ضروووري

[Ward-uae]

سمعي اذا شي مجال تطرشين له مسج تعتذري له بس عسب يتصل وييج بيت اهلج
من تصرف ريلج انه ما بيدخل بسوالف الحريم هذا عين العقل لكن شكله طفر وانتي شكلج وايد تشكين من اهله سوولي جيه وقالولي جيه يمكن اختيارج للوقت غلط يمكن يكون ياي من الدوام او يبي ينام او عنده مشكله مادية وانتي تزيديه لين ما وصل فيه الحال لجيه
تصرفه غلط انه يمسكج ويفر ملابسج وهو لازم يعرف انه اللي سواه بهذي الطريقة بيأذيج وبيأذي اللي ببطنج يحاول يمسك نفسه ويسمع كل الأطراف وإذا ترمسون عمج لو ريال كبير هو بيوصل لكم على حل
مشكلتكم مب الطباخ تبين انه كل وحده منكم شالة على الثانية شو السبب انتو ادرى ببعض لكن حل مشكلتكم عند ابوج وعمج وإذا ريلج يقدر يستأجر توكلوا او تتصلين للإسكان باجر تشوفين وين صار طلبكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dxb_love]

خليه برايه لا تدقين ولا تطرشين مسج لي ما هو يعتذر من نفسه

لا تنزلين من نفسج حتى ترضينه انتي مسويه الي عليج واكثر , وانتي مب طباخه عندهم

خلج معززه مكرمه فبيت اهلج يباج بيي هو من نفسه وبيعتذر بعد

[nayla79]

غاليتي.. رددي هذا الدعاء: "اللهم ياولي نعمتي وملاذي عند كربتي اجعل ما اخافه واحذره برداً وسلاماً علي كما جعلت النار برداً وسلاماً على سيدنا ابراهيم"
"اللهم يا مالك الملك ملكني قلب من أحوجتني إليه فإنت تقدر ولا أقدر وتعلم ولا أعلم وأنت علام الغيوب وأصلحه لي .. اللهم اصلح بيننا ولا تجعل بأسنا فيما بيننا وأجعل بأسك على عدوك وعدونا اللهم افتح لي قلوب غلفاً وأعيناً عميا وأذاناً صماً .
اللهم الجم فاه بكلمة لا إله إلا الله وأسكن غضبه بلا حول ولا قوة إلا بالله .
اللهم ارزقني حنان الزوج والولد ومالاً حلالاً بلا عدد وقراءة القرآن إلى الأبد"

[عذآب المزآين]

مشكوووره
ان شاء الله 💓

[future dreams]

كان الله في عونج اختي ..
عسى ما اي رمضان الا وانتي في بيتج مع زوجج وبنتج ..
حلو ان مرت الولد تطبخ لآهل زوجها لكن لازم يكون في مراعاه ..
وبعدين اللحين في طباخات المفروض الطبخ ما يكون عليكم لانه عندج طفله محتاجه رعايه وحامل ...
ما نلومج بس كان في طريقه ثانيه عزيزتي تحلين المشكله ..حتى بدون لا تتكلمين او تشتكين ...
في ايام دورج طبخي ،، وايامهم لا تسوين شي ...انتي مقهوره ليش التفرقه ...ماعليج منهم ..المهم هم يتصرفون ...طبخت بدالها شو يعني ..المهم انتي ارتحتي يوم ...وكل شي بالسياسه حبيبتي وبالكلام الطيب ...مواعيدج ومشاوريج لا تآجلينها ابدا ...
اللحين عشان ترجعين له البيت ..ادعي الله يحنن قلبه عليج ويهديه ويصلح حاله ...ومن ترجعين لا تتكلمين عن الموضوع ابدا هو شكله ما يحب سوالف الضرايب بين الحريم في وايد رياايل جي بعد ما تهون عليه امه وانتي بنت ما ترضين ع امج هو بعد يعرف انها غلطانه بس ما يرضى عليها شي طبيعي ..
انتي لازم تغيرين شخصيتج معاهم عشان يحاسبون ،،،ومافيها شي لو طبختي في بيتج اللحين اغلب الحريم جذي كل وحده تسوي شي وتحطه بالعكس يكون في روح التعاون ..حد يسوي العيش ..حد السلط ..حد الصالونه ..عوديهن على هل الشي وبيتعودون كله محتاج وقت و سياسه

[love rak]

حبيبتي انا اقول تصلين ركعتين وترفعين ايدج تدعين وبعدين تقرين سورة البقرة وتستغفرين 3000 أو أكثر ...
بعدين اطرشين له فيديو من يوتوب ب ظلم الزوجه
وطرشيله كلام مؤثر
مثلا :
فيس وحده ادمع
وبعدين لو يتصل لا تردين
طرشيله واتساب صورة مثلا الحب وعذاب وغيره
واذا يا أو اتصل مليون مرة ردي بصوت منخفض جدا .. وكانج تصيحين وتمي ساكته ردي بنعم ولا بصوت منخفض ..
بالنسبه لطردج هالموضوع ما ينسكت عليه ابدا ..خلي امج أو حد من اهلج اكلمه بالطيب ابوج أو امج حاولي اتفهمين امج اتكلمه بالطيب وأتقوله انا ما اتوقعت منك ليش سويت جي .. وخلي امج اتيبج اتحبين راسه وتكلمكم عن الحياة الزوجيه وتنصحكم ...واتقوله انت لازم إتحاول تحبب حرمتك لأمك واتحبب أمك لحرمتك. .. ومن هالكلام ...
وحبيبتي وانتي خفي لعمتج ... وإذا تبغين تكسبينها كل يوم هديه ومدح ودافعي عنها ...

[love rak]

نسيت اقولج اتفق وي ريلج اذا رضيتو انه اذا تعبتي في طباخ وغيره ايب من المطعم
وعي في شي بعد نسيت أقوله مرة ثانيه لو طردج لازم كنتي ما تطلعين من البيت وتيلسين ع قلب ريلج لما أي أراضيج وتحلون مشاكلكم بروحكم

[love rak]

وعمتج ما عليه لو زعلتج حطيها ع راسها ..وخليح دوم ساكته وما تشتكي من عمتج نهائيا

[love rak]

إذا امج أو حد من اهلج كلمه حاولي اتفهمينهم ما يطرون سالفة الطرد ... وإذا هو رمسج قوليله انا ما أحب اطلع أسرار بيتي وما حبيت اصغرك جدام اهلي...

[love rak]

خليج ذكيه ودوم اقري سورة البقرة واتقربيمن الله وايد لأنه هو الي بينفعج لا ريال ولا غيره بينفعونج شفتي طردج وانتي عندج بنيه

[غلآ نفسي]

ريلج اكس والسموحه يعني

الريال يقدر امه ويدور ع رضاها من صوب .. ويقدر ويرضي زوجته من الصوب الثاني

شو خلا لج احترام جدام امه وأهله ومرت حمييج ؟؟

لا تكلمينه بس تريي مكالمه منه

دام قالج سيري بتكسي ترييه لين يستوي التكسي مالج وايي ياخذج

عمري ما نصحت وحده انها تصبر عن ريلها بس انتي اقولج لا تبادرين الحين تريي فتره

هااا مب أسلوب ريال يتعامل فيه ويا حرمته ام عياله واللي صابره وتطبخ وتخدم اهله وهي أصلا مب ملزومه

بالتوفيق

[المعآني]

الغالية لا تقارنين بينج وبينها انتي عليج من نفسج
واتوقع يوم انتي تطرين سالفة ان هي ما طبخت هي ما احتشرت ولا سوت قصة انتي شدخلج ومن هالقبيل وهي انتي اللى عودتيهم يعاملونج جيه وهي تدلعت عليهم فدلعوها
كان ممكن تقومين بدورج في الطبخ ومن تدشين التاسع تدلعي وتمددي وقولي لهم ماروم محد بيسحبج من السرير للمطبخ صدقيني بدل القصة هاي كلها ..
سيري المطبخ اونج بتطبخين جهزي الاغراض وردي تمددي قولي مافية احس بدوخة وغيره .. ترومين تتهربين مثل ما مرت اخوج تتهرب وتسو نفسها مب فاهمة .. ولا تحتشرين لان هي ماطبخت كانج تغارين منها ولا تقلدينها لا قولي انج تعبانة ويلسي وصدق انتي في التاسع اكيد تعبانة !! دقي لريلج تروحون المستشفى تطمنون ع البي بي قولي بطني ثجيل اي شيء حطي ايدج بايده وتأسفي واعتذري من عمتج مب عشانها عشان تعيشين بسلام واصلا انتي تحديتيهم عسب جي قاموا عليج خليتي الموضوع كأنه انا اقدر اطبخ لي بس ما بطبخ لكم فكرهوج .. انتي انسي سالفة بطبخ لنفسي قولي لهم انج بتكونين تعبانة ومن تطلعين مت الاربعين بتردين تساعدينهم في الطبخ واكيد عمتج حرمة كبيرة مب معقول هي تقعد في المطبخ تطبخ كل يوم وانتوا عليكم تاكلون فاللى تسويه حميتج غلط بس بعد ماعليج تبا تغطي كيفها يمكن حامل بولد ويالسة تدلعها هاي سوالف العمات انتي ترومين تكسبينهم بدون ماتقللين من قدرج وريلج مابيوقف معاج ضد امه فلاتحطين نفسج في هالموقف مرة ثانية حاولي تكسبين أمه مهما كانت ولما تضايقج سوي نفسج ماتفهمين .. عادي تقولين ان شا الله وماتسوين لها اللى تباه ب ترضى صدقيني ولا ترضى انج تراددينها .. والسموحة فديتج الله ييسر امورج

[مراسيل الوفاآ]

السموحه بس انتي بعد غلطانه، المفروض من البدايه تقولين اسمحولي انا بطبخ لنفسي وريلي
واذا ما يبا برايه ياكل ويا اهله وانتي اطبخي لنفسج بس دامج تعودتي ع هالنظام المفروض
كنتي تتغاضين عن اللي يصير، يعني اذا عمتج تبا تطبخ بدال مرت حميج شو يعني؟ احسن من
انها تييج وتقولج اطبخي بدالها جي بتطبخين يوم الدور عليج بس وهم برايهم شو يسوون
ماعرف ليش سويتي منها مشكله وسرتي تخبرين ريلج، الريال مب كل شي تقوليله خاصه
ف سوالف الحريم من طبخ وغسيل وتنظيف هالاشيا الريال يشوفها اساسيه وانه الحرمه لازم
تسويهن بغض النظر اذا كانت امه ولا حرمته ولا اخته، وريلج يمكن عصب لانه ما يبا يتدخل
ف سوالف الحريم وانتي جبرتيه انه يتدخل يوم امه سارتله حتى لو ما كنتي تبين هالشي لكنه
صار والريال طفر من كثر ما يسمع وعصب وسوى اللي سواه

من رايي تزقرينه بيت اهلج وتكلمينه بكل شي صار وقوليله من اليوم ورايح ما يخصني شو يصير
عندهم بسوي اللي عليه واذا تعبت بخبرهم اني ما بقدر اسويلهم اليوم وبطبخ ف ملحقي لنفسي
وعيالك وانته كيفك اذا تبا تاكل عندي ولا عندهم اذا رضى كان بها واذا لا اسأليه شو يشوف
احسن حل لـ هالمشكله واذا ما رضيتي خبريه بس لا تحملين نفسج فوق طاقتج اذا شي تقدرين
عليه سويه واذا لا ارفضيه وعقبها خلي ابوج او اخوج يتدخلون

[yummy mommy]

أستغفر الله ..

يختي شكلج ع نياتج .. المفروض من البداية ما تقبلين تطبخين حقالعايلة كلها .. انتي متزوجة ولدهم مب متزوجتهم كلهم ؟! واتقولين امج تنسب وبعد طبختي؟؟! ترا جي حسستيهم ماعندج كرامة وانج ضعيفة وترضخين لهم ! خليتي زوجج يستقوى عليج من ردو فعلج وياهم لانج طيبة ..
حاولي تدخلين حد حكيم من اهلج يكلمهم وتحطين النقاط على الحروف وتردين اعتبارج . .
حطي لج ورقة وقلم ورتبي اولوياتج وشو تبين وماتبين .. ونصيحتي .. السكن المنفرد افضل .. بس مب معناته نقطع اهل الزوج .. لا .. نزورهم في حدود الزيارة مب القطيعة .. والله يصلحكم

[غلآ نفسي]

السموحه بس انتي بعد غلطانه، المفروض من البدايه تقولين اسمحولي انا بطبخ لنفسي وريلي
واذا ما يبا برايه ياكل ويا اهله وانتي اطبخي لنفسج بس دامج تعودتي ع هالنظام المفروض
كنتي تتغاضين عن اللي يصير، يعني اذا عمتج تبا تطبخ بدال مرت حميج شو يعني؟ احسن من
انها تييج وتقولج اطبخي بدالها جي بتطبخين يوم الدور عليج بس وهم برايهم شو يسوون
ماعرف ليش سويتي منها مشكله وسرتي تخبرين ريلج، الريال مب كل شي تقوليله خاصه
ف سوالف الحريم من طبخ وغسيل وتنظيف هالاشيا الريال يشوفها اساسيه وانه الحرمه لازم
تسويهن بغض النظر اذا كانت امه ولا حرمته ولا اخته، وريلج يمكن عصب لانه ما يبا يتدخل
ف سوالف الحريم وانتي جبرتيه انه يتدخل يوم امه سارتله حتى لو ما كنتي تبين هالشي لكنه
صار والريال طفر من كثر ما يسمع وعصب وسوى اللي سواه

من رايي تزقرينه بيت اهلج وتكلمينه بكل شي صار وقوليله من اليوم ورايح ما يخصني شو يصير
عندهم بسوي اللي عليه واذا تعبت بخبرهم اني ما بقدر اسويلهم اليوم وبطبخ ف ملحقي لنفسي
وعيالك وانته كيفك اذا تبا تاكل عندي ولا عندهم اذا رضى كان بها واذا لا اسأليه شو يشوف
احسن حل لـ هالمشكله واذا ما رضيتي خبريه بس لا تحملين نفسج فوق طاقتج اذا شي تقدرين
عليه سويه واذا لا ارفضيه وعقبها خلي ابوج او اخوج يتدخلون

الريال اذا ما حشم حرمته محد من اهله يحشمها

الريال اذا ما عنده شخصيه في بيت اهله بتضيييع حقوق الحرمه

وهااا بالضبط صار لصاحبه الموضوع

هو غلطان وستين غلطان بعد

ما عرف كيف يتصرف

جان يراوي عضلاته لحرمته المسكينه