و الحل يعني ؟!

[أهلي عزوتي]

خواتي أباً نصائح ذوات الخبرة

و الحل يعني في زوجي

لا التطنيش فإد فيه و لا الزعل يأب نتيجة و لا العصبية ودتنا مكان

اذا تناقشنا ما نوصل لنتيجة و اذا تفاهمنا ما نتم فترة الا و نحن متزاعلين

و من ناحية الروحات و التمشيات ..ما يستقر على رأي ..

كذا مرة نتفق على طلعه و أنا أتحمس و ارتب و لدرجة أنا نحجز الفندق و قبل الطلعة بنص يوم يفركش الموضوع كله ،،لأسباب ما تستدعي أنا نؤجل الموضوع

لدرجة انه يصيبني اكتئاب من الموضوع و أتم أفكر و أحط في خاطري

كل مرة نفس الاعذار و الاوهام و كل مرة أزعل

هالمرة قررت ما ناقشه فولا شي
طنشته على الأخير نفس كل مرة بس زدت جرعه الطلعة من البيت عشان حسسه انه حركاته السخيفة مش كل مرة يضحك علي فيهن

تعبت من هالحاله و الله العظيم تعبت

دائماً يوعدني و لا يوفي وعوده ،، دائماً نخطط لكل شي و لا يصير اي شي

تعبت من استهزاءه فيني و لا يهتم في مشاعري و احساسيسي من هالموضوع

أنا انجرح من الخاطر لما يوعد و لا يوفي لانه ما في سبب انه ما يوفي بالوعد

يوهمني و أعيش مبسوطة و أتم أخطط وين بنسير و اي مطعم بناكل فيه وأي مول بنتمشى فيه و هو يشاركني بعد

في النهاية ما يصير شي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جدران ملتهبة]

ما شي غير الصبر

[ام قلبين انا]

يا رب يتغير مع الوقت

[ثريا 2014]

الله يسخره لج ويسخرج له اختي

[Diana Sy]

أختي اجلسي معه وناقشيه بهدوء خليه يحس شو صدى هلتصرفات
ودائما قراءة المتعوذات
الله يسعدك

[غرنوووقة]

تعرفين هالنوع. انسي بالنقاش والكلام تقنعينه ريلي نفسه بس والله م فاد فيه شي لازعل لاصراخ لانقاش ولادلعيه وبيدلعج غير الاستغفار من بديت استغفر استوت وايد اشيا كنت اباها ومش قادره اوصلها

[رسايل غلا]

اختي هل انتي سألتيه عن السبب في كل هذا ولا بس اتمين زعلانة منه ومطنشتنه؟
لازم يكون فيه سبب لتصرفاته هذي وحاولي تعرفين شو هو وان شاء الله ربي يصلح أحوالكم ويهديه لج

تقديري

[Yazi.90]

حاولي انج تكسرين خاطره شوي دام مانفع معاه التطنيش والزعل
في ريايييل مايتحملون نظرة الحزن في عيون الحرمه
و انتي بعد كلميه وحاولي تفهمين شو هي الاسباب اللي يكنسل عشانها ؟

[المعآني]

الغالية اكيد له ظروف ودام هو يخطط وياج
فمب متعمد له ظرف و هو بعد يحب الوناسة
والفندق والمطاعم من مايحب هالاشياء
لاتضغطي عليه وحاولي تتفهمي السبب

[الوردة الجورية]

احس انتي الصعبة هههههه

مافهمت شي... لأنج تتكلمين بشكل عام جداً وماعطيتي تفاصيل الواحد يقدر حتى يعلق

أولاً كوني مع زوجج واضحة و محددة

ثانياً لاتفرضين عليه مشاوير هو مب مستعد مادياً او نفسياً او حتى ممكن يكون مشغول بأمور ثانية أو مواعيد مهمة

ثالثاً خففي طلعاتج، اذا انتي تطلعين وايد و منفهة على نفسج ليش تكلفين على زوجج يوديج؟؟!! شو قاصرنج؟؟!!! " هذا تفكير الرياييل"

يعني اذا هو في البيت انتي لاتطلعين منه، حتى لو مالج حاجة منه، كيف تبين تحافظين على زوجج وهو بروحه في البيت وانتي برع!!!! حسسيه انج انتي بيته الأول، حضنه الدافي، جنته في الارض.. بعدين طلبي منه اللي تبينه وعلى مقدوره وصدقيني مستحيل يردج في شي إلا ان يشاء الله

رابعاً افهمي انه مب كل مرة تتفاهمين معاه على شي ويوافق معناته صدق موافق.. ممكن بس يريد يصكتج ويفتك من الحنّة.. بس انتي تعتقدين انه جاد وتبنين خيالاتج وتسعين في التجهيز

خامساً خلي ريلج بنفسه ينسق و يحجز مب انتي

والله يصلحكم لبعض و يزيد المودة والرحمة والألفة بينكم

[khaleejiya]

اختي ياليت تعطينا تفاصيل ادق
يعني شو حجته يوم يكنسل الطلعه؟؟ يمكن مش مهيء ماديا ووافق فقط عشان يرضيج؟

[أهلي عزوتي]

أنا و ريلي كل منا يستلم راتب و قدره

و يكون هو مقترح عليه بالطلعه عشان نغير جو

و نكون متفقين على كل شي من طأطأ للسلام عليكم

لا احن و لا شي ،، أنا انسانه جدا متفهمة و ما يكون عنده حجة للتأجيل

اذا تناقشنا عن سبب التأجيل ما تكون فيه بالفعل أسباب

من بعد النقاش أنا أزعل لانه ما فيه سبب من الأساس

من ناحية الطلعات أنا ما عندي ليسن ،، اذا رحت بروح لاهلي اللي همه في نفس الحارة

و أقوم بواجباته كامل بس ع الساكت

اذا كلمني أكلمه و اذا لا لا

اقلل من الاحتكاك فيه

و موضوع الطلعه كل مرة يتأجل من مرة عشان تكون عنده ظروف لدرجة انه يأخذ اجازة عشان هذا الموضوع

يعني متهيأ ماديا و نفسيا

أنا اللي يزعلني أني ما اروح مكان الا نادرا مثل المبيت برا و جي

و لما اطلع عنده أكون مثل العسل بس هو مرات يختلق سبب للمشاكل

[مراسيل الوفاآ]

اختي الحل عند ريلج ما بتحصلينه هني
لازم تيلسين وياه وتكلمينه عن اللي فيج
لكن لا تكونين عاطفيه زياده عن اللزوم
قوليله انه من حقج يخصص لج يوم
واختاري انتي اليوم وقوليله لازم كل اسبوع
هاليوم تكنسل كل شي وتفضي عمرك لي
لا تعطينه المجال انه هو اللي يختار شو يسوي
ف هاليوم واذا شفتيه ما يتجاوب ف خلاص اختي
ها طبع ريلج حاولي تتأقلمين ع هالشي وتسوين
جو ف البيت سواء ب فلم تشوفونه مع بعض
ولا عشى بروحكم و و و.. ، عادي يعني شي رياييل
ما يحبون الطلعات والزحمه وبالعكس انتي جي ما
بتكسبينه يوم بتسوين من هالشي مشكله اذا تبين
تكسبينه سوي اللي يحبه وبتلقينه وياج وعقبها تقدرين
تغيرين طبعه

[ربنا يوفقني]

اختي ممكن يكون رجل غيور اتاكدي منه اساليه او بطريقتك ممكن تفهمي ,اذا كان غيور اساليه شو الي يزعله ولا تعمليه
وايضا لاحظت بعض الصديقات يشتكو ان رجالهم مايحبو يروحو اي مكان فيه تجمعات مع حريمهم , ما يحبون الازعاج والبعض عذره يشوف اصدقاء له بالصدفة ,والبعض ايضا عذره الازعاج والتوتر
اعطيناكي الافكار وعليكي ان تراقبيه وتساليه وان شاء الله تجدين الحل ,عليكي بالاستغفار

[um fay]

حاولي انج تكسرين خاطره شوي دام مانفع معاه التطنيش والزعل
في ريايييل مايتحملون نظرة الحزن في عيون الحرمه
و انتي بعد كلميه وحاولي تفهمين شو هي الاسباب اللي يكنسل عشانها ؟

كسري خاطره..
زوووجي نفس الشي..
جيته بالتفاهم و النقااااش..
ودايما يوعدني.. و تتفركش الطلعه.. لاسباب تافهة..عشان طلعاته و ربعه ..

اخر شي سويت روووحي اصيييح
مبدأيا فادنااا... وامس مطلعناااا تمشية



بس بحاول ما اكثر عليه.. دام ما يحب يطلع كثييير