ولدي من 3 شهور

[هنايف35]

ما أعرف شو أقول والا شو أخلي صار لي 3 شهور وانا تعبانه مع ولدي اللي عمره 8 شهور كله يصيح من يرقد الليل ينش الساعة 2 ويتم يصيح ويصارخ لين اربع الفجير واحيانا لين 6 تعبت وديته عند مطوع عطاني ماي مقراي عليه وارقيه وافتح له الرقية الشرعية وديته العيادات قالولي ما فيه شي مجرد غازات في بطنه قلت لدكتورة يكون راقد عادي وفجأة يتم يصيح ويصااااارخ واعطيه ادول قلت يمكن اسنانه امسح له الجل مال اللثة ماشي فايدة عطيته بروفين ماشي فايدة شو الحل مع هالولد تعبت تعبت تعبت تعبت والله العظيم تعبت قلت يمكن ابتلاء من ربع العالمين اقول الحمدلله احيانا اطلع من طوري انا انسانه اشتغل كل يوم يايه الدوام وعيني وارمات اللي عندها الحل تخبرني بتقولون يرضع طبيعي لا صناعي وغيرت له الحليب يوم استوى زين وعقبها انجلب انا احس غااازات الكل قالي الغازات تبهدل الياهل عطيته انفكول ما فادة هملايا ما فادة ماي غريب ما فاده هذا 3 ولد من عيالي انقذووووووووووووووووووووووووووني

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مالتيزرس]

ذكرتيني فبنتي يوم كانت صغيرة لا لي ليل ولا لي نهار نفس حالة ولدج ماخليت شي ماسويته وياها صياح ليل ونهار وياها حتى الكل اللي فالبيت تأذى منهاومن صياحها حتى انا خذتني حالة منها كنت اصيح وقلت عين ومادري شو ..
وهيه فيها غازات وصياحها متواصل ماينقطع والله كنت أصيح وياها والليل مانرقده الا ع طلوع الشمس الساعة ثمان كله من الغازات ..
اللي عليج استمري ع الانفاكول 3 نقاط ع ثلاث مرات فاليوم بعني الصبح قطرة وجيه ..
ادهني حوالين السرة مش داخل بعكس اتجاه عقارب الساعة مع شوية قطرة البوفاس الاخضر ..وحاولي تضعطي خفيف وطلعي الغازات

دهني بطنه فاليل بزيت زيتون دافي ..
رقديه ع ظهره وارفعي ريوله يعني اجسفيها ووصليها ع بطنه بحيث تسمعين صوت الغازات يوم تظهر ..سويها كذا مرة

وييبي مخده ورقديه ع بطنه وتمي وياه راقبيه عسب لا يختنق وتمي مسحي ع ظهره
فوري نعناع طازج مع ماي وعطيه فالمرضعة 2 مل .
وفوري له يانسون مع ماي ..

وجاي اطفال .


مابقولج بيوقف هو صياح بس ع الاقل بيخفف شوي اسالي مجرب ..

وبتكبرين وبتنسين ان شاءالله..

دعواتج لي الله يسهل ولادتي

[أم محمد1988]

حبيبتي في أطفال هذي حالتهم كله يصيحون ..

سبحان الله عندي بنوته من ولدتها لين كملت السنه وزياده بعد وهي كله تصيح .. حاولت معاها بكل الطرق ما نفع وياها ..

ما اعتقد بيفيد وياه شي لأن مثل ما قلت لج فيه أطفال كله يصيحون وعن تجربتي الشخصيه ما فاد مع بنتي شي ..


اذا بتجربين أطبخي له يانسون بالماي وعقب ما يخلص حطي له فالمرضعة مع حبه صغيره سكر نبات .. وان شاء الله يهدى شوي

[أم عذور]

حبيبتي مافيه الا العافيه إن شاء الله

ابتعدي عن الأدول والبروفين

وجربي حليب الماعز في وايد انواع وانا جربتهم حق بنتي

سوي له تدليك لبطنه وارفعي ريله وسوي حركه السيكل وايد تخفف من الغازات

دوم مسحي بطنه بزيت زيتون وكل ما تبدلين حقه الحفاضه سوي له تمرين

والله يحفظه لج

[حقيقة]

الله يعافيه ويعينج

بيكبر وبيبرج ان شاء الله

[bnooota]

فعلا جربي تسوين له مساج السيكل + عطيه بليل نعناع مع سكر نبات (قطعة متوسطة ولا 2 يكفي) تذوب ف النعناع الحار و خليه يبرد و شربيه بيهدي معدته و يريحه