بنتي والقمل

[غزالة AD]

مشكورين خواتي.. حطيتلها امس نايدا..ونامت فيه 8 ساعات واليوم غسلناه بشامبو القمل بعد..المشكلة هي مافيها صيبان الحمدلله.. وامس عقب الدوا مشطته شوي ماطاحت غير قمله وحدة الحمدلله.. وتمت طول الليل ما تحك ونامت مرتاحة..معقولة قملة وحدة جي تسوي؟ واليوم الصبح يابوا بنت عمهم وكلمت خدامتهم سألتها لو فيها قمل لين الحين تقول امس لقت وحدة بعد..وانه امها ما خلت الدوا وايد فشعرها لانها بعدها صغيرة.. اضايقت الصراحة وخفت تعبي كله يروح عالفاضي ويرجع مرة ثانية حق بنتي.. انا بالعمد كلمت الخدامة عشان توصل حق الام.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Cobon]

الله يعينج مفروض تعالجين اساس المشكلة
اللي هي بنت عمها بس الوحدة لو رمست بيزعلون منها

[الــــدبـــــه]

بنتي يوم كان عمرها سنه تعادت من بنات اخويه بالقمل
والله حطيت النايدا في راسها 8 ساعات وعقبها بـ 10 ايام رديت حطيت
وكنت اغسل الشراشف والمخاد لمدة 3 ايام بماي حااااااااااااااااار وديتووول
وكنت امشطها بمشط القمل وافليها بروحي عسب اطلع الصووب من راسها
وارتحت وافتكيت
ورجع لها القمل من بنات اخويه يوم هي قربت تكمل السنتين
ورديت سويت نفس الشي لها حطيت نايدا وعقب 10 ايام رديت حطيت مره ثانيه
ومع ذلك رديت وغسلت الشراشف والمخاد لمدة 3 ايام بماي حااار وديتول
لكن ماقدرت افليها لأنها كبرت واستوت ماتبا حد يمسك شعرها
بس لمدة اسبوع كامل 3 مرات فاليوم امشطها بمشط القمل


والحمدلله الحين مافيها
لكن اخاف ارجع ابيت اهلي واحصل بنات اخويه بعدهن فيهن قمل وينقلون لبنتي
تعب تعب تنظيف الشعر من القمل

[مالتيزرس]

استغفر الله يهديهن امهات ماعرف شقايل هاملات بناتهن يعني البنت ماتغمضج يوم اتم اتحك راسها والله يتقطعون مساكين ..
ي
عاد انتي ييتي ع العوق .

من شهر جيه اجوف بنتي تحك شعرها بشكل مش طبيعي وتميت افلي شعرها ماحصلت شي وعقب ابوها حصل فشعرها ثنتين وتزيغ لي الدنيا ومن ثاني يوم اروح واشتري لها الدوا مال نايدا والشامبو ..
ومسكت شغالتي اليديدة قلت لها افصخي الحجاب والمصيبة من اول فرق اجوف لي الصيبان والقمل اثاريها فيها من ياية من بلادها واهزبها هزاب واييب لها بف باف وتميت ارشش ع شعرها من فوق لين تحت لمده شهر بين كل يومين لين ما افتكيت والحين انا أحس شعري فيه حسبي الله ونعم الوكيل ..

اتاكدي من الشغالات يمكن هن اللي ينقلن القمل لبنتج عادي عندهن وقبل بيت اهلي يايبين شغالة وفيها قمل اختي زختها وتجوف شعرها كله بياض وتيب لها بف باف وشمبو قمل واتطيح فيها

[•.·° دلال °·.•]

الله يعينج يالغاليه
بس انتي سيري عند عمتج وقوليلها ان بنتج ياها القمل وانج شاكه في الخدم ف احسن يتطمنون على شعر بنت أخو ريلج عن مايكونن عادنها لان القمل مب زين ويمص الدم 😄 خليج ذكيه سوي ان قلبج على بنتهم من الخدم يمكن القمل منهن

منها تكونين ارتحتي ومنها ماتكونين سويتي مشكله ولا اتهمتي البنيه

قبل لا تكلمين عمتج قولي (ربي اشرح لي صدري ويسرلي امرئ وأحلل عقدة من لساني يفقهوا قولي)

[أم سيف و سارة]

و انا مثلج هلكت من هالدوامه اتعبت و انظف و اخترتها تسير بنتي لعند بنت عمها و ترد لي بشعرها فيه قمل ... و هيي امهم ما خصها فيهم فارتنهم عالخدامه ... زوجي ما استحى و خبر اخوه انهم ينظفون شعرها قال البشكاره تفليها... ما يفيد ﻻزم شامبو و دوا و تمشيط كم مره لين تنظف البنت ... و لكن لا حياة لمن تنادي ... ما حد مهتم بهالبنات فارينهم عالخدامه
الله يكون بالعون
و زوجي تم فتره ما يودي بنتي عندهم لها سبب .. بس بنتي ترد تبكي و تصيح تبي تسير عندهم ... و نرد على نفس الموال
و امي لما تيي عندي و تشوف بنتي بشعرها قمل تنازعني و تحسبي مودرتنها و ما انظفها حتى خواتي يعلقون عليي و يقولون لي ليش مخليه بنتي جي و الله تعبت اشكثر اضيع وقت على شعرها

[غزالة AD]

مشكورين خواتي عالردود فديتكن..الحمد لله نظفت راسها وهي الحمدلله مافيها صيبان..حطيتلها نايدا والسبت هذا بعد بحطلها..واغسل شعرها بشامبو القمل كل يوم.. واراقبها اذا حجت شعرها. والخدامه مافيها الحمد لله عندي من 4 سنين فلبينية مب يديدة يعني. لكن مثل ما قلتوا لو رمست بيزعلون لو قلت انه بنت اخوهم فيها..ريلي حذرني وقبل انا وهو مضاربين لاني خبرت عمتي انه بنتهم فيها تعبت من كثر ما انظف شعر بنتي وفوق كل هذا هي تغمضني يوم اييها قمل وعندي بنت عمرها سنتين ونص اخاف اييها. الله المستعان.

[bnooota]

مشكلة في كل بيت فيه بنات
لازم الكل يمر بهاي المرحلة
فترة و اتعدي إن شاء الله

[..الأماكن..]

علشان تقضين ع المشكلة غسلي شعر بنت عمها بنفس الشامبو لما تجيكم ...

نفس الكلام كنت بقولج .. سوي فيهم خير عشان انتي بعد ترتاحين

[غزالة AD]

شكرا لكم خواتي كل اللي ردوا عليه ما قصرتوا.. فديتكم