��السموحه داخله عرض ،،، بس استغربت هالملتقى صار تكوين صداقات او طلب صداقات حلوه الصداقه بس انتوا فاهمين الصداقه غلط كلنا نبا نكون عندنا صديقه تشاركنا همنا ضيقتنا وازماتنا وافراحنا محد ما يبا هالصديقه لكن طريقه كشفنا عنهااا غلط هالمنتدى على زمني لو رجعت ست سنوات لوراء كنت فقروب بنات قسم بالله ينحط على الجرح يبرا ولا انكر هالشيء لكن ثقافه عادات وتقاليد مع انا فدوله بس نختلف صحيح اتواصل معاهن بالتيلفون بس ولا وحده منا تعدت الخط وقمنا نتوغل فحياتنا اكثر لانا على قناعه ان ما داام ان في حدود فعلاقتنا عمرها ما تعدت خط الصحبه عمرنا ما بنكون اصدقاء ،،، مش اي وحده اتيي فحياتي اعطيهااا كل تفاصيل حياتي وخصوصياتي واشرع بابي شو اللي يضمنني اخلاصهااا معاي مش كل الناس نفس نيتي مثلااا عشان جي اذا حد تماشيتي مع حد ومر عليكم حد وسالج من اللي تمشي معاه لا تقولين هذي اعرفهااا لان المعرفه تطلع فالسفر ،،، ابسط شي فحياتكن مستحيل ولا وحده منكن ما سافرت شوف شخصياتكن فالسفر كيف وشوفي اللي حوالينج كيف سبحان الله تطلع الحقيقه كل واحد لما يطلع عن داره ... لا ادورن صداقات فالنت دورن صداقات حولكن امكن اختكن بنت خالتكن بنت عمتكن صديقه الجامعه او الكليه او الدراسه هذيلاا ناس عشتي نص حياتج معاهن انا بالنسبه لي مع ورقه ناعمه ما اؤمن بصداقات النت لان ما اعرفهن عدل سهل نتكلم وسهل نضحك بس صعب طعنت الظهر ،،،،، نصيحه مني لا تكون ورقه مفتوحه الكل يعرف اسرارها غلقي هالورقه وخلي حياتج ملكج ،،، صاحبي وااايد بس الصديقه اذا تبينهااا للاسرار فامج واختج هن مملكة اسرارج لانهن ما بيستخدمن اسرارج سلااح ضدج ،، نحن من جيل الطيبين عمري اللحين 35 سنه وعارف الناس وابخس فيهم وانتن جيل يبن بس تآزر او طبطبه وباب للاستماع فقط مش الصداقة ،،، السموحه على المداخله بس شفت الملتقى تغير وصار لطلب صداقات مش نفس اول كنا ندخله نسولف مع المغتربات ❤️
