكمة و بطلقج منه و بيصرف عليج غصبن عنه ،،هذا غير الضرر النفسي و الهجر ثلاث سنين

ليش ساكتة عن حقج ،،

الهموم اللي فيج تزيد يوم عن يوم و انتي ما حركتي ساكن

أنا مستغربة من اهلج اللي ما اتخذوا موقف ينهي هالمهزلة

[احلى بعفويتي]

حبيبتي البيت حقج وحق عيالج مو حق الزهرمان اليديده

[um fay]

الله يكون بعوووونج..

[وردة صلالة]

البيت بيتك ولا تسكتين عن حقوقك اذا كان الريال عديم الإحساس

[ورقة ناعمة]

بالمحكمة الهجر ثلاث سنوات بيكلف عليها وايد بيحسبونها شهريا مدة ثلاث سنوات كم مصروفج وكم لازم يدفع وتعويض لج عالهجران

لو اشتكيتي بالمحكمة وايد بيتبهدل خليه يتادب هذا اذا كلامج كان صح ,,,,,

[أم حور26]

الله يعينج حبيبتي

وحقج بإذن الله ما يضيع

[love rak]

في نقطة غير مفهومة من المرة الي طافت والبنات قالولج روحي توجيه أسري وارفعي عليه قضيه وانتي مب راضيه ... في حلقة مفقودة بالموضوع ... المحكمة وياج 100%

[هجير الشمس]

شو تترين روحي وارفعي عليه قضيه ترى الحق وياج وهو اللي بيتوهق وبيتبهدل
لا تمين قاعده وحاير فكرج شو تسوين
المحكمه بتاخذ حقج غير جي حقج وحق عيالج بيضيع

[غلآ نفسي]

حبيبتي

لا تشتكين هني في سيدات الامارات

ما بتحصلين حقوقج هني

بتحصلينه فالمحكمه

رفعي قضيه واخذي حقوقج كامله مكمله

البيت دامه اول بيت ف هو للزوجه الأولى

واكيد هالبيت لج ولعيالج

هي اللي بتطلع وانتي اللي داشه

تحركي فديتج وتوكلي ع الله

والبيت بيتج انتي

واذا هو ما يعرف يعدل وما يقدر يصرف عليج واذا تحسينه بعيد كل البعد عن معنى (( الزوج )) الطلاق ارحم صحيح ابغض الحلال بس حلال

مع اني ما احب انصح بالطلاق خليها اخر حل وانتي مقتنعه مب معصبه وتتخذين مثل هالقرارات

خليج ذكيه خذي حقوقج كلها ك زوجه وام عيال

شافج ساكته استقوى عليج


بالتوفيق

[شهرزاد30]

أسأل الله يهديه و يصلح بينكم

[ام قلبين انا]

ماعرف يعني انتي اتشوفين عمرج تصبرين عشانه هو والا عشان رب العالمين والا يعني الصبر مخااويج ع طووول ؟!!

[ملاآك قلبكـ،،]

الحق معاج
ولو سرتي المحكمه بتحصلين ع كل حقوقج
وان بررتي تكتفين بالشكوى لنا
فنحن مابنفيدج بشي

تحركي قبل مايضيع حقج
واذا كان عندج عيال فالموضوع اسهل بوايد