يلا ابا حماس

[Um Mahra24]

كل وحده تكتب كيف تعاتب ريلها لو زعلانه والكل بيستفيد لان ساعات التجارب تفيدنا ف حياتنا اسأل مجرب ولا تسأل طبيب يعني مثلا شو تسوين عشان تخلينه يراضيج ولا كيف تخلينه يعتذر بسرعه ولا يطول والله صدقوني يوم كل وحده بتكتب شو تسوي بتستفيدوون

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم حور26]

هلا حبيبتي

فالبدايه احب اشكرج على طرحج لهالموضوع اللي صدق بنستفيد منه

بالنسبه لي انا اذا زعلت من ريلي هو يعرف من ملامحي اني زعلانه او اتم ساكته وهو من تلقاء نفسه ايي ويراضيني ومرات يسويلي طااااف لين يوم الثاني يراضيني خخخخخخخخخ

ومرات يوم ازعل ما اتحمل دموعي تنزل لا اراديا طبعا الريال يتأثر وايد من يشوف دموع حرمته وخاصه اذا هو غلطان او زعلها طبعا مش كل الرياييل يهمهم دموع حريمهم


ومرات يوم ازعل اقوله انت سويت جي حس فيني انا شو ذنبي هو يتحسس وايد من هالسوالف في نفس الوقت ايي ويراضيني

[um fay]

لما يزعل وكنت انا صدق غلطانه ، ما اكلمه في نفس الوقت,, اختار وقت يهدا فيه و اكلمه بهدوء اني اسفة وابرر فعلتي ، ابوس له راسه ..

و الحمدلله هو يرضى بسرعه..

[Cobon]

الله لا اييب الزعل لحد ^..^
انا عن نفسي عندي عدة طرق :


- ارمس اللي ف بطني و اقوله جفت كيف وانا حامل ابوك يزعلني !
( ارمس يدامه مع تمثيل )
- اطنش الموضوع ولا ما ازعل
- اطلع برى و استانس مع الاهل و الربع و ما اتصل خير شر و ابين له اني مستانسة و عقب هو يتصل خخخخخخخخخ احب ها الحركة وايييييييييييييييييييييييييييييييد
- اقوله ودني السوق و فعلا يوديني و ادخل محل محل اشتري اي شي يدامي من القهر و عقب يحس اني صدق زعلانه ههههههههه
اطبق مقولتي " فضي جيبه خليه يحس بعيبه " زعلي مب ببلاش هههههههه

[مالتيزرس]

أنا اتم وااارمة ومادة بوزي شبريين ..ووقت الاكل عاد خاطري آكل واسوي عمري اونة مالي خاطر اكل من ورا خاطري واسوي عمري مالي نفس ..وارضض فالبيبان يوم ادش واطلع خخخ..
شريرة صح

[Um Mahra24]

فديتكن والله ضحكتوني اتريا المزيد يا حلوات والله لا ايب الزعل حق حد وان تستفيدون من الموضوع

[غلآ نفسي]

امنيتي ازعل منه يوم كامل والله يا بنات

بس ماروم ازعل منه حتى لو هو الغلطان

ازعل دقيقتين وركض اسير عنده

او اذا هو زعلان بعد نفس الشي ماروم عنه ع طول ركض اسير عنده واراضيه

ما يهون علي اشوفه زعلان مني او مضايج لاني زعلانه منه

شعاري في حياتي الزوجيه ما اخلي ريلي يرقد الا وهو راضي علي ومب زعلان

ومن كثر ما اتبع هالاسلوب .. صار هو بعد يعتذر .. حتى يعتذر من عياله اذا بدر منه أي شي غلط .. مع انه عياله صغار بعدهم

حتى عيالي تعودو اذا يسوون شي غلط يعتذرون ما شاء الله


بالتوفيق

[yummy mommy]

افضفض / اطنش / اكتب رسالة / اندم ع الرسالة / ازاعق / اتملل / تلوع جبدي واشفط السوق / بس الاعتذار هو الافضل لكل حرمة واللين والرفق .. ومأجورين وانا مع غلا نفسي ..

[Diana Sy]

حلو الموضوع ومفيد يسلمووووا
أنا زوجي ما يتحمل التبويزة تنقلب على راسي حتى لو هو غلطان لذلك أكلمه عادي من دون عبارات الحب يلي متعودين عليها
ما يتقبل أعبرله عن غلطه لما بكون زعلان أحترم مشاعره وبنفس الوقت أطنش وأتونس مع صديقاتي هو يحس غلط ويراضيني وأنا ماأرضى هههههههههههه وأدلل كم يوم بعدين أعاتبه أطلع كل شي بقلبي هو من النوع إذا شافني مازعلت وصالحته بسرعة ما يحس بغلطه ويكرره
لما أنا غلطانة أعتذر فورا ويسامح بسرعة الحمدلله

[Amaaaal]

اذا انا زعلت,,, اتم مبوزة وساكتة وما اسولف وياه طبعا ما يراضيني ,, بالعكس يزعل لاني بوزت وسكتت وينسى ليش زعلت .. فهمتوا يعني يقلب الموضوع علي،، اذا حس بغلطه يا حضني وباسني وراضاني وانا ع طول ارضى

اذا هو زعل,, اسوي عمري عادية واني ماعرف انه زعلان يوم يفهمني عشان شو زعلان ومبوز,, اذا حسيت بغلطي اتاسف وابوس راسه واذا ما كنت مقتنعه اني غلطانة اتناقش وياه في الموضوع..

الله لا يجيب زعل بين زوجين وعسى الله يفرحكم دووم ولا اييب لكم هم وزعل

[ورقة ناعمة]

انا اسير المطبخ اكل واشبع واريح وعقبها اكشخ واتزين ووقت الغدا او الاكل موول ما اكل وهو يعصب يقول بتمين صايمة

وما اكتشف الحبيب اني بالمطبخ شبعت وريحت البطن هههههههههههههههههههههههه

[أم زمرده]

كلما زادت أرواحنا قربًا من الله سيرتفع معدل السعادة بها

[الوردة الجورية]

انا اسير المطبخ اكل واشبع واريح وعقبها اكشخ واتزين ووقت الغدا او الاكل موول ما اكل وهو يعصب يقول بتمين صايمة

وما اكتشف الحبيب اني بالمطبخ شبعت وريحت البطن هههههههههههههههههههههههه

ههههههههههههههههههه

مكّارة أونه زعلانه ههههههه


أنا أكون هادية و رسمية وهو يصير رسمي أكثر يتعدل ويلبس الغترة والعقال ويقعد ههههه
مايسوي هذي الحركة الا يوم يكون صدق زعلان

انا أأدي كل واجباتي عادي بس ما آكل وأقوله تعال كل ما يرضى
أقوله اذا ماكلت ماباكل (حتى لو هو اللي غلط علي) مرات عشاني يقوم ناكل مع بعض وخلاص ينتهي الموضوع بعد العتاب طبعاً.. و مرات يعاند مايقوم ياكل
اذا عاند أأكل اليهال وأنا ما آكل، عقب أقعد عداله رسمي يا نتصالح يا نتعاتب

بس ماشي مد بوووز

وجدامه نادر ماصارخ.. فإذا على صوتي هو يصخ ههههه (يعني الموضوع جايد والا جان ماصارخت)

بس عادة المشاكل وراها الشياطين
فلازم اتم اقرى الكرسي وارددها عدة مرات عشان تهدى الامور
تدرون الشيطان يتربص بالمتزوجين ومسعاه التفرقة بين الزوجين خاصة لو وصلوا مرحلة الغضب يتمكن منهم اكثر
فضروري الوحدة من تحس زوجها بدى يغضب تم تردد آية الكرسي و لا إله الا الله
حتى لو كان مجابلني يصارخ اتم اردد داخل نفسي

[Um Mahra24]

بصراحه والله كل وحده اسلوبها احلى عن الثانيه وتضحكون والله والله يديمكم حق بعض

[ناروتا]

حلو الموضوع
انا ما انتظر ولا اطول مد بوز , يوم بالكثييير , لو هو زعلني او انا زعلته مباشرة افضفض واطلع كلللل الي بقلبي مع صراخ او دموع او مسكنة حسب الموقف يعني ,ونتناقش بالموضوع لين نصل لحل وصلح بنفس الجلسة
لان زوجي لا ينفع معاه زعل ولا مد بوز ولا حتى دموعي تأثر فيه , فليش اقهر نفسي , على طول اعطي كااااااااش