ابي رايكم بلييز

**محظوظه فيك** · 2015-06-06, 02:28

السلام عليكم خواتي..
انا مدخله ولدي الحضانه وهو عمره 3 سنوات.. الحين بعد شهر بيكمل 3 سنوات. ووايد احاتيه يوميا. لانه كل ما اوديه الخضانه واخليه. يصيح وايد.
انا ربة بيت وما اداوم ولا ادرس. اسباب اللي خلاني ادخل ولدي الحضانه. لانه اول شي وحيد.. ثاني شي ما عندنا حد من الاطفال فالعايله. وثالث شي متاخر فالكلام. لين الحين ما يرمس.

امي تحاتيه وايد. وعلى قولتها حرام ادخلينه. بيضربونه. وبياثر على نفسيته وما اعرف شو واتري عليه لين يكبر شوي . انتي تعذبين الياهل. وكيف قلبج يطاوعج اخلينه يصيح وتروحين عنه. من كثر هالرمسات قمت اشك واوسوس انه لا يكون غلطت اني دخلته.

الحين خواتي هل انا اللي اسويه فعلا غلط وياسه أأثر ولدي بشكل سلبي . مب عارفه كيف وشو اسوي.

على فكره. انا طرحت هالموضوع فقسم اولياء الامور بس ما في تفاعل وايد وانا ياسه احاتيه وايد. وحده ردت علي يزاها الله خير. بس هي عارضت الموضوع.. اللي عندها اي فكره او تجارب تخبرني الله يجزيكم الخير

المزيد من آخر المواضيع من نفس القسم:

**الــــدبـــــه** · 2015-06-06, 16:22

ماشوف فيها شي ادخلين ولدج في هالعمر الحضانه
لأن لاتنسين عالسنه اليايه او اللي عقبها بيدخل الروضه !
وعيال الروضه عيل شوو !!!
اسابيع يتمون يصيحون لين يتعودون
انتي خليه فتره اذا ماشفتي اي تحسن في ولدج طلعيه وخليه عندج
ولكن لو شفتيه خفف من صياحه وبدا يتفاعل مع العيال خليه

**محظوظه فيك** · 2015-06-06, 16:51

مشكوره ع الرد حبيبتي

**khakhou68** · 2015-06-06, 17:24

انا برأيي ان الطفل ما يالس يتجاوب مع الاطفال بالحضانه ويتم يصيح ، ترجعينه البيت احسن
، بالاضافه انا الطفل ممكن يتعلم بالبيت اكثر من الحضانه بس هو يريد حد يتكلم معاه ، يمكن الولد متعلق فيج وايد ، خليه معاج وانت علميه بيتجاوب معاج
اخاف ياثر على نفسيته باثر سلبي ، والواضح ان مب راضي يتاقلم ، حرام توه صغيره ولد اخوي تاخر بالكلام لغاية ثلاث سنوات ونص وبعد بنت ربيعتي نفس الشي ،

**محظوظه فيك** · 2015-06-06, 17:52

ثانكس ع المرور.
والله ما ادري قلت بجرب هالاسبوع وبجوف اذا فيه نتيجه. لاني اسبوع اللي طاف بديت اوديه الحضانه.
انا صح يوم اخليه واروح وهو يصيح. بس لما ارد البيت افتح الكام واتم اجوفه. يلعب ويتحرك عادي. فالبيت وايد يتشيطن وما يسمع الكلام. من جي دخلته قلت بيتعلم ولو شي بسيط يوميا.

**قارورة العسل** · 2015-06-06, 18:21

عادي حبيبتي بيتعود كل الاطفال يصيحون بس شوي شوي عليه

**ليندااااا** · 2015-06-06, 21:28

اول فترة بيكون الصغار مب متعودين على الحضانة ويمون يصيحون بسبب التغير الي طارأ عليهم
انتي قرارج مناسب خليه يحتك بالاطفال ويتعلم بدل ما يكون لوحده في البيت
وبعد اقل من شهر بيستوي يتكلم كل المفردات وممكن يحفظ بعض السور القصيرة
الله يحفظه لج

**مالتيزرس** · 2015-06-06, 23:05

اربيعتي كانت نفس حالتج دخلت بنتها الحضانة لانه الدكتور قالها احسن دخليها لانها شقية عسب تندمج مع العيال ..صح فالبداية تصيح ومب متاقلمة ،وماتتحمل امها تجوفها تصيح بس اتحملت عسب مصلحتها تستفيد ..اول اسبوعين بتحسي بصعوبة بس عقب هو اللي راح يستفيد واراح يتعبج فالروضة

**Um Sha5bo6** · 2015-06-07, 07:47

حبيبتي دام انج تشوفينه فالكام يلعب ومختلط مع العيال خليه..
جي احسن له ومثل ما قالن الخوات هي فتره وبيحب الحضانه لأن فيها حد من عمره يلعب وياه..
وان شاء الله بيتكلم وبييج يسووولف معاج لأن بيتعلم من اللي معاه ومن النانيز اللي فالحضانه..
الله يحفظ لج اياااه ياااارب...

**المغتربة** · 2015-06-07, 11:22

دام وحيدج خليه بالحضانة
يتعلم الكلام و يختلط باليهال

كل اليهال جي و هذا طبيعي
ولد اخوي تم 6 شهور يصيح ليل نهار ما يبغي الحضانة
وكان اول ولد و وحيد امه و ابوه
وما يتكلم خير ششششششر ولا يحب يلعب مع حد مول
و بصراحة ها النوعية من الاطفال خاصة اول العنقود
يبغي لهم حضانة ضروري و في اسرع وقت

الحين كمل سنة ما شاء الله
فرق عن قبل
قبل مول ما يسولف ابدا ولا يلعب مع اليهال خير شر جنه فيه توحد !
الحين يسولف عن صديقاته و اصدقاءه و يقول اساميهم
و حافظ سور قصيرة و اناشيد حلوة
و مرات يصيح يقول ابغي ارمس المس مالتي

و امسات يقول المس ضعيفة مو متينة نفسكم خخخخ امك المتينة مب انا

انتي اصبري 6 شهور و صبري قلبج و بيتغير وايد ان شاء الله

( يمكن لانج انتي توصلينه الحضانة يصيح ، لو تخلين حد ثاني يوصله بتلاحظين ما بيصيح وايد )

**محظوظه فيك** · 2015-06-07, 11:50

مشكورين خواتي ع الرد. يزاكم الله خير

**um fay** · 2015-06-07, 11:57

زين سويتي..
انا بنتي اشلها الحضانه، و تصيييح و تنخش لي تحت الكرسي ..
و غيرت لها الحضانه.. و بعدها نفس الموال..
بس تمت جيه اسبوعين..

والحين اوصلها بدون صيااح او زعل..و بروحها تنزل من السيارة
مستأنسة وااايد...وتقول ماما بروح الروضة / ما يعجبها اقول الحضانه

خليه يتعود..و لووو يصييييح.اخرته بيستانس..
والامهات كلهم نفس الشي ..امي تقولي حرام تشلينهم الحضانه بيضربونهم و مدري وششش

الموضوع: ابي رايكم بلييز

أدوات الموضوع

عرض

العرض المتطور