مشكلتي ما انحلت بالعكس زادت

[أهلي عزوتي]

انا كتبت من فترة انه دايما ريلي يكنسل الطلعات في اخر لحظة بعد ما نكون مجهزين كل شي يخص هالموضوع

اخر مرة كنسلي الطلعه لسبب لا يذكر حتى

هالمرة انا سويت حركة ،، دام هو ما وداني دبي ،، انا رحت ويا خواتي يوم كامل // كيف انبسطت و غيرت جو بلا زعل بلا بطيخ ،، و هو ما منعني و لا اعترض // كنت اظن انه بيحس ع دمه و بيقولي يالله رحنا بس ما صار هالشي

بس هو من كنسل الطلعه ما يكلمني ولا يقعد وياي حتى كلامنا مع بعض قلييييل الرسميات بس
مع انه هو الغلطان و انا عامله بالمثل ، حتى علاقة ما شي

انا هالمرة صدق حز الموضوع في خاطري لاني كنت ارتب للطلعه على غير العادة و هو يدري اني متحمسة

الحين نمر بمرحلة برووود فضيعه

انا هالمرة ابا تم على موقفي عشان حسسه اني مب لعبة عنده يوعد و لا يوفي مش بس مرة لااا مرااااات كثيرة

لنا قرب الاسبوعين متزاعلين و مش متزاعلين انا اكلمه عادي بس في الرسميات يعني مش مبينه له شي ،، و هو ما راضاني و لا كسر حاجز الصمت

مليت من حياتي وياه ،، اسبوع متراضين و اسبوعين متزاعلين ،، اشتقت له و احبه ،، بس ما ابا ابادر في الصلح لاني مب غلطانه في شي

انا وايد غيرت من نفسي عشانه بس هو مش مستعد للتغيير

تعبت و مليت ابا نرد حق بعض نفس اول // و دايما اقوله خلنا نتناقش و نتفاهم هو يرفض // احس وايد اشياء تراكمية داخلنا

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ward-uae]

العناد مب حل
وسالفة الطلعة ما تستاهل كل هذا .. تبين تطلعين مع اهلج شاوريه وطلعي واذا رجعتي لا تحسسيه انج بدونه مرتاحه خبريه لو هذي الطلعه وياك بتكون احلى
اشوف سبب المشكلة بينكم هو الاسلوب انتي تعاندين وتبين تمشيه على مزاجج والريال ما يحب الحرمة اللي جيه ولاه بعد تبينه يعتذر
هدي شوي ولا تقولين بتناقش وياه وانتو محطين في خاطركم اهم اللي في موضوعج هو مسحي اللي صار وافتحي صفحة يديدة بينكم وسالفة الطلعات خليه هو اللي يطلعج وهو اللي يحدد المكان

[Cobon]

انا احب الزوجة لما تعطي كاش لريلها و كلام دايركت لما خلاص توصلين حدج ؟؟


قولي له كاش عسب يعرف (لازم تقولين ولو ما قلتي بيرد يقول ما ادري انج زعلانه؟؟)
انا زعلانه منك لانك ما اطلعني و يوم اطلع مع اهلي كل ريال طالع مع حرمته الا انا ؟؟؟
و كل ريال يتصل يسأل عن حرمته و هي طالعة الا انا ؟
و عقب طنشيه



و استمتعي بطلعاتج مع اهلج و ربعج ولا تتصلين فيه و انتي طالعة ولا ترمسينه
و ارجعي و انتي مستانسة و اضحكي و جي و بيني انج مستانسة
و من تردين امسكي الفون يدامه بدون ما ترمسينه
و رمسي اختج قولي استانست بعزيمة العشاء و المطعم وايد حلو ( لو تخرطين )
و الطلعة وياكم رهيبة كالعادة


لازم تمثلون عسب تقهرونهم


يبغي يتصل ينشد عنج يوم تطلعين ...براحته
هو يدري انج تحبينه و بتلحقين وراه كالعادة
الله يعينكم ما ادري شو سالفتكم ويا الطلعات ها اليومين

[Yazi.90]

---

حبيبتي ماعليه صبري وتحملي ،،
الحمدلله انتي تقولين طلعتي وغيرتي جو مع خواتج عالاقل !
و انا كلامي من كلام اختي ورد اسلوب العناد ماينفع الا يزيد الطين بلّه
شوفي انا من طبع ريلي اذا شافني اصر عالشي واريده مايسويه
انتي متخيله معاي ؟ والله والله انا كنت اتشفق عشان اطلع معاه وكنت اصر
وبعدين ازعل واقوله انت ماتبا تطلعني انت كله مع ربعك انت انت انت
و احس كل مره اسوي هالشي ماحصل استجابه منه صراحه الا " الطاف "
اخر شي رحت اكلمه بهدوء واتودد له يعني مثلا فاللحظات الخاصه و نفع معاي الشي !
لكن طبعا مب كل مره اسويها ويرضى فصرت شو اسوي ؟
اخلي عمري كووووول عالاخر ومحسسته ان موضوع الطلعه مايهمني وايد
وصرت اطلع مع اهلي واحيانا اختي اكثر شي ،،
انا احس يوم شاف هالبرود مني و اني مب مسويه سالفه للطلعه بدا يتغير وصار هو يطلب مني نطلع احياناً ،،
انا ذكرت لج تجربتي عشان تشوفين يمكن يكون طبع ريلج مثل ريلي !

[مراسيل الوفاآ]

اختي ما يسوى عليج تخسرين ريلج عشان طلعه !

عندج وايد اشيا تسوينها ويا ريلج وتتقربين منه يعني
الطلعه ما بتعطيج هالحريه اللي بتحصلينها فبيتج، ولا ريلج
بيتغير بين يوم وليله يباله وقت بس انتي محتاجه انج
تعرفين طبعه وتفهمين شخصيته عشان تمشين حياتج
وياه


الرياييل ما يحبون العناد وهو يمكن عصب لانه من كنسل
طلعتي ويا خواتج وخليتيه يوم كامل بروحه وهذا يعتمد
هل هو من النوع اللي عادي عنده تطلعين ويا خواتج وين
ما تبين، ولا انتي لمحتي له انج عاندتيه لانه كنسل الطلعه
وطلعتي ويا خواتج عشان تستانسين ، متأكده انه طلع منج
شي سواء كلام او فعل خلى ريلج يكون رسمي وياج

بادري بالصلح، واكسبي اللي صار لصالحج، راضيه وخليه
يخبرج بالشي اللي زعله ومن يخبرج ابدي انتي وعاتبيه
وخبريه باللي فيج واللي خلاج تسوين جي مب لازم تتريين
الوقت اللي يفضى فيه عشان تتناقشين وياه ف موضوع
مثل الطلعه لانها ما تستاهل انها تخليكم بعاد عن بعض
لهالدرجه

[khaleejiya]

احس الموضوع استوى روتين عنده جنه سيناريو وحافظينه وكل مره يتكرر
هل كلمتيه في هالوضوع صراحه؟؟؟ مفروض تيلسين وياه وتقولين له عن كل اللي تحسينه بكل شفافيه

[D!or AD]

مالي غير ادعيلج الله يسخر قلوبكم لبعض

[أم جسوووم]

العناد مب حل
وسالفة الطلعة ما تستاهل كل هذا .. تبين تطلعين مع اهلج شاوريه وطلعي واذا رجعتي لا تحسسيه انج بدونه مرتاحه خبريه لو هذي الطلعه وياك بتكون احلى
اشوف سبب المشكلة بينكم هو الاسلوب انتي تعاندين وتبين تمشيه على مزاجج والريال ما يحب الحرمة اللي جيه ولاه بعد تبينه يعتذر
هدي شوي ولا تقولين بتناقش وياه وانتو محطين في خاطركم اهم اللي في موضوعج هو مسحي اللي صار وافتحي صفحة يديدة بينكم وسالفة الطلعات خليه هو اللي يطلعج وهو اللي يحدد المكان

[sa7el]

لا ،، تستاهل ونص،،، أنا قريت موضوعج الاول وبصراحة هو أبد ما مسوي لج جيمة يوم يوعدج بشي عادي يكنسلها في آخر ثانية
مثل ما للباجين حق عليه،، عيل أنتي أولى

تمي على موقفج خليج باردة ورسميييييية،،، هو مب عالموقف،، لا،، عالمبدأ
لو الحين استسلمتي وراضيته وكسرتي الحاجز بيعاملج اخس عن قبل

اثقلي مب اسبوعين،، لو شهرين بعد عادي

اصبري وشوفي هو متى بيكسر الحاجز،، على الاقل اثبتي له وجهة نظرج وثانيا بتعرفين كم غلاتج عنده

بالتوفيق

[احتاجك..]

انتي المفروض ما تكودين الزعل المفروض اول ما أمعاؤه تتصارحون
ادعيله فالسجود الله يهديه

[الوردة الجورية]

اختي ما يسوى عليج تخسرين ريلج عشان طلعه !

عندج وايد اشيا تسوينها ويا ريلج وتتقربين منه يعني
الطلعه ما بتعطيج هالحريه اللي بتحصلينها فبيتج، ولا ريلج
بيتغير بين يوم وليله يباله وقت بس انتي محتاجه انج
تعرفين طبعه وتفهمين شخصيته عشان تمشين حياتج
وياه


الرياييل ما يحبون العناد وهو يمكن عصب لانه من كنسل
طلعتي ويا خواتج وخليتيه يوم كامل بروحه وهذا يعتمد
هل هو من النوع اللي عادي عنده تطلعين ويا خواتج وين
ما تبين، ولا انتي لمحتي له انج عاندتيه لانه كنسل الطلعه
وطلعتي ويا خواتج عشان تستانسين ، متأكده انه طلع منج
شي سواء كلام او فعل خلى ريلج يكون رسمي وياج

بادري بالصلح، واكسبي اللي صار لصالحج، راضيه وخليه
يخبرج بالشي اللي زعله ومن يخبرج ابدي انتي وعاتبيه
وخبريه باللي فيج واللي خلاج تسوين جي مب لازم تتريين
الوقت اللي يفضى فيه عشان تتناقشين وياه ف موضوع
مثل الطلعه لانها ما تستاهل انها تخليكم بعاد عن بعض
لهالدرجه

[ام قلبين انا]

ما يستأهل انج تسوين فيه جي عسب طلعه.

[غرووب 22]

سبحان الله وبحمده سبحان الله العظيم

[الوردة الجورية]

احس انتي الصعبة هههههه

مافهمت شي... لأنج تتكلمين بشكل عام جداً وماعطيتي تفاصيل الواحد يقدر حتى يعلق

أولاً كوني مع زوجج واضحة و محددة

ثانياً لاتفرضين عليه مشاوير هو مب مستعد مادياً او نفسياً او حتى ممكن يكون مشغول بأمور ثانية أو مواعيد مهمة

ثالثاً خففي طلعاتج، اذا انتي تطلعين وايد و منفهة على نفسج ليش تكلفين على زوجج يوديج؟؟!! شو قاصرنج؟؟!!! " هذا تفكير الرياييل"

يعني اذا هو في البيت انتي لاتطلعين منه، حتى لو مالج حاجة منه، كيف تبين تحافظين على زوجج وهو بروحه في البيت وانتي برع!!!! حسسيه انج انتي بيته الأول، حضنه الدافي، جنته في الارض.. بعدين طلبي منه اللي تبينه وعلى مقدوره وصدقيني مستحيل يردج في شي إلا ان يشاء الله

رابعاً افهمي انه مب كل مرة تتفاهمين معاه على شي ويوافق معناته صدق موافق.. ممكن بس يريد يصكتج ويفتك من الحنّة.. بس انتي تعتقدين انه جاد وتبنين خيالاتج وتسعين في التجهيز

خامساً خلي ريلج بنفسه ينسق و يحجز مب انتي

والله يصلحكم لبعض و يزيد المودة والرحمة والألفة بينكم

هذا كان ردي عليج في الموضوع السابق

لا تزعلين مني و من كلمة الحق
((( في الترمذي وغيره عن النبي صلى الله عليه وسلم أنه قال : { استوصوا بالنساء خيرا فإنما هن عندكم عوان } فالمرأة عند زوجها تشبه الرقيق والأسير فليس لها أن تخرج من منزله إلا بإذنه سواء أمرها أبوها أو أمها أو غير أبويها باتفاق الأئمة .)))

متى المتزوجات يخف استهتارهن بالحياة الزوجية ويطيعن الله في طاعتهن لأزواجهن؟؟!!!!

اكسبي زوجج بالطيب.. مب بالمعاند.. هذا زوجج

عن النبي صلى الله عليه وسلم: ( ...، ولو كان أحد ينبغى له أن يسجد لأحد لأمرت المرأة أن تسجد لزوجها لما عظم الله عليها من حقه)



انتي بس تخيلي لو تركج زوجج و خذا وحدة غيرج تريحه نفسياً وعاطفياً أكثر منج، شو بتكون ردة فعلج؟؟!!!!!

اكسبي زوجج واحتسبي الأجر من الله

[المعآني]

اذكري الله ولا تعاوني الشيطان يدخل مبينكم
صدقيني الموضوع بسيط جدا وياما رياييلنا احبطونا
وكنسلوا طلعات .. وخلاص لاتتحمسين ولاتخططين
خلي كل شي عليه وبتجوفينه من نفسه يبادر