النصيب

[سحر الغموض]

السلام عليكم

ما اعرف هالموضوع لازم فقسم الحياه الزوجيه ولا قسم ديني ،المهم لانه له علاقه بحياتي المستقبلية قررت احطه هني،ويااارب احصل حد فااهمني عشان يساعدني.

انا راضيه عن نفسي ولله الحمد ،متفوقه واعتني بنفسي وداايما داايما اطور من نفسي ،احب التعليم الذاتي واحب التطور والحياه العصرية ..تعلمت في الاتكيت والرياضه والطبخ الصحي والفاشن وواايد اشيااء وفالمستقبل اتمنى آخذ واحد مثل اهتماماتي متعلم ومثقف ومتفتح .

الي لاحظته فالسنين الي طافوا انه كل الي خطبوني مب مثل الي اتمنى ،يعني انا مجتمعي الصغير متواضع ومنغلق وعاداتهم قديييييمه ما يعرفون فالتحضر والحياه العصرية بس انا كشخص طورت من نفسي واايد عشان اوصل لهالمرحله ..ما اريد آخذ واحد مش مقتنعه فيييه ما ارييده يكون ياهل ويعيشني بغرفه وحمام ،الستاندردز مالي مرتفع ادري عالاقل بالنسبة لمجتمعي بس ما اريد اتنازل واندم .ما اريد اطلق .ما اريد عيالي ياخذون عرج مب زين >< هل انا اطلب وايد ولا انا جذي صح وعليي بالدعاء ؟؟؟

الكل يضغط عليي وبديت ادخل فمرحله اليأس

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مراسيل الوفاآ]

اختي كل وحده كان ف بالها ييها فارس احلام بمواصفات معينه
لكن الواقع غير، انتي ما بتحصلين اللي ف بالج يمكن تحصلين
فيه صفه وحده بس من اللي تبينه وعشره عكس اللي تبينه لكن
هذا مب سبب للرفض، ف الحياه الزوجيه ما في شي اسمه حياه
عصريه انتي بتسوين اللي ريلج يباه سواء عصري ولا قديم كل
شي يتغير مع الزمن لكن اللي يتم هو خلق الانسان ودينه لذلك
انتي عليج تختارين ريلج ع هالستاندرد اما الغرفه والحمام كم
وحده سكنت ف غرفه وحمام فتره وعقب راحت لبيتها لكن
ريلها هو نفسه، حلو انج تعلمتي وطورتي من نفسج لكن اللي
تعلمتيه شي ونصيبج شي ثاني لو تميتي ترفضين بيطوف من
العمر سنين وانتي بعدج ما حصلتي اللي تبينه ما اقولج استعيلي
لكن اسألوا عن الريال عدل وقارني باللي سمعتيه عنه واللي ف
بالج اذا شفتي انه فيه اشيا زينه وافقي واذا لا ف هني لج حق
الرفض

[سحر الغموض]

الرجااء حذف الموضوع